فيات برافو

**ayman2** · 10-09-2012 09:34 AM

المشاركة الأصلية كتبت بواسطة hussein habib

مفيش حد معبرنا ليه , فين الناس ملاك العربيه ,ايه يا جماعه ده انا قلت انتو اكتر ناس هتفيدونى

السياره ماشاء الله عليها وقطع الغيار معمره لكن اى عربيه محتاجه معامله جيده والتربو بالذات محتاج معامله جيده جدا وغير كده السياره ممتازه جدا لكن قبل الشراء اكشف عليها كويس فى التوكيل وربنا يوفقك وان شاء الله اى استفسار احنا معك

**ahmedsiyam** · 11-09-2012 04:15 PM

انا مابعتش العربية انا قصدى انها بقالها معايا فترة قصيرة انما بحثت قبلك كتير فى الموضوع ده و قررت الشراء و ربنا وفقنى الحمد لله و جبت واحدة كويسة
انما عايز اقولك انت راكب عربية فخمة جدا و ذات طابع رياضى فى نفس الوقت و نادرا ماتلاقى عربية بالمواصفات دى و بالسعر ده

**hussein habib** · 11-09-2012 09:43 PM

شكرا للردود بس لسة برده فى ناس نايمه

**ahmedsiyam** · 12-09-2012 04:21 PM

طبعا لسه فى ناس نايمة
انا اول ماجبت العربية كان ليا استفسارت و ماحدش رد غير واحد و ماعهوش العربية و كان بيرد بغرض رفع الموضوع
بس مش فارق معايا كتير لان قسم فياتت مريح على الاخر بما فيهم انا :)

**ahmad_starac** · 12-09-2012 06:58 PM

العربيه دى انا شايف انها من افضل العربيات فى السوق من حيث القيمه مقابل السعر....ولكن يعيبها سعر اعادة البيع وقطع الغيار الغاليه

**MohammedAladel** · 12-09-2012 07:39 PM

يبقى يشتريها مستعملة بحالة نظيفة

**maxx** · 12-09-2012 11:38 PM

المشاركة الأصلية كتبت بواسطة ahmedsiyam

طبعا لسه فى ناس نايمة
انا اول ماجبت العربية كان ليا استفسارت و ماحدش رد غير واحد و ماعهوش العربية و كان بيرد بغرض رفع الموضوع
بس مش فارق معايا كتير لان قسم فياتت مريح على الاخر بما فيهم انا :)

ايوة انا عملت الحركة دي

**Teko0o** · 13-09-2012 07:07 PM

مساء الخير يا شباب :)
انا معايا البرافو بقالها اكتر من سنة و سألت كتير قبل ما اجيبها و كتير كانوا بيقولولى ازااااااااى هتدفع السعر دة فى فيات بس انا لما بقتنع بفكرة صعب تتغير و انا كنت شايفها عربية ممتازة و اتأكدت لما جبتها .. بأختصار شديد عربية بتديك كل اللى بتتمناه بداية من شكل خارجى و وهم داخلى و قوة موتور جبارة تضارع ال 2000 سى سى برغم انك 1400 كفاية اقولك انى جبت بيها 230 على طريق مصر اسكندرية الصحراوى و كان بيجرى معايا ميرسيدس C180 Compressor و كان بيسف التراب ورايا D:
و اكتر حاجة كنت بستمتع بيها و انا باخد الملفات على 200 180 ثبات بجد رهيب و نظام التعليق و الامان فيها مافيش كلام عليه . بس اى عربية لازم هتلاقى ليها عيوب و دة اللى صدمنى بقى :(
انا الطنابير عندى اتعوجت و محتاج اغيرها كلمتهم فى التوكيل قالى مش موجودة !!! و دى حاجة صدمتنى طبعا, قولتلوا يعنى انا لو عملت حادثة جامدة و محتاجة قطع غيار هستنى لما تيجى من ايطاليا كمان 3 ولا 4 شهور ؟؟؟ دى مشكلة كبيرة و سببها ان فى فيات لسة مش قادرين يواكبوا الموديلات الجديدة و تعاملهم كله كان مع القديم و اكيد هياخدوا وقت على ما يتطوروا عن كدة
و طبعا اسعار قطع الغيار اكيد هتبقى غالية مش رخيصة لأنك راكب عربية فى شريحة الجولف و الاوكتافيا و الكلام دة كله
بالنسبة للسيات ليون انا شوفت زميل هنا بيقولك فكر فيها .. نصيحة اخوية اوعى تفكر اطلاقا لأنك اول ما هتجيبها هتبيعها علطول علشان الفتيس ال DSG بتاعها العالم كله عارف مشاكله و العربية دى بتتباع و هى عاملة 500 كيلو و 3000 كيلو و ممكن تدخل على كونتكت و تشوف هى و الجولف 6
اتمنى اكون افدتك و لو عايز تسأل على تفاصيل تانية انا تحت امرك :)

