الموضوع: شوية اسئلة لخبراء الرانجلر وعلى راسهم استاذ مينا

المشاركة الأصلية كتبت بواسطة a7med_elmagree

انا كنت بفكر اجيب عربية رانجلر ادام شوية كده وكنت عايز اسئل شوية اسئلة
1/ هو ينفع اجيب شاسية لوحده يكون بتاع موديل التسعينات على اساس يكون مش متبهدل
واحط عليه الكروسلية اللى على مزاجى

2/انا شاب فطبعا عايز الموتور يكون شديد وفنفس الوقت يوفر البنزين
فممكن اعمل زى استاذ مينا كده موتور ايسوزو تربو كده والكلام ده بس بالنسبة لصوت العربية بالموتور ده هل فى حلول احول الصوت ده لاى صوت يكون رياضى زى الديفيل مثلا فهل ده ينفع

3/هو الموتور ينفع ييجى بتكييفه وهل التكييف هيكون قوى

4/هو ايه الفرق بين الشاسية الطويل والقصير والمتوسط وانهى احسن

5/هى العربية ثابتة لحد سرعة كام وبالخصوص عربية استاذ مينا

6/سؤال رخم بقى شوية هو ينفع الكروسلية بتاع ال 2010 يركب عليها اللى هيا الرانجلر ال 4 باب
معلش بقه طولت
اخوكم عاشق السيارات الاول :أحمد

هجاوب على الأسئلة بحسب الترتيب....

موضوع شاسيه متبهدل أو مش متبهدل مالوش علاقة بالسنة... ممكن شاسيه موديل السنة ديه و يكون كفران و ملووح و حالته سيئة جدا.... و ممكن شاسيه سبعينات و يكون واقف على حيله.....


موتور شديد و في نفس الوقت يوفر بنزين ازاي؟؟؟ لازم تختار حاجة من الاتنين....
لو هتجيبه تيربو ديزل... هتكون المشكلة في الصوت العالي و الاهتزاز... و لو هتجيبه بنزين هتكون المشكلة في الاستهلاك العالي....

مفيش مشكلة أن الموتور ييجي بالتكييف.... بس لازم تكون العربية متقفلة و معزولة كويس جدا من جوة....

الفرق بينهم في الطول... و أفضلهم الوسط

العربية زي الفل لحد 130-140

كروسليه 2010 مينفعش يركب على الشاسيه القديم...