اقتباس المشاركة الأصلية كتبت بواسطة ahmod مشاهدة المشاركة
ال replacement شيله من حساباتك لانه زيه زي عدمه

بالنسبة لل k&n عشان تاخد منه اداء لازم حاجتين

الاولى يبقى علطول نضيف يعني تنضفه بشكل مستمر بالزيت الاورجينال بتاعه

وتحاول بقدر الامكان تحطه في مكان بعيد عن حرارة الماتور ومروحة الراديتار

هتلاقي تحسن نسبي على السرعات العالية بس برضوا مش التحسن اللى في دماغك

وعشان اجبلك الخلاصة في الموضوع ده بعد تجاارب كتييير وفيديوهات عشان احسب فرق التسارع وبالثواني

كل الناس اللى ركبت فلتر k&n وبتقول فيه فرق فظيع ده نتيجة انه فلتر الهوا اللى عنده اصلا محتاج يتغير فلما جاب واحد جديد - بغض النظر عن نوعه - حس بفرق جامد

انا مثلا من حوالي شهرين تلاتة تقريبا كنت مركب فلتر k&n وكان بقاله مده في العربية لدرجة انه بدا يلم تراب ويتوسخ

لما شلته وحطيت الفلتر الاصلي بتاع العربية - جبته جديد - حسيت ان العربية فاقت جدا وبقى سحبها افضل بكتييير !!

بعد كام شهر بدا الفلتر الاصلي يتوسخ قمت منضف ال k&n بالزيت الاوريجنال بتاعه وركبته حسيت العربية بقت اقوى وافضل !! فهمت اللى اقصده ؟؟

انما لو هتقارن فلتر k&n جديد بفلتر اصلي جديد

الاصلي عزم العربية بيبقى افضل على السرعات القليلة في حين ال k&n بيحسنلك الاداء شوية عن الاصلي على السرعات العالية وبتحس العربية اداءها اقل حجات بسيطة على السرعات القليلة

+ هتحس ان العربية بتروح على ال rpm العالي بسهولة والسحب افضل نوعا ما من الاصلي على السرعات خصوصا لو مركبه كويس

على قد ما الفلتر ال k&n بيحسن الاداء على السرعات العالية ! لكن فيه حاجة لازم تاخد بالك منها ان استهلاك البنزين هيزيد بشكل كبيير خصوصا لو بتحرق كتير !! فلو بتقضي مشاوير كتير بالعربية بلاش عشان البنزين هيخرب بيتك !!

انا المفروض العربية عندي ياريس 1300 كانت بتعمل في حدود 250 كم في الصفحية للسواقة العادية في وسط البلد + شوية على السريع متوسط سرعة 120/130

ومع الحرق والجري ممكن تعملها مثلا بتاع 180/200 كم في الصفحية !!

بعد ماركبت فلتر k&n وعدلت ال exhaust بتاع العربية بقت مع الجري والحرق ممكن تعملها مثلا حوالي 100 كم في الصفحية او اقل !! ؟ تخيل الفرق



صورلنا حوض الماتور وحاول تركز على فلتر الهواء واحنا نقولك ايه اللى ممكن يتعمل فيه
ايه !!!!!!!!!!! فرق رهيب