عاوز اقول فى الاول انى رحت غبور قليوب و غبور ابو رواش بجد يا جدعان ميجوش نقطه فى بحر بجد بجد غبور العبور انا مكنتش متصوره كدا خالص شياكه ايه و احترام ايه و ناس زوق جدا جدا جدا كنت رايح صيانه ال 30000 للاى 30 كنت هناك الساعه 9.15 استلمو العربيه منى الساعه 9.30 و كان فى كذا ملاحظه كدا قولتهم لمهندس الاستقبال و قعدنا نتكلم الصراحه كتير مش زى ابو رواش عاوز يقلبك و ينجز حاله لا بجد بس موضوع لو فى حاجه مهمه فى العربيه شلها دى اللى مش لذيذه فى كل غبور بس اهو ماشى الحال المهم استلمو العربيه و رحت الاستراحه عدت ساعتين و نص و لقتهم بيندهو عليا و اللى اتعمل فى العربيه كالاتى
1. تغيير زيت شيل 10000
2. الكشف على العفشه بالكامل و تربيت العفشه
3. رجلاش تيل الفرامل الامامى و الخلفى
4. تركيب ورده لصموله فى العفشه دى اللى كنت مستغربها شويه
و كان الاجمالى لكل دا 560 ج بالتمام و الكمال
بس بجد مرتاح نفسيا الملاحظات اللى قولتلهم عليها راحت و كان كل ملاحظاتى على العفشه و كانت عاوزه تربيت مش اكتر ولا اقل
بس ملاحظتهم على العربيه ان الكاوتش عاوز يتغير
بس بجد مكان فى غايه الجمال معامله ولا احسن من كدا من اول ما دخلت لحد ما مشيت بجد حاجه زى الفل
المفضلات