الموضوع: تحت بيتنا !!!

هي في المواقف دي شهامه الناس بجد بتبان واصلهم مش لازم تكون تعرفهم بس بيكونوا بالصدفه في المكان اللي حصل فيه الموقف لكن محاوله ارجاع عربيه مسروقه يعني تعمل زي ما بنشوف في الافلام بالظبط بس بالنسبالي مش هتأخر في فعل اي شئ للمساعده
وربنا يسترها

يا أخي والله ما عارف اقول لحضرتك ايه غير جزاك الله كل خير الموضوع ده طلعني من حاله نفسيه سيئه جداً لحاله من الفرح والله والنشوه واعادة الثقه بالنفس لئن احنا كده والله المصري جدع وابن بلد وشهم وفيه من الخير كتييييييير بجد اعصابي تعبت الفتره الاخيره دي كلها كانت مشاكل والناس اتغيرت والحراميه كتروا والغش زاد والنصب اصبح عاده وحاجات كتير الواحد من كترها بدأ يحس انه في كابوس شديد السواد وغير منتهي.

انا عارف ان ردي خارج الموضوع بكامله لكن بجد رجع لي التفاؤل والشعور بالامان والفخر والراحه النفسيه اننا لسه بخير الحمد لله وان كل اللي حاصل لينا اليومين دول سحابه وان شاء الله تمر بسلام وربنا يسترها علينا وعلى اهلنا اجمع ان شاء الله .

عموماً لو انا مكان الشباب دول هاحاول على قد ما اقدر اتحنب التصادم المباشر مع العربيه لتقليل الخسائر مش بس في العربيه في الارواح كمان والحرامي جبان بطبعه انا هافضل وراه واكيد هايقف في مكان او يتزنق هنا ولا هنا ...........اما الفرض التاني بقى ان الست تتهمني بعد كل ده اني بوظتلها عربيتها فا مش هافكر فيه دلوقتي لئن ده هايرجعني تاني للحاله النفسيه السيئه :) وانا ما صدقت.

جزاك الله خير دكتور احمد وربنا يبارك في حضرتك.

بصراحة شديدة......

مش عارف ارد على السؤال

مش هلمسه هفضل وراه واكلم الشرطه يعملو ليه كمين

الشعب المصري ........لديه شهامة .......... مازال البعض لديه شهامة
الشعب المصري يحرق الدم ........... أيوة و أينعم يحرق و يفور الدم
إنما فينا حاجة حلوة ............ أغلبنا بيحب يساعد في مواقف الخير و خصوصا لما بتكون المساعدة بدنية و نفسية أكثر منها مادية وطبعا كلنا عارفين إن المشكلة المادية بتغطي كل جميل

المهم
أنا لو مكان الشباب المتحمس الجميل ده
هاجري وراه العربية لغاية ما يتزنق في أي اشارة مرور و ننزل نطحن فيه لغاية ما يبانله صاحب
و طبعا في اللحظات دي تكون الشرطة الهمامة وصلت
يارب توصل ........
و تحيا ج ع ع