فيات برافو

**hussein habib** · 04-09-2012 07:33 PM

السلام عليكم جميعا ,ارجو مساعدتى فى اتخاذ قرار شراء البرافو ال 120 لأنى متخوف من مدى اعتمادية العربية والاعطال وكده يعنى ,انا كمان خايف من التربو بس انا عجبانى العربية اوى بس نفسى اقعد فيها وجربها ,روحت اوماترا الدقى ملاقيتهاش وقلولى بالطلب هيا فئتين بس دلوقتى واحده ب 154والثانيه ب 169
عايز اعرف الفروق الجوهريه اللى بينهم تستاهل ,وفى الاخر برضة انا فى دماغى برضو سيفيك vti بس قليله اوى وكمان مستعمل طبعا انا عارف كويس فرق الموتور والعزم بين الاتنين وكل معلوماتى عن العربيه البرافو من المنتدى مع العلم انى مش هشترى دلوقتى لسه اما اخلص اقساط الانسر اللى معايا وبعدين اشوف ارجو الافادة من كل مالكى البرافو هنا

**MohammedAladel** · 04-09-2012 08:08 PM

أنا بحب العربية دى قوى

بس لما تقارنها بغيرها متنساش إن العربية دى 1400 سى سى يا باشا وبصراحة من كل تعليقات الأعضاء هنا كله بيشكر فيها وبيقولوا إنها عربية كويسة جدا

أنا شايف إن سعرها كويس كمان بالنسبة للأسعار والإمكانيات اللى نازلة فى السوق

بس إنت شوف عايز إيه من العربية قبل ما تشتريها لأن البرافو دى عربية شبابية مش عائلية مثلا

**hussein habib** · 04-09-2012 09:34 PM

يا باشا شكرا على الرد السريع اوى ده
عموما انا لسه متجوز جديد ومش بياع الا لو فيها مشكله

**hussein habib** · 04-09-2012 09:52 PM

ايه يا جدعان ده انا قولت انى هلاقى التعليقات بالهبل ايه فين الناس

**حماده المصري** · 04-09-2012 11:07 PM

بصراحه مش منتشره اوي عشان الناس تديلك تعلقيات في الاعتماديه والجري والثبات وحتى اسعار قطع الغيار

بس كل الي اعرفه عنها انه حتى فلتر الزيت معدي تمنه ال 100 جنيه لانه مخصوص لمحرك التربو

ف عموما هي اكيد قطع غيارها هتبقى غاليه ومحركات فيات معروف عنها انها معمره

والعربيه رايي الشخصي فيها مش خساره اي مليم يتدفع فيها

بس مثلا لو عايز حاجه قريبه ولا غبار عليها وليها قطع غيار في اماكن كتير هتبقى سيات ليون

**hussein habib** · 04-09-2012 11:36 PM

[QUOTE=حماده المصري;3874506117]بصراحه مش منتشره اوي عشان الناس تديلك تعلقيات في الاعتماديه والجري والثبات وحتى اسعار قطع الغيار

بس كل الي اعرفه عنها انه حتى فلتر الزيت معدي تمنه ال 100 جنيه لانه مخصوص لمحرك التربو

ف عموما هي اكيد قطع غيارها هتبقى غاليه ومحركات فيات معروف عنها انها معمره

والعربيه رايي الشخصي فيها مش خساره اي مليم يتدفع فيها

بس مثلا لو عايز حاجه قريبه ولا غبار عليها وليها قطع غيار في اماكن كتير هتبقى سيات ليون[/QUOT

يا باشا اولا شكرا على ردك بس انا قصدى ان فى ناس هنا فى المنتدى معاهم العربيه دى ومن فترة طويله يعنى اكيد هيقدر يقول feed back عنها وافى

**ahmedsiyam** · 05-09-2012 12:21 AM

العربية مش معايا من فترة طويلة انما انا بحثت كويس قبل الشراء و هى سيارة ممتازة
توكل على الله

**hussein habib** · 05-09-2012 01:00 AM

استاذ احمد شكرا على الرد بس انا اسف لو فيها قلة ذوق هو انت بعتها ولا ايه

**hussein habib** · 09-09-2012 10:45 PM

مفيش حد معبرنا ليه , فين الناس ملاك العربيه ,ايه يا جماعه ده انا قلت انتو اكتر ناس هتفيدونى

**MohammedAladel** · 10-09-2012 01:34 AM

معلش بقى المنتدى كله نايم

فيه عضو هنا إسمه formulator معاه العربية غير كدا عنده خلفية كويسة جدا فى مجال السيارات عموما ابحث عنه وابعتله على الخاص

فيه عضو تانى اسمه yoko هيفيدك برضه