الموضوع: حملة دعم اطارات النسر (شجع منتجات بلدك)

المشاركة الأصلية كتبت بواسطة ahmed_mido1889

مش هتضيف رد طيب والا الكيبورد بتكتب حبر شفاف

بصراحة مش لاقي كلام اقوله
مستغرب من ان حضرتك دخلت فيا شمال :(

المشاركة الأصلية كتبت بواسطة eng f3lix

بصراحة مش لاقي كلام اقوله
مستغرب من ان حضرتك دخلت فيا شمال :(

مش دخلت شمال

بس انت سالتني ورديت رايي بصراحه
انا كنت بدور عي النسر لجاري من كام يوم لاقيت مواصفاته لا تليق بكارو

والاقيك واخد كلامي اقتباس بدون رد يبقي استهزاء

المشاركة الأصلية كتبت بواسطة محمد يوسف

لو وزعوه ببلاش ماخدوش برضه

يا استاذ انا بقول اشتريه استبن

المشاركة الأصلية كتبت بواسطة y a r i s

ماشي انا عاوز اشجعهم والله
بس مين هيشجعني ويساعدني لمن العبشة تبوووووووظ هههههههه حد هيتبرعلي بتمن مساعدين ولا يجبلي سوستتين هدية .... باشا انا اشتريت زمان عربية شاهين جديدة واول ماجبتها التوكيل ذات نفسوا بعضمة لسانوا بيقولي المفروض بعد ال ١٠٠٠ كيلو تليين شيل الاربع فرد. ارميهم في الزبالة وهاتلك غيرهم ، انا نفسي اشجع مصر بس هو ماينفعش اشجعها بقلبي ولا هو ضروري اشجعها بجيبي .... ومحدش يفهم غلط. انا وطني ومن كتر وطنيتي ماشي بطن طن وبلبس كوتنيل لان القطن بيتكلم مصري هههههههه بس اني اغير فرد العربية او حتى الاستيبن. بكوتش النسر ولا اركب لعربيتي بطارية نسر واكمل بقيت حياتي ازوق في العربية دي مشكلة في حد ذاتها

انا نفسي بجد. نشجع الزراعة ونزرع البلد الي تلات تربعها صحره. نفسي نسيبنا بقه من الصناعه الي فشلنا فيها ونرجع مزارعيين زي مكنا. ونكون سلة العالم. الغذائية يعني بتمن مصنع النسر الي لو اتخصخص. وبفلوسوا بنينا مزرعة دواجن ولحوم واعلاف حاجة كده على مستوى الشرق الاوسط انشئنا مزارع سمكيه مثلاً خضرنا ام الصحرة دي وزرعناها قمح ونصدر قمح كمان لدول العالم مش هيبقى احسن من صناعه لابتودي ولابتجيب ولا حتى بتكسب .... وان كنا عاوزيين نشجع صناعة بلدنا فلازم نشجع صناعة المنسوجات لان القطن متواجد عندنا بكثرة ونصدر لدول العالم نشجع الصناعات الغذائية ونوصلها لمستوى العالم وبدل مانشجع على كليات القمة الطب والهندسة والشرطة نشجع كليات الزراعة ويبقى عندنا اكبر نسببة مهندس زراعي ودكاترة بيطرية. مش دكاترة انف واذن وحنجرة ودكاترة بطنة ودكاترة توليد وامراض نسا .... على فكرة سيبك من شوية الخضرة ولا الفاكههة المعفنة الي بتبقى مرمية في الشوارع شوفوا الخضار بتاع التصدير والفاكهة بتاعت التصدير بيبقى شكلها عامل ازاي. لازم نزرع الاراضي بتعتنا لازم وبعد مانهتم بالاساسيات ساعتها بقه لمن نخلص خالص ونكتفي زاتياً نروح ندور على مصنع كوتش ولا مصنع لبان او مصنع بسكوت وشيبس .... فمع احترامي الكامل لفكر ساعتك بانك نفسك تشجع منتج مصري وانا بحترمك وبحترم رايك بالكامل لانوا ان دل على شيء فبيدل قد ايه البلد دي لسه بخيرررررررررر .... بس هل ممكن ناخود العمال الي قاعدين بيصنعوا كوتش هابط دول وكوتش ملهوش لازمة. ينفع ناخودهم ويشتغلوا في تخضير الصحرة وندعمهم بالدورات التدريبية. بازاي يقدروا يطلعوا منتج كويس ويزرعوا باقل مجهود وباقل التكالييف ! ونرجع بلد زراعي متربع على القمة .... بدل ما نبقى زي الي طلعت رقصت على السلالم لاطالت ارض ولا طالت سما وتحياتي وبشكرك تاني مره على الموضوع الجميل بتاعك .

هو الاستبن هتمشى بيه كام كيلو علشان يبوظلك العفشة

المشاركة الأصلية كتبت بواسطة y a r i s

عارف ياباشا لو شجعناهم. .... واشترينا منهم الكويتش بتاعهم الرديئ. هتبص تلاقي بعد فترة الناس تطالبهم انهم يحسنوا كوتشاتهم
هيجي واحد من المصنع يقولك. نحسن ليه من جودة كوتشنا .... ماهي الناس بتشتري كوتشتنا ومبسوطة وزي الفل ومحدش اشتكى ههههههههههه.

ليه نفترض كده يمكن ربنا يكرمهم بعقول ناس زى اعضاء المنتدى عايزين يعملوا حاجة ل مصر

المشاركة الأصلية كتبت بواسطة mohamed_abdelm

السلام عليكم
انا عايش في اوروبا وشغال في العربيات في حد عنده استعداد يستورد مني؟
الماني-ايطالي-فرنسي-امريكي-........

يعنى احنا بنقول نساعد اقتصاد بلدنا و نعلى كلمة مصر و حضرتك جاى تعمل سبوبة على حساب مصر هنا