الحقوني بنزين بينزل من المحرك كتير جدااااااا

**AboELsoud** · 26-08-2012 08:47 PM

السلام عليكم و رحمه الله

الحكايه بكل بساطه انه من 10 ايام كنت ماشي في طريق و خدت كام كحته من تحت العربيه شداد بس العربيه كانت بتمشي و ما فيش فيها اي حاجه
سافرت اسبوع و لسه راجع

جيت ادورها قعدت 3 دقايق بسخنها ........... شميت ريحه بنزين .......... قمت راجع بالعربيه عشان اطلع من الجراج ............. ولعت النور ببص على مكان ما كنت راكن لاقيت بنزين كتيــــــــــــــــــــــ ـــــــر قمت نازل جري اشمه اتأكدت انه بنزين ................ ببص على تحت المحرك لاقيت ماسوره بنزين مفتوحه قمت مرجع العربيه مكانها بسرعه و طافي .................. ببص لقيت البنزين وقف و مبقاش بينقط

ركنتها في مكان تاني بسرعه بعيد عن البنزين اللي على الارض الكتير و بعيد عن الناس

يا ترى ايه اللي حصل ؟؟؟
هل مثلا الماسوره اللي جايه من التانك للمحرك اتخرمت ؟؟؟؟ او فيه حاجه مفكوكه ؟؟
افيدوني افادكم الله

**darsh_darsh** · 27-08-2012 03:13 AM

امشى ورا مسار ماسوره البنزين واتاكد ممكن يكون خرطوم اتشق او الافيز بتاعه مفكوك

**AboELsoud** · 28-08-2012 01:41 PM

المشاركة الأصلية كتبت بواسطة darsh_darsh

امشى ورا مسار ماسوره البنزين واتاكد ممكن يكون خرطوم اتشق او الافيز بتاعه مفكوك

رحت النهارده للميكانيكي قاللي انه الماسوره كلها اللي جايه من التانك للماتور عايزه تتغير
ايه رأي حضرتك ؟

**darsh_darsh** · 28-08-2012 04:45 PM

لو هى متهالكه خالص يبقى تتغير افضل وتاكد انها هى السبب مش خرطوم مقطوع او مشقوق

**AboELsoud** · 28-08-2012 09:26 PM

ما هي دي المشكله مش عارف ابص و اتأكد ان المشكله خرطوم ولا ماسوره
بس هو قاللي انها بتاخد يوم كامل و تغيرها رخم
فمأظنش انه هيقوللي انها عايزه تتغير و هيتعب فيها و هي كويسه
مظبوط ولا لأ ؟ :)

**darsh_darsh** · 29-08-2012 02:28 AM

انا بقولك كده عشان ميغيرهاش ويرجع يقولك ده مش هى السبب او مش عارف ايه انت احسن حاجه تروح اى بنزينه وخلى العامل يرفعها ويبصلك تحتيها ويشوف البنزين جاى منين بالظبط وبص انت بنفسك

**AboELsoud** · 29-08-2012 07:01 PM

هوه كان متأكد و جبتهاله و غيرها الحمد لله
سعر الماسوره من محل نافع في شارع دمشق 200 جنيه
و سعر المصنعيه من الميكانيكي 150 جنيه
و وديتهاله على الضهر خلصها قبل المغرب
شكرا جدا لمساعده حضرتك