تحت بيتنا !!!

**MoToRiZeR** · 29-06-2008 07:43 AM

هفضل اجري وراه لحد ما يقف .. يا في اشارة .. يا شارع زحمة من شوارعنا .. ماهو أكيد هيقف ( دحنا في مصر بلد الزحمة .. متلاقيش جو المطاردات و التزنيق ده) .. و يا اما هنلحقه و ننزل فيه ضرب و عالقسم .. يا اما هو هيخاف و ينزل يجري من العربية .. بس أكيد هكون مرعوب علي عربيتي قبل عربية الست

متعرفش حضرتك ايه اللي حصل بعد كدة و مسكوه ولا لأ ؟

**أبومعاذ** · 29-06-2008 08:08 AM

المشاركة الأصلية كتبت بواسطة MoToRiZeR

هفضل اجري وراه لحد ما يقف .. يا في اشارة .. يا شارع زحمة من شوارعنا .. ماهو أكيد هيقف

واحد صاحبي شاف عربية خبطت واحد و جريت فضل يجري وراه من بعيد من غير ما يحسسه بانه وراه لغاية لما الدنيا وقفت قام زنق عليه و نزله و اترزع علقة مفيش زيها و اتاخد على القسم

**Ghamrawy** · 29-06-2008 11:54 AM

المشاركة الأصلية كتبت بواسطة OlaOsman

مش عارفة ليه انا فاقدة الثقة في الجهاز ده انه ممكن يحمي الناس زي زمان.. شايفة ان تركيزهم اكتر على فئة معينة من مكدري الأمن العام (من وجهة نظرهم) .

تقصدى الامن الخاص للى بالى بالك
عموما انا لو فى الموقف ده برضه حاجرى وراه لحد ما الاقى فرصة و اوقفه و اكيد الموضوع مش حايخلى من بعض الخساير

**cobraa2008** · 29-06-2008 12:01 PM

لا تعلييييييق ؟؟؟؟؟؟؟؟؟!!!!!!!!

**mohamed hatem** · 29-06-2008 12:03 PM

حصلت مع عمي و ابنه....جه الحرامي سرق عربية عمي قبل الفجر....وابن عمي كان راجع ساعتها بعربيته ...وراح واخد ابوه وجري وراهم ...بس العيال طلعت على الطريق السريع ...وابتدى فلم اجنبي ....
ابن عمي ظابط شرطه اصلا وعمي لواء شرطة برضه ...حاجه تتضحك ....المهم فضل وراهم وحاولو يزنقو عليهم ....المشكلة بقى ان العيال دي راحت مطلعة مسدس وابتدت تضرب على عمي وابنه ...فراح ابن عمي شادد طبنجته واستلمهم ...وحظهم انه ناشنجي ....وكان هو ده اخرتهم ...معرفش ينشن عشان يوقفهم بس ...الرصاص مع السرعه ..ادى الى وفاتهم ..

اللذيذ ان العيال طلعت مسجلين خطر وسارقين 100 عربية قبل كده ..واهلم متباريين منهم ..وابن عمي اتحجز للتحقيق ..بس الحمدلله طلع على خير

**tutankhamoun** · 29-06-2008 01:07 PM

المشاركة الأصلية كتبت بواسطة mohamed hatem

حصلت مع عمي و ابنه....جه الحرامي سرق عربية عمي قبل الفجر....وابن عمي كان راجع ساعتها بعربيته ...وراح واخد ابوه وجري وراهم ...بس العيال طلعت على الطريق السريع ...وابتدى فلم اجنبي ....
ابن عمي ظابط شرطه اصلا وعمي لواء شرطة برضه ...حاجه تتضحك ....المهم فضل وراهم وحاولو يزنقو عليهم ....المشكلة بقى ان العيال دي راحت مطلعة مسدس وابتدت تضرب على عمي وابنه ...فراح ابن عمي شادد طبنجته واستلمهم ...وحظهم انه ناشنجي ....وكان هو ده اخرتهم ...معرفش ينشن عشان يوقفهم بس ...الرصاص مع السرعه ..ادى الى وفاتهم ..

اللذيذ ان العيال طلعت مسجلين خطر وسارقين 100 عربية قبل كده ..واهلم متباريين منهم ..وابن عمي اتحجز للتحقيق ..بس الحمدلله طلع على خير

يستاهلوا ....................... في ستين داهية
حرامية و كمان معاهم مسدسات .................. شُغل شيكاغو

**د.أحمد سمير** · 29-06-2008 04:07 PM

أنا شاكر ردودكم أولاً
وثانياً : العربية شفتها راكنة النهاردة الصبح بدون خدوش أو خسائر لكن معرفتش السيناريو اللي تم تحديداً على العموم الحمد لله ..
ثالثاً : مسألة الوقوف المحتم ده ماكنش وارد لأننا على بعد 2 كم من الدائري يعني طريق مفتوح ..

تقبلوا جميعاً خالص مودتي

**hesham_tawfiq** · 29-06-2008 04:45 PM

انا ليا بس تعليق صغير جدا
امان ايه اللى بتتكلمو عليه فى مصرنا العزيزه
فى اهرام الجمعه اللى قبل اللى فاتت خبر يبين اد ايه مستوى الامن فى مصر دلوقتى والخبر بيقول :
"سرقه رئيس محكمه تحت تهديد السلاح على كزبرى المنيب - وجارى البحث عن الجناه وتحديد شخصيتهم"
يعتى الحراميه طلعو ووقفو الكوبرى وسرقو رئيس المحكمه وهربو والحمد لله محدش عرف يمسكهم

**m_aash** · 29-06-2008 04:52 PM

نفس الموقف ده حصل مع والد واحد زميلى بعد صلاة الجمعه فى مساكن الشيراتونوهو خارج من الجامع لقى عربيته ماشية قدامه و بالصدفة زميلى كان راجع بعربيته , المهم جرى ورا الحرامى لحد ما زنقه فى شوارع جانبية , راح الحرامى خبطله 3 عربيات و العربية المسروقة إتقلبت و خرج الحرامى منها و طلع يجرى , بس شهامة المصريين جريوا وراه و مسكوه و أخد علقة محترمة , ماكانش قادر يقف على رجله لحد لما وصلت النجدة فى النهاية و خدوه على القسم و طلع مسجل خطر سرقة سيارات

الموضوع: تحت بيتنا !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

مصر كلها بتخبط علي باب بيتنا في نفس الوقت

وعدنا الي بيتنا الحبيب (قسم ميتسوبيشي)

فى بيتنا برص

القطار فى بيتنا

فى بيتنا 6 رخص

الكلمات الدلالية لهذا الموضوع

المفضلات

المفضلات

ضوابط المشاركة