الموضوع: عربية سيئة السمعة

الله يبارك فيكم جميعا و شكرا لردكم واهتمامكم.

المشاركة الأصلية كتبت بواسطة romagti

السلام عليكم

احب اقول لكم جميعا كل عام وانتم طيبين للعيد السابع للمنتدى

و دة اخر تحديث للمشكلة الحمد لله العربية رجعتها للشركة بعد فترة من المفاوضات بعرض الشركة للبدل او الاستراجع

كان البدل بنفس سعر السيارة 125000 لكن لازم طبعا هدفع فرق الاسعار الجديدة لاى عربية جديدة لكن لظروف اخترت ارجاع السيارة لشركة كيا مقابل 120000 الف بعد خصم مبلغ 5000 نظير الاستهلاك وبعض التلفيات الحمد ارتحت منها و مبعتهاش لاى حد علشان الغش و مخدش انا وزرها

اشكر السادة الافاضل اللى اخير اقتنعوا ان العربية فيها مشاكل و ساعدونى على اتمام الصفقة دى واشكر كل الاخوة الاعضاء اللى اهتموا وشجعونى للنهاية واحب اقول للكل محدش يسيب حقة مهما كان طالما دة حقة وماضع حق وراءة مطالب الحمد لله على كل شىء .

ألف مبروك وأحييك على انك موافقتش على التدليس ببيع العربيه لحد ميعرفش عيوبها ويارب التوكيل ميبعهاش لأي معرض مستعمل ويوقع ضحيه جديده.

شكرا يا شباب كل اهتمامكم و دعمكم لية وان شاء الله هبتدى رحلة البحث عن عربية بس مستعملة من المجتمع الالمانى اللى ما قبل 2005 بورا او جولف اتوماتيك طبعا او الفرنساوى سيتروين c4 كوبية بس لازم تكون حالتها ممتازة علشان المشاكل بتاعت العربيات المستعملة وربنا يوفقنا ان شاء الله

شكرا يا أ/ محب كلة بفضل الله الف شكر وحمد و يارب محدش يعيش اللى انا شوفتة وكمان اوعى اى حد يسيب حقه طالما انت مش بتخدع حد وكمان معاك مايثبت الكلام دة و على فكرة انا حد عادى جدا ولا لية اقارب مهمين ولاحاجة بس ربنا بيسبب الاسباب اللى تخلى الناس اللى فى شركة كيا يهتموا اكتر علشان الصمعة و رضاء العميل حتى لو هيمشى

انا برضوا بقالى 8 شهور حرب معاهم بكل الطرق المشروعة و القانونية المهذبة لحد ما فرجت من عند الله و شكرا لكم جميعا .