الموضوع: لمبة Check Engine نورت و طلع العطل "p0551 power steering pressure sensor circuit rang

إلنهردة لمبة Check Engine نورت و أنا يدوب كنت لسة عمل الصيانة السبت اللي فات ، كلمت الخلوق مهندس اسامة مبروك و نصحني اني أروح اكشف عليها في مركز الشرابية عشان كان هو أقرب مركز لمكاني وقتها و كان متعاون جداً معايا

بس للأسف أنا مكنتش فاضي اني أطلع على المركز فقلت أخلص مشاويري و أروح على القطامية عشان جنب البيت ، كلمت أستاذ عماد حبيب و قللي أروح على المركز و أدخل على أستاذ صبحي و هو هيقوم باللازم و بصراحة لما رحت هناك لقيت الراجل مستنيني بكل بشاشة و بيقولي بسيطة إن شاء الله ، مفيش 10 دقائق و عمل للعربية أمر شغل و دخلت إتحطت على السكانر و المشكلة إتحلت و طلعوه يجربوها

شوية و الاستاذ صبحي كلمني و بيقولي تعالى إستلم العربية ، سألته كانت إيه المشكلة أخبرني إن السكانر كان مدي العطل دة
"
p0551 power steering pressure sensor circuit range/performance
"
حد يعرف إيه معنى العطل دة ، أنا إلي فهمته ان كان فيه حاجة مفكوكة و هما ربطوها

من الترجمة للعطل على حد معلوماتي كان فيه مشكلة في حساس تبع الدركسيون بس إيه بالظبط المشكلة بصراحة مش عارف

المشاركة الأصلية كتبت بواسطة ziabassem

طب سؤال تاني ..معرفتش في التوكيل إذا كانوا زودوا زيت الباور ولا لآه .. وهل بصيت على خزنة زيت الباور إذا كانت ناقصة ولا لآه .. أصل ضعف الضغط ده معناه وجود تسريب في جزء من أجزاء الدورة أو عيب مرتبط بطلمبة الباور اللي بتضغط الزيت .

أنا مش بقول الكلام ده علشان أخوفك .. وممكن يكون زي ما بتقول أداء الحساس بتاع ضغط دورة زيت الباور قل .. وممكن يكون محتاج تنظيف مش أكتر ولا أقل .. كلامي ده مجرد استنتاجات وليس مبني على حقائق .

وممكن كمان اضافه لكلامك يكون فيشه الحساس ده او سلكه بتاعته واتنضفت او ركبت مكانها
لان لو ضغط الزيت حص فيه مشكله الباور حيتقل بسيط على الاقل خالص