الموضوع: غيرت قزاز عربتك لامان ولا دكتور جريش ولا ركبت الاصلي !

حبايب قلبي جميعاً اشكر الجميع بلا استثناء واشكر روحكم الطيبة ومشاعركم الرقيقة والجميلة وهيا دي روح أولاد المنتدى. واولاد البلد الي على حق. .... مع اني مفهمتش ايه تيمبلت وايه قزاز عادي

النهردة روحت وطلعت .... المهندسين. رحت عن دكتور خالد سلام عليكم عليكم السلام لو سمحت كنت عاوز اركب قزاز. اتحاد اوروبي من ابو ٧٥٠ الي قلتلي عليه. .... بصيت ليقتوا بيقلي قزاز ايه !!!!

قلتلوا قزاز امامي لليارس انا جتلك من قيمت شهريين وقلتلك عاوز برفريز وسئلتك عن تمنوا حتى بالامارة قلتلي ان عندك اتحاد اوروبي بصيت لقيتوا بيقلي حضرتك احنا مبنبعش قزاز اصلاً. احنا هنا في دكتور خالد ( الي جمب فرغلي ). بنصلح قزاز فقط. مبنبعش قزاز قلتلوا اومال انتا ليه قلتلي. سعروا بكزا وقعدت تشكرلي فيه المهم الراجل باين عليه عندو زهيمر مبكر او كان بيشتغلني ماهي ناقصة اشتغالات

المهم قلتلوا طيب الاقي القزاز الاتحاد الاوروبي فين قالي عارف شارع شهاب في واحد جمب التوحيد والنور. اسمو ( دوق دوق )
وعندوا قزاز اتحاد اوروبي ..... قلتلوا طيب ايه الفرق بين الاتحاد الاوروبي وبين دكتور جريش قالي اخبط على القزاز بايديك هتلاقي الفرق واضح الاتحاد الاوروبي اتخن واقوى.


المهم روحت عند دوق دوق بتاع الاقزاز. لقيت موظفة جوه قاعده بترغي في التيلفون .... وشافتني ولا قالتي اتفضل استريح ولا نيله شوية بعد ما خلصت التيلفون
أفندممممممممم. ( اقسم بالله كنت همشي لان فعلاً قليلة الزوووق )
لاكن قلت ياعمي ماهو حال البلد كلها كده يالله. شوف القزاز الي انتا عاوزوا واخلص
سئلت عن القزاز طلع عندهم قزاز اسمو ) dok) ايه حكاية القزاز ده انا اول مره اسمع عنوا ده اتحاد اوروبي راح الواد الي هناك داحك وقلي باشا مفيش حاجة في مصر اسمها اتحاد اوروريي ( ياحبيبي يوم الاشتغالات العالمي ) وقالي ده قزاز ايرلاندي بيتصنع في مصر قلت ايوه افشر افشر ماهي ناقصة هههههههههه
( ياترى مين بيشتغلني دكتور خالد ولا بتوع دوق دوق )
المهم ماعلينا
الواد جبلي قزاز. ابن ستين تيت ببص عليه تحس كانوا فرشينوا في الارض كانوا بياكلو عليه. وتمنوا ٤٥٠ جنيه
وكلو بصمات وحاجة تقرف مش شايف منوا حاجة.
روحت سايبوا وماشي. وقلت اطلع لدكتور جريش في شارع سوريا واذا النيسان صني بيركبوه يبقى حاجة محترمة
المهم وانا في الطريق رحت ضارب تيلفون لعرفة جابر موزع قطع غيار تويوتا
بقولوا لو سمحت الاقي عندك قزاز تويوتا امامي يارس قالي اه موجود. ب ٢٢٥٠ جنيه. قلتلوا
كاااااااااااااام !!!!!!! ليه انشاء الله انتا مش قلتلي ١٢٥٠ جنيه قالي لا حضرتك بس تلاقي حضرتك سمعت غلط
قلتلوا طيب معندكش قزاز مش تيوتاوي بس يباني قالي في وب ٧٥٠ جنيه.
قلتلوا. ب ٧٥٠ ولا ب ١٧٥٠. وضح الله يخليك. قالي لا ب ٧٥٠
قلت يمكن يكون عندي خلل في الاذن الوسطى ولا حاجة. ولا انا ابتديت اهيس على كبر ههههههههه

