تقرير عن تركيب لمبات للماروتي

**mohamedhagrass** · 03-09-2012 07:49 PM

المشاركة الأصلية كتبت بواسطة HAITHAM1985

برنس الليالى ........ تقريرك ممتاز مش ردىء ولا حاجة والتظبيطة اللى أنت عاملها جامدة ....... إظبط الكشاف اليمين وكله يبقى تماااااااام

اللمض دى صينى ولا يابانى ؟؟؟؟؟

أوعى تكون الماروتى اللى بيركبها ظابط صغير فى السن برتبة نقيب ساكن قرب ميدان الزراعة !!!!!

ده من زوق حضرتك والحمدلله ان التقرير عجبكم والله معنديش فكره صيني ولا يباني بس على حدعلمي اسمع ان ناس بتقول انها مصريه والله اعلم

ولا ده مش انا انا من مفارق المنصوره وياريت اكونخلصت للاسف انا لسه داخل ااولى جامعه

**mohamedhagrass** · 03-09-2012 07:52 PM

المشاركة الأصلية كتبت بواسطة axel

تسلم ايديك يا محمد ع التقرير الجامد ده
ايوة كده تعمل تقارير و صور تبقي صاحبي و كفائة متعملش تقارير اعصرك انزل ماروتي و تقارير صغيرة هههههههههه

و الف مبروك ع اللمبات الجديدة و موضوع د \ حازم هيظبطلك الدنيا انا شايف ان الحل للماروتي عشان الاضاءة يرجع للفانوس و العواكس لو ديه اتظبطت هتاخد احلي اضاءة حتي لو مركب لمبات 55\60 مش 90\100 بجانب الرجلاش طبعا

هههههههههههه لااعمل تقارير بالصور احسن :d
ان شاء الله سوا كلنا هنحل مشاكل الاضائه منور الموضوع يا استاذنا

**mohamedhagrass** · 03-09-2012 08:01 PM

المشاركة الأصلية كتبت بواسطة LORD.ADeL

الف مبروك يا محمد ماشاء الله ربنا يبارلك فيهم
شغل عالي وتقرير ممتاز ومتقلش مبتداء وعايز تتعلم ههههه لا اصلي كلام يابااشا
وبخصوص رجلاش دي بقا تقف شارع بتعكم اللى مفهوش نور دة
وتقعد تضبط بقا يامعلم عندك 3 مسامير فوق وا2تحت يمين وشمال فانوس
للى فوق تضبط اتجاة فانوس تحت ووفوق ومسمارين تاين واحد للزويه شمال وتانى لليمين
تقعد تضبط وتركب وتشوف نور فارش كويس وانت ع ضبطه اعدتك فى عربيه وربنا معاك ان شاء الله

منورالموضوع والله وده من زوق حضرتك وتمام كدا وصلت فكره الرجلاش
وهيتم العمل في عندي مشكله طفيفه انا كنت واخد خبطه شنيعه في الرفرف اليمين لدرجه انها سمعت في الجنب التاني

فعندي الفانوس عاوز مسمار الرجلاش ومش عارف بيتجاب منين ده
بسي هظبط الدنيا واكيد هعمل تقارير بيها وشكرا على المرور العطر

**mohamedhagrass** · 03-09-2012 08:03 PM

شكرا على مروركم العطر يا شباب والله نورتوا الموضوع وشكرا للتشجيع وان شاء الله الي جاي احسن

**eiad_naser** · 18-09-2012 04:56 PM

مشكور اخي الفاضل علي التقرير
انا عندي عربيتي كانت كده وجيبت كتاوت ولمبات وروحت للكهربائي قالي بعد ما نركبهم الاضائه هتفضل زي ما هيا لان الفانوس صغير مبيوزعش النور حلو فكرت اكيب كشافين شبوره بس لونهم ابيض عادي مش اصفر ولا ازرق وركبتهم يساعدو مع الكشفات بتاعة العربيه بصراحه مبقتش اشغل غير كشافات الشبوره لانها راميه علي الارض ومبيننه النقر والمطبات بدون ما أأزي عين اللي قدامي

**SunSet** · 18-09-2012 08:02 PM

انا مش باحس ان اللمبات ليها اي فايدة لدرجة ساعات تكون شغالة ومن كثر ما مالهاش تأثير مش بأخد بالي

ولو الشارع مضلم وبأركن ولاكأن المارشيدير بينور وممكن اخبط

**alking_2006** · 19-09-2012 06:35 PM

المشاركة الأصلية كتبت بواسطة eiad_naser

مشكور اخي الفاضل علي التقرير
انا عندي عربيتي كانت كده وجيبت كتاوت ولمبات وروحت للكهربائي قالي بعد ما نركبهم الاضائه هتفضل زي ما هيا لان الفانوس صغير مبيوزعش النور حلو فكرت اكيب كشافين شبوره بس لونهم ابيض عادي مش اصفر ولا ازرق وركبتهم يساعدو مع الكشفات بتاعة العربيه بصراحه مبقتش اشغل غير كشافات الشبوره لانها راميه علي الارض ومبيننه النقر والمطبات بدون ما أأزي عين اللي قدامي

طب لو ممكن تظبطلنا كدا تقرير عن الأسعار و مكان التركيب لفوانيس الشبورة
يبقى ليك جزيل الشكر