بخصوص سرقة السيراتو

**Hosam_Optrawy** · 26-08-2012 10:49 PM

المشاركة الأصلية كتبت بواسطة mmbadroo

مساء الفل با أستاذ / حسام
الكلام ده مضبوط جدا وبعدين انتشار سرقة السيراتو يرجع لعوامل أخرى ومنها على سبيل المثال وليس الحصر .
1- سيارة مطلوبة جدا فى غزة
2- السيارة الأكثر إنتشار فى مصر
3- معظم السيارات المسروقة كانت متأجرة من خلال مكاتب إيجار
أعتقد ان ماسبق كفيل انها تكون اسباب كافية لأنتشار سرقتها
علما بآن لصوص السيارات متفرقش معاهم مركات كله بيسرق انما يفرق معاهم متطلبات السوق
وفى الأول والأخر الحارس الله

مساء الفل

كلام سليم يافندم وفى ماركات كتير كانوا الحراميه معلقين عليها فى السنين اللى فاتت

وعموما العربيه ابتداء من موديلات 2012 بقى فيها immobilizer اساسى فى كل الفئات وربنا هو الستار

**temo85** · 27-08-2012 02:42 AM

المشاركة الأصلية كتبت بواسطة ahmed_adham

مفتاح الكارينز سألت عليه من 3 اسابيع عشان عندي واحد اتكسر ودلوقتي شغال بالاحتياطي (اللي هوه ميفرقش حاجه عن الاصلي لأنه فيه سنتر برضه) قالولي 850 جنيه الواحد واعتقد ان نفس السعر هيكون للسيراتو ولو فيه فرق مش هيكون كتير أبدا. فقط للعلم للي بيسألو عن سعره.

شكرا ياباشا طمنتنى 850 مش كتير اوى

**Ahmed_Adham** · 27-08-2012 02:49 AM

المشاركة الأصلية كتبت بواسطة temo85

شكرا ياباشا طمنتنى 850 مش كتير اوى

بس خد بالك ده بيلغي المفتاح اللي معاك يعني لو عايز مفتاحين شغالين هتشتري اتنين. على الاقل ده اللي فهمهولي بس أنا مجبتش عشان معايا واحد شغال.

على فكره مفتاحي اتكسر بطريقه غريبه جدا. أنا بعد ما بطلت العربيه وبسحب المفتاح وقع المفتاح نفسه (القطعه المعدن اللي بتثبت المفتاح في الريموت) ولقيت في ايدي الريموت بس. حمدت ربنا انه متكسرش جوه الكونتاكت كانت بقى أزمه. بس مش لاقي تفسير الا سوء جوده الخامات اللي مصنوع منها المعدن بتاع المفتاح.

**temo85** · 27-08-2012 03:31 AM

المشاركة الأصلية كتبت بواسطة ahmed_adham

بس خد بالك ده بيلغي المفتاح اللي معاك يعني لو عايز مفتاحين شغالين هتشتري اتنين. على الاقل ده اللي فهمهولي بس أنا مجبتش عشان معايا واحد شغال.

على فكره مفتاحي اتكسر بطريقه غريبه جدا. أنا بعد ما بطلت العربيه وبسحب المفتاح وقع المفتاح نفسه (القطعه المعدن اللي بتثبت المفتاح في الريموت) ولقيت في ايدي الريموت بس. حمدت ربنا انه متكسرش جوه الكونتاكت كانت بقى أزمه. بس مش لاقي تفسير الا سوء جوده الخامات اللي مصنوع منها المعدن بتاع المفتاح.

