استلام الصنى 2013

**Youssef.Awad** · 05-09-2012 02:13 AM

1000 مبرووووووووووووووووووك ع الاستلام وربنا يباركلك فيها ..

**hossam_elwani** · 05-09-2012 03:28 AM

المشاركة الأصلية كتبت بواسطة ahmed.tv

الف مليون مبروك الاستلام .. ربنا يباركلك فيها .. واتشرفنا بوجودك يا استاذ محمد .. واتشرفنا بيك حقيقى
والحمد لله ان اغلب موزعين ومراكز الخدمة لنيسان بيقدروا نايل موتورز وقسم نيسان واعضائه المحترمين ومجهودهم فى القسم .. وبيحلوا كل مشاكلنا على خير

بخصوص التزيق اللى فى المطالع وانت دايس على الفرامل .. ده طبيعى عشان اجزاء العفشة بتريح .. وده بيحصل فى اغلب العربيات عموما

المهم انه مش صوت تزيق وانت ماشى

اللى بقا مستغربه هو موضوع البطارية الجافة .. ياريت تصورهلنا عشان نتاكد

اعتقد والله اعلم ان دى مشكلة كاوتش المساعد الخلفى الى قابلت اعضاء كتير هنا فى المنتدى مش ترييح عفشه لان حسب وصفه الصوت عالى ومزعج

اما بخصوص البطاريه فلواضح ان المصنع غير سياسته وبقى يركب جافه

تحياتى

**hossam_elwani** · 05-09-2012 03:29 AM

الف مبروك عليك

**GRADER** · 05-09-2012 09:26 AM

المشاركة الأصلية كتبت بواسطة ahmed88

معلش على قلة خبرتي بس أيهما أفضل البطارية الجافة ولا السائلة ؟

أعتقد الجافة طبعا عشان مابتحتاجش لصيانة

**dodyam** · 05-09-2012 04:27 PM

المشاركة الأصلية كتبت بواسطة ahmed88

معلش على قلة خبرتي بس أيهما أفضل البطارية الجافة ولا السائلة ؟

الجافة أفضل لكذا سبب

- السائلة بتفتح تبص على كل ربع وتزود لو تحتاج يعنى تحتاج اهتمام و صيانة

- السائلة ممكن تغلى و تفور وتسيل على قاعدة البطارية و حوض الموتور
حصلت مع واحد صاحبى معاه كورولا اضطر طبعا يغير قاعدة البطارية و رش من جوا يعنى العربية بقت رشة دواخل

- السائلة لو هتسيب العربية فترة علشان مسافر فترة محتاج تسيب مفتاح العربية مع حد علشان كل كام يوم يسخنها

- السائلة ممكن فى الشتاء تقرفك فى الدوارة و ماتدورش العربية
و دى حصلت معايا شخصيا لان جو الشتاء فى اسكندرية عندنا تلج
أنا أساسا بأوصل الشغل و بيكون مؤشر الحرارة بعيد عن شرطة النص خالص بيبقى عند الربع كده

الجافة طبعا مفيهاش حاجة من العيوب اللى فاتت يعنى مفيش فيها سائل ممكن ياكل فى القاعدة بتاعتها و مش محتاجة صيانة شهرية
الجافة فيها مؤشر اذا كان الشحن فاضى أو لأ

و طبعا الجافة سواء فى الشتاء أو سيبت العربية فترة و سافرت مثلا مش مشكلة لما ترجع تدور معاك زى الفل

ليا تعليق بقى بخصوص البطارية الجافة اللى غيروها بدل السائلة
شركة نيسان بصراحة محترمة و واضح انها بتهتم بعميلها
أنا كان موضوع البطارية ده مضايقنى جدا و كنت بأفكر يوم ما أستلم ان شاء الله أبيعها و أجيب جافة بدلها
كده نطمع بقى و نطلب تغيير الكاوتش كمان
شكرا نيسان
لان فى كذا عضو علق عليه و انه سئ و بيأثر على ثبات العربية و انه بيلم الزلط الصغير

**mohamedsapri** · 05-09-2012 11:46 PM

شكرا يارجالة على التهنة وهارد على الناس واحد واحد
اولا : اسم شركة التامين ( شركة التامين التكافلى تقريبا هيا مكانا فى المهندسين ورا مسجد مصطفى محمود فوق مطعم سبكترا وهاجيبلك العنوان قريبا باذن الله اما انا دفعت 2800 بس على ما اعتقد البنك عندنا عامل معاهم عرض ولا حاجة لانى عملتوا عن طريق البنك عندى هيا 2.75% والمصاريف
grader انا استلمت من اوتو ايجيبت المهندسين وهما ادونى الضمان وكل حاجة بس على ما اعتقد من قرائتى للمشاركات هنا انا الموزعين الغير معتمدين بيعملوا كده يعنى الموزع اللى واخد من اوتو ايجيبت بتاخد الضمان من هناك واللى من السبع كذلك على ما اعتقد موضوع البطاريه والله انا شكيت فى نفسى من كل ما اقول لواحد كده ولسه انا شايفها تانى جافه جافه وهاصورها وهانزلها عن قريب باذن الله ومعاها الضمان كمان

احمد باشا انا متشكر جدا لمجهودك وبشكرك للمرة الالف على تعبك واهتمامك وبلاش استاذ انا بجد اتشرفت بيكم واتشرفت بمعرفتى بيكم وغصب عنى عدم حضور المقابلات هانتقابل عن قريب باذن الله وهاشرحلك السبب وهاصورلك البطاريه بس يعنى شوف اخوك باى حاجة كده بقى علينا اقساط بقى :)

اخيرا بشكر كل الناس وبنصحهم بنيسان طبعا بس لازم يكونوا من اعضاء نايل موتورز اولا

فى ملحوظتيييييييييين اولا العربيه اتحكت فى الجرااااااااااج من الاكصدام اللى قدام واتقشرت حتة بسيطة كده اعملها ايه

ثانيا وده المهم محدش ليييييييييييييييييييييييه جاب سيرة الحل بتاعه التكتكة اللى فى الكاوتش انا قربت انام احلم بالصوت ده تقبلوا تحياتى وانا بكرر نفسى اخدم اى حد هنا زى ما انا اتخدمت وكويس اوى كمان شكرا لكل الصقور

**mohamedsapri** · 09-09-2012 08:27 PM

يارجاله صوت التكتكة بقيت بحلم بييييييييييييييييه محدش رد عليا يا صقور

**canner** · 09-09-2012 08:47 PM

الف مبروك على الاستلام و فرحتلك زى ما اكون انا اللى استلم مع انهم مطلعين عينى و عين اللى جابونى كمان فى الاستلام معلش بلاش اعكنن عليك فرحتك و الف الف مبروك و ربنا يستر لك طريقك

**د.هشام** · 09-09-2012 09:30 PM

المشاركة الأصلية كتبت بواسطة mohamedsapri

يارجاله صوت التكتكة بقيت بحلم بييييييييييييييييه محدش رد عليا يا صقور

هو الصوت التكتكة بتاعة الكاوتش سمعتها مرة وكانت مزعجة جدا وراحت لوحدها, واضح فعلا ان نقشة الكاوتش بتلم زلط.
الاهم من دا , أخبار التزييق بتاعة المساعدين اللي ورا ايه؟