الموضوع: أنا هاتجنن وتعبت خلأص من الهوندا سيتى ؟!!!!!

المشاركة الأصلية كتبت بواسطة mohamedhagrass

تمام المشكله مش في الصيانه الطبيعيه والعاديه للعربيه المشكله في قطع الغيار لا قدر الله واتخبطت وبسراحه تعويرتها جامده لاكن هيا كصيانه عاديه الاسعار معقوله وبسراحه السيفيك ما شاء الله عربيه جامده من الي بيقولو عليها عربيه دكر زي البيجو كدا
ولاكن انا عندي نظريه اني مجبش عربيه الا وانا معايا على الاقل زياده تلت تمنها احتياطي محدش عارف ايه الظروف وفي نظري ان ممكن اجيب عربيات حلوه بسعر اقل واسيب فلوس ليا وللزمن ولما ربنا يفتحها مفيش مانع من التجديد خصوصا لو جاب يباني كسر زيرو ولو افترضنا لانسر او نيسان هيخسر 3 الاف حد اقصى انا والدي جاب لانسر كسر زيرو وباعها خسر 500 لما جدد وقعدت معاه كمان 20 الف كيلو

يا باشا دى ارزاق فى الاول و الاخر

و الواحد و الله معاه عربيه يمكن لا يكون معايا ثمنها اصلا

بس و الله ربك بيسترها فى الاول و الاخر

المهم ان صاحب الموضوع يصلى صلاه استخاره و يشوف هو هيختار ايه

^_^

المشاركة الأصلية كتبت بواسطة jackson_75

السلأم عليكم ورحمة الله وبركاته
بصراحة يا جماعة أنا مش عارف أقول أيه لحضراتكم , والله مفيش كلأم ممكن يتقال بعد كلأمكم وأنتم كدا وفيتوا وقلتوا النصيحة بما يرضى الله وضميركم , فأنا شاكر جداً لحضراتكم جميعاً .. بس أنا بصراحة ما كدبش عليكم مش متفق مع الناس اللى رشحتلى أنى أشترى نيسان صنى مستعمل لأنى أنا مبستريحش للعربية دى أصلاً وكتير من الناس اللى كنت أعرفهم جايبنها كانوا بيقولوا أنها بتستهلك بنزين عالى وبالاخص الأتوماتيك منها, ده بقى غير أن فى ناس كتبة فى قسم النيسان عن الصنى الجديد 2013 كلأم مش حلو ولأيدعو إلى التفائل أطلأقا..فعشان كده أنا أستبعدتها من حسباتى .

طب معلش أنا هتأأقل عليكم شوية وعاوز أسأل حضراتكم ... ليه مافيش حد منكم رشحلى الرينو لوجان برغم أنى كتبت أنى كنت ناوى على شرائها , وعلى فكرة أنا شايف كتير منها بيتباع على النت كسر زيرو وأهى بردوا يبقى أسمها حاجة تقضى الغرض لحد ماربنا مايكرم ونشتغل .والسؤال هل اللوجان دي هاتستحمل شغل وسفر ولأ العربية اللوجان دى فيها عيب عشان كدا كل الناس بتبيعها كسر زيرو على النت ؟!!!!!!!!!

أرجوكم ما تبخلوش عليا فى ردكم لأنى فى حيرة شديدة وعاوز أخلص عشان أهدى وأروق البال وأروح أشوف رزقى

كعاده شركه رينو مشكلتها بشكل عام برضو قطع الغيار الغاليه وبسراحع معنديش فكره متوافره ولا لا ولاكن اسمع القطع العامه موجوده بسي الحاجات التقيله من التوكيل بس والله اعلم
انا شايف ان العربيه بالنسبه لسعرها مش قد كدا وكمان سوقها مش ماشي قوي قوي مثلا حضرتك عاوز حاجه في حدود كام وسعتها نقدر نبدا نطرح الاختيارات انا عندي اركب فيرنا احسن من اللوحان صحيح الفرنا نوعا ما التقفيل النهائي ساعات بيكون فيه عيوب بسي ممكن تاكد كويس عليها لاكن ما شاء الله عليها عربيه عفيه ولا الهوا على الطريق محدش بيعرف يجبها بمعنى الكلمه بطير كدا من قدامك وتقريبا في قئتها احسن عربيتين من نحيه التوفير وسوق البيع وقطع الغيار وكمان حماله اسيه وبتستحمل اللانوس العربيه ده تقريبا احسن تكيف حتى يمكن اقوى من تكيف اللانسر ما شاء الله وكمان بتشد جامد برغم قله القوه الحصانيه تقدر تقول انها زي الفرنا شويه

