نصيحة من مجرب لو خبطت حد بعربيتك إجري حتى لو إنت إللي غلطان!!!

**kind** · 05-07-2008 06:35 AM

الأخ حازم خضر و محمد عبد الجواد و محمد عيسى مفيش بعد كلامكم كلام

**rabbat5** · 05-07-2008 06:44 AM

المشاركة الأصلية كتبت بواسطة aif

موضوع سيئ
اسلوب سيئ
الفاظ سيئة
يعني اللي يخبط الناس ويبهدلهم ... المفروض انه يهرب .... هو ده المنطق والحق والعدل ....لا حول ولا قوة الا بالله
برجاء من الادارة التكرم باغلاق الموضوع

نفس الرد.
لا ضرر و لا ضرار ، و من أفسد شيئا فعليه إصلاحه.
كتر خيرك و عملت اللي عليك لما ودتهم المستشفى.
و غلطان لما استجبت لابتزازهم ، و هو وكيل النيابة فى الآخر عرف الحقيقة و الموضوع خلص و كان ممكن يخلص من البداية لو أنت ماستجبتش لابتزازهم .
الصدمات اللى زي كده محتاجة صبر و عدم خور .
و فى النهاية قدر الله و ما شاء فعل و انتبه للطريق المرة الجاية.
و ربنا يحفظ الجميع.

**Moh.Fahmy** · 05-07-2008 06:47 AM

المشاركة الأصلية كتبت بواسطة شاهين - بنز

بس برضوا يستاهلوا لإنهم بجد ذلوني ذل الفيل
وكان أهل البنت بيتكلموا معانا على أساس أن البنت سلعة تجارية وسايبنها لوحدها وقاعدين معانا يتفاوضوا في السعر مقابل التنازل أما الدكتور قال تبات في المستفى قالوا عايزين وصل على بياض وتاني يوم الدكتور حالتها إتحسنت فخفضوا السعر ل 10000 وأما الدكتور مضالها على خروج في نهاية اليوم الثاني لقوا إنت البنت سليمة وقضيتهم خسرانة خسرانة فنزلوا العرض لألف جنيه وخدوهم وطبعا الفلوس دي غير شاملة مصاريف العلاج
ده كانوا عايزين 150 جنيه مصارف دوا إستخسروا نص جنيه تمن مكالمة وإدوني مسد على الموبايل عشان أكلمهم وأبعتلهم الفلوس في إيه عدم نضافة أكتر من كده
وفي الآخر الإخوة الأعضاء مضايقين أوي إن أنا غلطت فيهم

اولا يا استاذ شاهين اعانك الله في محنتك و بأذن الله تنتهي علي خير
انا مقدر تماما شعور انسان في مثل هذا الموقف و لكن لا اريدك ان تندم علي ما فعلت فما فعلته هو الصواب و لا تندم عليه حتي لا تضيع اجرك و الموقف اللي حصل معاك بالطبع موقف مخزي لان اهل البنت لو فكروا لحظة لتيقنوا من انك كان ممكن تهرب و محدش يعرف يجيبك و لكن مجرد وقوفك ينم عن انسان متحمل للمسئولية و لكن نصيحتي لك لا تضيع ما فعلت برد فعل انفعالي و اصبر و احتسبه عند الله و انا حاسس ان تعبير تعميم ان الفقراء دول حثالة اكيد خانك و انت كنت تقصد ان الناس اللي انت اتعاملت معاهم كانت اخلاقهم مش كويسة و دي حقيقة واضحة من كلامك
و ان شاء الله الامور تنتهي علي خير

محمد فهمي

**zakiali** · 05-07-2008 12:34 PM

هو فعلا اللي جرب مش زي اللي مجربش انا حصل مع واحد صحبي نفس الموقف وقالي نفس الكلام بس انا مش متخيل اني ممكن اهرب ؟ عموما ربنا يبعدنا عن شر الفتنه دي وكل الفتن يارب . اللهم اصرف عنا السوء .

**شاهين - بنز** · 05-07-2008 03:29 PM

المشاركة الأصلية كتبت بواسطة borgelharm

اولا يا استاذ شاهين اعانك الله في محنتك و بأذن الله تنتهي علي خير
انا مقدر تماما شعور انسان في مثل هذا الموقف و لكن لا اريدك ان تندم علي ما فعلت فما فعلته هو الصواب و لا تندم عليه حتي لا تضيع اجرك و الموقف اللي حصل معاك بالطبع موقف مخزي لان اهل البنت لو فكروا لحظة لتيقنوا من انك كان ممكن تهرب و محدش يعرف يجيبك و لكن مجرد وقوفك ينم عن انسان متحمل للمسئولية و لكن نصيحتي لك لا تضيع ما فعلت برد فعل انفعالي و اصبر و احتسبه عند الله
محمد فهمي

أشكرك معاك حق وزي ماقلت قبل كده
لو فعلا زودتها شوية في الألفاظ يمكن لإني إندمجت وأنا بكتب وإفتكرت موضوع الحادثة وإتغاظت أثناء الكتابة ويمكن هو ده إلي أثر على إسلوبي في كتابة الموضوع

و انا حاسس ان تعبير تعميم ان الفقراء دول حثالة اكيد خانك و انت كنت تقصد ان الناس اللي انت اتعاملت معاهم كانت اخلاقهم مش كويسة و دي حقيقة واضحة من كلامك و ان شاء الله الامور تنتهي علي خير

فعلا ده إللي حصل

**أبو عبدالله** · 05-07-2008 05:22 PM

لا حول ولا قوة الا بالله

يا أخي الكريم اعذرني ولكني لست معك ولست ضدك ولست معهم ولست ضدهم
انما المسلم يتحيز للحق وحده ليس لحساب احد

الحق انه اذا اخطأت حتى لو بدون قصد فلابد ان امتثل للقانون
اواذا كان القانون ليس عدلا لك
فهو انما ما عملته ايدينا في انفسنا
وليس اتى غصب عنا

الأمتثال للقوانين المدنية حق شرعي عليك للمجتمع والدين
الا ان تكون مخالفة للشرع

وربنا يعافينا ويعافيك ان شاء الله