المهم بصيت لقيت المدام بتقولي قزاز ايه وخرابيش ايه الي واجع دماغنا بيها بص جمبك كده لقيت عربية سيراتوا جديدة والقزاز بتعها مشروخ من اول البرافريز لاخروا والراجل. سايق ولا في بالوا حاجة. .... وانا شوية خرابيش ودواير مجنني في القزاز ولقيتها بتقولي لو الفلوس حرقينك قوووي ادهوملي وعدي بينا على كارفور هههههههههه قلت يادي كارفور الي مش هنخلص منوا


&&&&&&&&&&&&&&&&&

بس الغريب ان بالليل النهارده. عديت على زميل ليا في الشغل رايح يشتري عربية فيرنا
وخدتوا ورحنا للمصرية للعربيات
لقيت عندهم اتنين فيرنا واقفين جمب بعض واحده مكتوب على قزازها غبوور وتحت منها كلمة امان
والتانية مكتوب على قزاز كمان غبور. بس مكتوب دكتور جريش
والي يدحك انا بخبط باصباعي على القزاز هنا ورحت خبطت على القزاز هنا فراح زميلي بيقولي ها حمره ولا قرعه ههههههههه.
قلتلوا لا انا بس ببص على قزازها. .... قزاز دكتور جريش اقوى شوية من قزاز امان

بس يا اصدقائي وهو ده كل الي حصل النهرده ورجعت وما اشتريتش ولا غيرت القزاز

انا واللهِ رايي من رايك يا حسام باشا لاني الي يجننك ان الخرابيش كلها. والتجاريح قدام السواق لكن هيا قدام الكرسي بتعها القزاز زي الفل. وده نتيجت العيال ولاد اللزينة الشحتين بيجو بحته. كل تراب وقرف وشحم وفحم ويقوموا ايييييء ويخربشوا الحته الي قدامك ويقولولك كل سنة وانتا طيب. ياعمو والنبي جنيه ياعمو

منهم لله اهاليهم الي بيخلفوا ويقعدوا جمبيهم في الاشارات ويسرحوا عيالهم في الشوارع بشكل بقه مستفز على الاخر .... انشاء الله انا عاوز اقابل باشمهندس أم حبيبي ٨٦ واشوف القزاز بتاعوا. اخباروا ايه. لعل وعسا يكون كويس وزي الاصلي ان مكنش اهو هخطف رجليا على شارع دمشق فيه هناك محل دكتور جريش اخليه يفوكلي القزاز الاصلي بالراحه ويحطوهلي على الكنبة الي ورى بحيث اهو استبن عندي ونشوف لعل وعسى يطلع كويس بس لغايت دلوقتي مفهمتش حتت العازل الحراري دي ممكن يكون القزاز الامامي عازل للحرارة زي القزاز الجانبي .... لان فعلاً شبابيك اليارس بتعزل بنسبة ٦٥٪ مكتوبة حتى بيقلك الاشعه فوق البنفسجية
فهل لو ركبت برفريز مش اصلي حرارة الشمس هتسخنلي التابلوة وبالتالي هتاثر على تبريد التكييف ويبقى التابلوة قدامي ولعة وادطر افرش سجادة صلى قدام مني على التابلوة زي ايام زمان كنت فارش سجادة صلى على تبلوة البولونيز. علشان التابلوة مايسخنش. وهوبا ابص الاقي المتور هوا الي سخن ههههههههههه كانت ايام