المشاركة الأصلية كتبت بواسطة sanhory

انا بقى ممكن انصحك بعربية انا مقتنع بيها جدا رغم حبي الشديد للهوندا

نيسان تيدا سيارة اكثر من رائعة و سعها و نعومتها و ادائها و سواء زيرو او كسر زيرو حتبقى محترمة معاك ومن السيارات اللي مشاكلها قليلة جدا و سعرها جديد ب 115000 تقريبا

فعلا عربيه محترمه جدا جدا وسمعتها حلوه

المشاركة الأصلية كتبت بواسطة محمد أنور

بصراحة و بدون زعل من زمايلنا الاعضاء .. ارائكوا كلكم تحترم بس انا شايف انه ميشتريش هوندا اصلا .. الهوندا عربية غالية و تقيلة شوية في بيعها لو حب في اي وقت انه يبيعها .. و قطع غيارها غالية نار و بتغلى كل ما كان الموديل حديث ..
ربنا يرزقنا جميعا و يرزق صاحب الموضوع بس انا نصيحتي من اخ لأخوه والله خالصة لوجه الله .. لو انا في ظروفك هشتري لانسر بومة (عربية محتفظة بتمنها و مبتخسرش و في نفس الوقت قطع غيارها رخيصة و لو حبيت تبيعها في اي وقت هيجيلك زبونها و انت واقف ) مع العلم اني معايا هوندا بس دي نصيحتي والله من اخ لأخوه و ربنا ان شاء الله يصلح حالك و يرزقك و تبيعها و تجيب السيتي زيرو :)

+111111111111 الاستاذ جاب من الاخر عيوب الهوندا ومع ذلك نرجع نقول عربيه ركوبه من الاخر بسي كلامه مظبوط ميه في الميه

أنا بصراحة عندي رأي مخالف للكل تماما
أنا مش منحاز للعربية عشان معايا على فكرة, بس أنا حشرح لك وجهة نظري
مبدئا أنا شايف إن العبربية عجباك قوي. ودي حاجة حلوة إنك راسي على عربية معينة مش محتار.
بالنسبة للماديات فدي حاجة إنت أدرى بيها من أي حد تاني. محدش يعرف ظروفك غيرك.

ثانيا إنت لو محتاج معلومات زيادة عن العربية في مواضيع موجودة هنا في القسم عن العربية.

ثالثا وده الأهم:اللي حيحدد إذا كان آه أو لأ هو إنت
بمعنى
مبدئيا حنتكلم في الزيرو اللي كده كده ما بيكلفشي أي حاجة غير مصاريف الصيانة الدورية
لو عايز عربية تستمع بيها وتنبسط بيها طول الفترة اللي حتبقى معاك وتحس بالتميز معاها عشان محدش راكبها يادوب يتعدوا على الصوابع. يبقى هاتها. بس خلي بالك إنت حتدفع في المقابل ده فرق سعر إعادة البيع.
لكن لو عايز عربية تقضي بيها أي حاجة وما تفرقشي قوي في سعر إعادة البيع يبقى الإختيارات التاينة كتيرة.

بالنسبة للمستعمل بقى فأنا شخصيا لا أنصح بيه نهائيا. لأنك مش حتبقى ضامن العربية دي فيها إيه. مهما كانت بقى كوري أو ياباني. مش حتفرق.

باختصار وعشان ما أحيركشي بزيادة. عايز تركب عربية حلوة وماتاخدشي منك وقت ولا فلوس في الصيانة. يبقى إتكل على الله سيتي زيرو.
خايف من الفلوس وفرق السعر يبقى إنساها خالص لحد ما ربنا يكرم وتقدر تجيبها.