الموضوع: حملة دعم اطارات النسر (شجع منتجات بلدك)

المشاركة الأصلية كتبت بواسطة ahmed1981

طالما أنك رجل مؤمن وتتحدث عن كلام سيد الخلق

وبالتأكيد تعلم أننا مأمورون بإتباع كلام سيد الخلق كله

مش شغل نقاوة على المزاج

هقولك حديث من سيد الخلق عشان انا وإنت وكلنا نتبعه

يقول سيدنا محمد صلى الله عليه وسلم:ـ
" إن من إجلال الله ، إجلال ذي الشيبة المسلم ، وذي السلطان المقسط ،وحامل القرآن غير الغالي فيه أو الجافي عنه " .
ويقول أيضاً
" السلطان ظل الله في الأرض من أكرمه أكرمه الله ومن أهانه أهانه الله " .

ياسيدى الفاضل الله يكرمكم هوانتم حافظين مش فاهمين ؟ كل شوية يدخل واحد يقوللى نفس الكلمتين؟ ياعم أنا لم أجله فين؟ شتمته ؟ جبت سيرة أهله ؟ قللت من دينه؟ حدفته بجزمتى زى ماعملتوا مع شفيق وكنتم مبسوطين ؟ أنا باقول اترشح احتياطى - استبن - ودى حقيقة.. وعلى عينى وراسى حفظه كتاب الله بس دى مؤهلات امام جامع مش رئيس دولة..أنا ضده كرئيس دولة..كسياسة ... مش كدين
أما حديث السلطان ظل الله فى الأرض ده فأنا أتذكر ان بعض شيوخ السلفيين استخدموه من سنة ونص للدفاع عن مبارك والناس هاجت عليهم ..دلوقتى افتكرتوه عشان مرسى؟ هو ده بقى شغل النقاوة ع المزاج بجد
ورغم ذلك ..انتقاد الحاكم أو السلطان ليس اهانة ولاينطبق عليه الحديث

وأتوسل الى الجميع : من لايعجبه كلامى عنده زرار الديسلايك أو يتجاهلنى أو يدعو لى ان كان ذو فضل لكن ارحمونى من هذا السيل من الكلام المتشابه

فلول الحزب الوطنى؟ شفيق بتاعى؟؟؟؟؟؟؟؟؟

أستغفر الله العظيم وأتوب اليه وأبرأ اليه مما يقولون

"واذا خاطبهم الجاهلون قالوا سلاما" صدق الله العظيم

سلاما ... وحسبى الله ونعم الوكيل

المشاركة الأصلية كتبت بواسطة ahmed1981

في فرق بين إنتقاد الحاكم
وبين التنابذ بالألقاب

إنت مطلع عليه لقب الإستبن وشغال بيه

هذا يسمى تنابذ بالألقاب
وهو حرام

قال الله تعالى في سورة الحجرات :

(وَلا تَنَابَزوا بِالأَلْقَابِ بِئْسَ الاِسْمُ الْفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ )

يا أستاذى الفاضل أشكرك على نصيحتك ليا بس هو حضرتك شايف ان أنا اللى طلعت عليه اللقب ده؟ دى مصر كلها كانت بتناديه بيه حتى هو نفسه قال فى مقابلة ليه ما معناه انه سعيد انه استبن لأن الاستبن بيجيب اجوان زى أبوتريكة

والموضوع كله على فكرة كان تعليق عابر وضخمه أحدهم الذى اختصمته عند الله وهو الذى فتح كل هذا الباب من الجدال

وتوضيحا لحضرتك نظرا لذوقك ورقيك فى الحوار أنا اديت مثل بشفيق لأنه ذى شيبة مسلم ..يعنى ممن ينطبق عليهم الحديث الأول وليس لأنه حاكم... وعموما هو تصرف لايليق مع أى شخص
و ليس فى ردى مايقول أنى فلول وطنى أو من أتباع شفيق

وأكرر شكرى للنصيحة