عربية سيئة السمعة

**AMRTOTI** · 01-09-2012 09:12 AM

صلوا على النبى يا رجالة
لا اله الا الله هنحسر بعض علشان عربية .
انشاء الله يا استاذ romagti تتحل المشكلة قريب انشاء الله وحضرتك اللى تغير اسم الموضوع لوحدك
وتفيدنا كلنا بتجربتك الى فعلا استفدنا منها كتير وبعد كل الكلام ده
الى بيشترى سيارة جديدة اى سيارة فى الدنيا لازم يتوقع ان لا قدر الله ممكن يكون فيها عيب

تجربة شخصية كان معايا نيسان صنى موديل 2007 مانيوال وكانت حالتها جيدة جدا
بس كان الدبرياج بتاعها تقييييييييييل جدا وعملت اللالى وغيرت ديسك واسطوانة وغيرت كل الى ممكن يتغير ومفيش فايدة حظى كدة
كان الحل انى ابيعها مع انى كنت بحبها جدا جدا جدا
بس ده نصيب

جزاكم الله عن كل الناس خيرا برجاء اصفاء النية للفائدة العامة وليس للاحتدام امام فكرة معينة او شخص معين

**AMRTOTI** · 01-09-2012 09:13 AM

هو موضوع عضو جديد ده بيتغير امتى انا بقالى سنين عمال اشارك فى المنتدى

**محمد بدر** · 01-09-2012 11:51 AM

وانا من وجهة نظرى ننتظر حتى صدور قرار اللجنة وحتى اذا أكدت اللجنة على كل هذه العيوب فى الآخر ممكن تكون مشكلة فردية الله أعلم بس علشان منظلمش العربية لازم يشارك اكبر عدد من مالكيها وتكون المشاركة فى غايه من الشفافية والحيادية و تشملها وتعمها الآمانة ليستفيد الجميع من التجربة

طبعا الكلام ده لو كان فى قسم ثانى كان ممكن يفرق بشكل كبير - بمعنى ان فى أقسام فى هذا المنتدى افرادها مترابطين ومتماسكين مع بعض لدرجة انهم من السهل التواصل مع أكبر مسئول فى الوكيل حتى يتم انهاء المشكلة بشكل مرضى للجميع وللأسف هذا لايحدث ابدا للأسف فى قسم كيا - وأنا سوف احاول من ناحيتى بالتواصل مع احد المسئولين لوضع النقط على الحروف وفى مساهمة لحل هذا الموضوع وفى مساهمة لتفعيل هذا القسم وفى مساهمة لمساعده أستاذ / رامى
ووفقنا الله إلى ما هو فيه خير للجميع

**D/FARID CERATO** · 01-09-2012 08:38 PM

ربنا يبارك

**MMMERO** · 02-09-2012 03:48 PM

ربنا يوفق انشاء الله ويعطيك حقك بأذن الله

**seso100100** · 03-09-2012 02:58 AM

ربنا معاك و يصبرك ان شاء الله و احييك على انك بلغت حماية المستهلكين علشان التوكيل يحرم يستورد عربيات فيها عيب صناعة و اشكرك على تحذيرك من هذه العربية

**SaimOnatoR** · 03-09-2012 05:41 PM

المشاركة الأصلية كتبت بواسطة t_bmw7

انا معايا ريو 2012 ماشاء الله زى الحلاوه العفشه تمام وموضوع استهلاك البنزين ده لانها 109 حصان ﻻكنى شايف
انها موفره جدا بعد تعديل السوفت وير .. يمكن عربيتك بس اللي فيها المشكله دى واى واحد معرض لها عادى .. ماتضايقش نفسك المهم انك تشوف حل .

متفق تماما مع كلام الزميل العزيز و ربنا يوفق صاحب الموضوع للحل، جايز جدا يكون عيب في عربيته تحديدا لأاني و لله الحمد معايا العربية من شهر 5 برضه و مش شايف لها عيب غير استهلاك البنزين فقط

**Batman372** · 03-09-2012 06:05 PM

بعد التحيه ،

- الى صاحب الموضوع : انت 100% على حق و من حقك تقول الى انت عايزه و تشتكى و تفضل وره حقك لحد ما تخده و مفيش حاجه فى الدنيا اسمها ان التوكيل يغير 3 مرات اى قطعه غيار و برده نفس العيوب !!! ... واضح جدا ان للاسف العربيه معيوبه كليا total defect و فى هذه الحاله يتم الاستبدال و التغيير كليا لانها 2012 !!!!!! و الا يبقى توكيل اى كلام ... خليك ورا جهاز حمايه المستهلك و ان شاء الله تاخد حقك ... و ربنا يعوض عليك بالافضل ...
- الى الاخوه الى عربيتهم سليمه : لو سمحتم قدروا موقف و ظروف صاحب الموضوع ، لانكم ببساطه كنتم ممكن تكونوا مكانوا و تعملوا و تقولوا اكتر من كده !!!

تحيات للجميع ...

**Tmhami** · 03-09-2012 06:35 PM

نفسى أعرف وزن العربيه كبير كده ليه ( وزنها 1600Kg)
طب ده مش مأثر على السحب
أكتر حاجه خايف منها موضوع السحب
متخيل أن لو العربيه فيها 5 أفراد و التكييف شغال العربيه حتبقى تقيله أوى فى السحب
ياريت حد يرد عليا فى الموضوع ده