الموضوع: حل اصوات التزييق و اى صوت من داخل الكابينه فى السيراتو .

موضوع جامد يا باشا

المشاركة الأصلية كتبت بواسطة d/farid cerato

بس يا باشا انت مية مية بس لو تيجي الدمام تركب العربية خمس دقايئق تشوف الصوت اللي عندي؟؟؟؟عملت ايه في الصوت اللي في الطرق المعرجة اللي قوتيلي عليه في التليفون

و الله العظيم انا عامل الموضوع ده مخصوص علشانك .و عشان عارف ظروفك
الصوت اللى كان عندى و عملى هسس ههههههههههه طلع حاجه تانيه خالص .
انا لقيت الكوتش نايم و لما كشفت عليه لقيت الكوتش مخروم و لما فكه لقيت مسمار كبييييييييير و عريض و مقطوم جواه و لما مسكت الجزء المكسور و خبكت بيه على الجنط من جوا ادانى نفس الصوت اللى كان مجننى ههههههههه
صلحت الكوتش و الصوت راح بس خلاص ههههه

انا جربت الفربيه مشوار كده فى الفجر و مشيت سريع فوق عيون القطط و المطبات الرفيعه .على سرعات اعلى من اللى كنت بمشى عليه .
النتيجه فى السرعات المتوسطه مفيش اى صوت و تحس اكن العربيه نعمت اكتر .بس دا طبعا احساس فقط لان مبقاش فى صوت خالص
و على سرعات اعلى فى صوت بصراحه خصوصا من الباب اليمين لسه بيعمل صوت بس اقل من الاول و البلاستيك بتاع لمبة الاستوب لانى لسه معملتوش و كمان لسه صوت المسساععدين لانى لسه معملتوش
اظن بعد كمان مره ممكن تظبط اكتر


احب انصح اى حد انه ينفخ الابواب بالهواء المضغوط قبل ما يعمل اى شىء و يجرب .لان اظن 90% من اصوات التزييق فى الباب هتروح مع نفخ الهوا و الله اعلم

اهم حاجه تبقى مرضى ياباشا و متزعلش من العربيه خالص
لانها و الله من افضل العربيات فى السوق و هى مفيهاش اى مشاكل كبيره او خطيره .هى بس ليها شوية اصوات و مش مؤثره على اى شىء خالص و ليها حل باذن الله
و الله اعلم و السلام ختام