الموضوع: غيرت قزاز عربتك لامان ولا دكتور جريش ولا ركبت الاصلي !

المشاركة الأصلية كتبت بواسطة ahmed_adham

أنا غيرت ازاز الكارينز 2012 بالاصلي وكان تمنه 2950 جنيه من التوكيل بالتركيب والضريبه وكل حاجه. القصه انى كنت على اسكندريه الزراعي داخل على القاهره وفي نزله كوبري قليوب لقيت زلطه بترزع فى الازاز متهيألي كانت محشوره فى كاوتش العربيه اللي قدامي وقررت تطير فجاه. المهم انها جت فوق المساحات مباشره وعملت كسر مدور كده في حجم كوره البينج بونج بس الازاز متكسرش. بعد كام ساعه وأنا خارج بالليل لقيت الموضوع كبر وفيه شرخ من الكسر عند المساحه لحد فوق في أخر الازاز والشرخ مكانش بره ولا جوه - كان في قلب الازاز. خدت بعضي على التوكيل وغيرته في ساعتين تقريبا.

اللي مزعلني ان ده حصل والعربيه لسه بكيسها يوم ما رخصتها وكنت لسه راجع بيها من المرور. يظهر والله أعلم خدت عين في المرور من واحد حقود بس يلا كويس انها جت في الازاز.

دى البوسة بتاعة الزيرو
وبتفرق من بوسة لبوسة
فى واحد يخدله خدشة
واحد تخييشة
انا الحمد لله جتلى تانى يوم فى شغلى خسارة ٤٥٠٠٠ ج