الموضوع: عربية سيئة السمعة

المشاركة الأصلية كتبت بواسطة formulator

معلش، بس عفشة الريو والسيراتو مش "رياضية"..؟؟!!!
ولا ينفع يتقال عليها "عفشة سبورت" ولا ليهم فيها، ولا أى عربية كيا فـ مصر فيها sport-suspension

يعنى تقدر حضرتك تقوللى أرقام الـdamping-rate للمساعد والـspring-load للسوست عشان نشوف هى عفشة سبورت ولا لأ

- مش عشان العفشة ناشفة = رياضية؟؟؟!!!!!!
دى مشكلة setup فـ كل الكيا-هيونداى (الجيل الثانى زى ما بتقولوا) لنظام-التعليق، سواء فـ الـmcpherson قدام، أو فـ الـtorsion-beam ورا.
والجزئية دى قتلت بحثا فـ المنتدى، وتقدر تراجع مواضيع كتييييييييييييير فـ قسم الكيا بالصور والإثباتات..؟!!

edit: جزء كبير من المشلكة فـ المساعدين ماركة mando الكورى اللى بيركبوا فـ السيراتو والإلنترا والأكسنت (وأعتقد الريو كمان)،
ماندو ده مورد كورى (partner مع hella بتاع الزينون الصينى :c_laugh[1]:) بيوردلهم مكونات كتير جدا لكيا فـ الفرامل والعفشة وطلمبات...etc

حاجة أخيرة بالنسبة للتشارجر:
- عفشة الـhemi 5.7 بتبقى أنشف من الـv6 3.6 العادية، و الـsrt أنشف من الإثنين..!!

بس سيبك من المثال ده، عشان ماينفعش تقارن عفشة الكيا-الريو-fwd بعفشة الدودج-التشارجر-rwd (ولا حتى بالكامرى والأكورد)

وخلينا فـ عربيات عادية -موجودة هنا فـ مصر وجربناها وعارفينها:

عايز تعرف الفرق بين العفشة العادية و العفشة السبورت..
- شوف الفرق بين عفشة الجولف الـ1.6 وعفشة الجولف الـtsi
- أو الفرق بين عفشة الجراند/البرافو الـ1.4، وعفشة الجراند-التربو/البرافو التربو t-jet
- عفشة المينى الـ1.6 وعفشة الكوبرs
- عفشة الـ316i/320i وعفشة الـ330i/335i

لو رفعت العربية أو نزلت تحتها: هتشوف فروق تلاحظها بعينك (فـ الدامبرات والسوست والفرامل...etc)
ولو سقت العربية ورجعت سوقت النسخة السبورت منها: هتلاقيها أوطى عـ الأرض وأنشف والدركسيون أثقل والهاندلينج غير والـgrip أعلى فـ الملفات ووو...etc

فـ ماينفع يتقال على عفشة الريو الـ1.4 رياضية،
عايز أقولك فـ الكيا (وفـ الكورى عموما) ممكن تلاقى الريو الـ1.6 -اللى مابتنزلش مصر- نفس عفشة (وفرامل) الـ1.4 مفيش upgrade :c_laugh[1]:






العربية وزنها 1150 زى ماقال الأستاذ youssef.awad
الـ1600 كجم ده gross vehicle-weight وهى محملة.. أقصى وزن يقدر الموتور يجر العربية بيه..؟!!!

- 1600 كجم ده حضرتك وزن 523i-525i الفئة الخامسة أو وزن e-class بموتور 6-سلندر
ههههههههههههههههههههههه

rgds،

الواحد بصراحة ميشبشع من القاعدة معاك ههههههههههههه

المشاركة الأصلية كتبت بواسطة formulator

باشا ممكن تفصيل أكثر للنقطة دى؟؟!!!

أصل المفروض ان أى electronic fuel-injection بيبقى التحكم بتاعه من الـecu،
والـflow-rate بتاع البنزين من الرشاشات بيتحكم من الطلمبة (آخرها 3.5 بار للموتور الـ1400)
+ الـfuel-pressure regulator بينظم الضغط فـ مسطرة الرشاشات (وده 3.0-4.0 بار)

البروفايل أو الـpattern بتاع الرشاش.. كل ده كنتروله إلكترونى من الـecu حسب الـengine-load والـrpm..!!

- يعنى دى حاجة مالهاش تضبيط من التوكيل، لأن دى الـmap بتاع الـinjection/ignition اللى نازلة على الـecu
(يعنى مش سوفتوير عادى زى اللى بينزل للبلوتوث أو حتى للفتيس مثلا).. لأ، ده كنترول الموتور؟؟؟!!

مش فاهم يعنى التوكيل عمل remap؟؟ :c_laugh[1]:
والـinjectors دى بتبقى ليها limit للفتح (يعنى مثلا فـ موتورك أقل من 200 cc/min عند الـpeak horsepower مثلا)؟؟!!!
وكذا فـ الـidle أو السلانسيه...etc

اللى أقصده:ان لو فيها مشكلة؛ بتبقى مشكلة hardware .. يعنى الطقم كله يتغير، وممكن الـfuel-rail كماااااااااان!!
كله شغل السوفتوير اللى ممكن يعمله: هيعملها recoding عشان الـecu تقراها؟!! بس كده.

بالتوفيق -ان شاء الله- وأتمنى المشكلة تتحل

السلام عليكم يا استاذى

شكرا لشرح لكل النقاط التى تم التحدث فيها

اما بالنسبة لموضوع الانجيكتور انا بصراحة مش فاهم قوى فى الموضوع دة بس لما كنت فى التوكيل شوفنا على الجهاز ان الرشاش فاتح على نسبة كبيرة وبعد تزيبط السوفت وير وتغيير البوجيهات ودة كل كان قدام عنية انا والمهندسين اللى كانوا معايا لقينا بعد كدة ان الانجيكتور قل جامد لحد ما وصل تقريبا 2.4 و البوجيهات القديمة كانت محروقة من كتر البنزين اللى داخل و مش بيتحرق ودة اللى انا فاهموا.