انا لو مكانك و اتكسر بالمنظر ده هغيره فى الضمان من غير ما أدفع حاجه ده أكيد سوء خامات , لو وقع وقعة جامدة او حاجه كنت قلت ماشى لكن يتكسر فى الكونتاكت صعبه دى

**D/FARID CERATO** · 27-08-2012 12:59 PM

المشاركة الأصلية كتبت بواسطة hosam_optrawy

مساء الفل

كلام سليم يافندم وفى ماركات كتير كانوا الحراميه معلقين عليها فى السنين اللى فاتت

وعموما العربيه ابتداء من موديلات 2012 بقى فيها immobilizer اساسى فى كل الفئات وربنا هو الستار

هل في حرمية عرفو يتغلبو علي موضوع ايمبلويزر و يسرقو العربية ولا ايمبلويزر ناجح؟؟

**2CODE** · 27-08-2012 03:00 PM

المشاركة الأصلية كتبت بواسطة D/FARID CERATO

هل في حرمية عرفو يتغلبو علي موضوع ايمبلويزر و يسرقو العربية ولا ايمبلويزر ناجح؟؟

اطمن لو الايموبليزر شغال وموجود حقيقي في العربية (مش اي كلام يقولوا موجود وهو مش موجود) يبقي لو عمل ايه في العربية مش هيمشي بيها لازم مفتاح سيادتك يشرف العربية علشان تشتغل

**D/FARID CERATO** · 27-08-2012 03:04 PM

المشاركة الأصلية كتبت بواسطة 2code

اطمن لو الايموبليزر شغال وموجود حقيقي في العربية (مش اي كلام يقولوا موجود وهو مش موجود) يبقي لو عمل ايه في العربية مش هيمشي بيها لازم مفتاح سيادتك يشرف العربية علشان تشتغل

انا عندي في العربية في لمبة ايمبليوزر بتنور في التابلوه مع الكونتاكت يبقي مش كدة عندي في العربية الاوبشن ده ولا ايه؟؟؟؟

**mouraddesk** · 27-08-2012 11:20 PM

المشاركة الأصلية كتبت بواسطة 2code

معرفش والله مجربتش وان شاء الله محدش يحتاج مننا الموضوع ده بس معتقدش هياخد كل المبلغ ده كله ده كده حرام والله

يا جماعة اخوكم كان معاه ميجان اى و الله ميجان و من هبلى غيرتها و جبت سيراتو و انتو بقى عارفين موضوع كارت الميجان بقى اللى بيجى من قريش فرنسا على الجمال فى 3 اشهر و سعرة 23 الف جنية طبعا الكلام ده كله كلام فارغ و اونطة.
الاسموبلايزر ده بيكون فى شريحه فى مفتاح العربية ما تدورش من غير مفتاحها علشان العربية بتتعرف على المفتاح و بتعمل المفتاح عند عزب اللى فى شارع السودان اللى فى المهندسين ب 150 جنية مع تغيير شفرة العربية على المفاتيح الجديدة و اى واحد بتاع مفاتيح بيعمل كده عن طريق توصيل الكمبيوتر على العربية و يعرف الكود القديم و يغيرة على الجديد و متخليش حد يضحك عليكو 5 الاف و 23 الف جنية و الكلام الفارغ ده

**temo85** · 28-08-2012 12:19 AM

المشاركة الأصلية كتبت بواسطة mouraddesk

يا جماعة اخوكم كان معاه ميجان اى و الله ميجان و من هبلى غيرتها و جبت سيراتو و انتو بقى عارفين موضوع كارت الميجان بقى اللى بيجى من قريش فرنسا على الجمال فى 3 اشهر و سعرة 23 الف جنية طبعا الكلام ده كله كلام فارغ و اونطة.
أفهم من كده ان حضرتك زعلان انك بعت الميجان ؟؟ انا اللى أعرفه ان الميجان عبارة عن شوية مشاكل و ركبوا عليها عربية , ياريت توضحلى وجهه نظرك
الاسموبلايزر ده بيكون فى شريحه فى مفتاح العربية ما تدورش من غير مفتاحها علشان العربية بتتعرف على المفتاح و بتعمل المفتاح عند عزب اللى فى شارع السودان اللى فى المهندسين ب 150 جنية مع تغيير شفرة العربية على المفاتيح الجديدة و اى واحد بتاع مفاتيح بيعمل كده عن طريق توصيل الكمبيوتر على العربية و يعرف الكود القديم و يغيرة على الجديد و متخليش حد يضحك عليكم 5 الاف و 23 الف جنية و الكلام الفارغ ده