**ahmedsiyam** · 13-09-2012 09:56 PM

المشاركة الأصلية كتبت بواسطة teko0o

مساء الخير يا شباب :)
انا معايا البرافو بقالها اكتر من سنة و سألت كتير قبل ما اجيبها و كتير كانوا بيقولولى ازااااااااى هتدفع السعر دة فى فيات بس انا لما بقتنع بفكرة صعب تتغير و انا كنت شايفها عربية ممتازة و اتأكدت لما جبتها .. بأختصار شديد عربية بتديك كل اللى بتتمناه بداية من شكل خارجى و وهم داخلى و قوة موتور جبارة تضارع ال 2000 سى سى برغم انك 1400 كفاية اقولك انى جبت بيها 230 على طريق مصر اسكندرية الصحراوى و كان بيجرى معايا ميرسيدس c180 compressor و كان بيسف التراب ورايا d:
و اكتر حاجة كنت بستمتع بيها و انا باخد الملفات على 200 180 ثبات بجد رهيب و نظام التعليق و الامان فيها مافيش كلام عليه . بس اى عربية لازم هتلاقى ليها عيوب و دة اللى صدمنى بقى :(
انا الطنابير عندى اتعوجت و محتاج اغيرها كلمتهم فى التوكيل قالى مش موجودة !!! و دى حاجة صدمتنى طبعا, قولتلوا يعنى انا لو عملت حادثة جامدة و محتاجة قطع غيار هستنى لما تيجى من ايطاليا كمان 3 ولا 4 شهور ؟؟؟ دى مشكلة كبيرة و سببها ان فى فيات لسة مش قادرين يواكبوا الموديلات الجديدة و تعاملهم كله كان مع القديم و اكيد هياخدوا وقت على ما يتطوروا عن كدة
و طبعا اسعار قطع الغيار اكيد هتبقى غالية مش رخيصة لأنك راكب عربية فى شريحة الجولف و الاوكتافيا و الكلام دة كله
بالنسبة للسيات ليون انا شوفت زميل هنا بيقولك فكر فيها .. نصيحة اخوية اوعى تفكر اطلاقا لأنك اول ما هتجيبها هتبيعها علطول علشان الفتيس ال dsg بتاعها العالم كله عارف مشاكله و العربية دى بتتباع و هى عاملة 500 كيلو و 3000 كيلو و ممكن تدخل على كونتكت و تشوف هى و الجولف 6
اتمنى اكون افدتك و لو عايز تسأل على تفاصيل تانية انا تحت امرك :)

طبعا موافقك جدا على الكلام اللى بتقوله العربية فوق الممتازة تجمع بين الفخامة التى تمتاز بيها السيارت الاوربية و جودة التصنيع و برضه الطابع الرياضى القوى
و دى معادلة صعبة محققاها فيات فى السيارة البرافو

**hussein habib** · 13-09-2012 11:26 PM

سؤالى دلوقتى عن البنزين لازم 95 ولا عادى 92 مش هياثر عشان زى ما انتو عارفين التربو وكده, وكمان التكييف شديد زى اليابانى ولا مش اوى و موضوع السخونه اخباره ايه عشان السيينا اللى كانت معايا 1600 كانت مشاكلها بالهبل ومستغرب اوى الناس ركباها ازاى.