الموضوع: سوأل يا استاذ مينا من فضلك

المشاركة الأصلية كتبت بواسطة tuttoo

مساء الخير شيروكي 96 مانيوال 4100 c.c.تستهلك اد اية بنزين من اسكندرية الي الغردقة اجمالي المسافة حوالي 800 كم مع العلم اني مش بستغي عن المكيف وهل التفويلة هتكفي ولا لاء ؟

المعدل العادي بتاع الشيروكي ال 6 سلندر بيكون 100 في الصفيحة - 20 لتر - لو عربية مظبوطة قوي قوي... ممكن توصل ل 120 مثلا...
خلينا نفترض الأسوأ... 100 * 8 يعني 8 صفايح ... يعني 8 * 20 = 160 لتر بنزين...

انتا عندك التنك حوالي 70 لتر...يبقى هتحتاج تفول 3 مرات عالاقل...

لو مش ضامن نضافة البنزين... ممكن تجيب معاك بنزين في جراكن حديد... موجودة في الوكالة ممكن تشتريها...

المشاركة الأصلية كتبت بواسطة tuttoo

شكرا يا بية علي اهتمامك

أي خدمة :)

المشاركة الأصلية كتبت بواسطة egyptexpert

طبعا مستر مينا خبير في مسائل الجيب اكيد
بس انا حسب معلوماتي ان الجيب 6 سلندر تستهلك 8.5 لتر كل 100ك وها في حالة الاتوماتيك يعني المنيوال توفر اكثر وبالنسبة ل4 سلندر تستهلك 7.5 لتر
وبرضه اقول مينا ادري بهذه المسائل
اخوك الخبير المصري

أولا شكرا لذوقك.. ولا خبير ولا حاجة... دي شوية معلومات :)

ثانيا... قصد حضرتك أن 8.5 لكل 100 كم... يعني 17 لتر لل200 كم... (يعني أقل من صفيحة) .... مفتكرش...

دا ال4 سلندر اللي كانت معايا كانت بتعمل 200 كيلو في 20 لتر... يعني أعلى من الرقم دا .. و كمان كانت مانيوال....

ال6 اللي مع كل أصحابي بتعمل حوالي 100-110 كم في كل 20 لتر... و لو حالتها تحفة.. ممكن تعمل 130 كم... :)


بس أنا حبيت أفترض أسوأ ظروف التشغيل في الحسبة اللي عملتها فوق.. عشان نتوقع أقصى رقم ممكن يكون كام....

المشاركة الأصلية كتبت بواسطة egyptexpert

ما زالت اقول انك استاذ برضة
ولكن لتوضيح المعلومة عندما تقاس استهلاك اسيارة من الوقود يكون هناك بعض المعايير مثل سرعة السيارة - استخدام المكيف - حالة الطريق - حالة الاطارات - اتجاه الريح - وزن السيارة - الاكسسوار الزائد غير الاصلي
لذا في حالة المثالية للسيارة من سرعة لا تتعدي 100 ك بدون مكيف او وزن زائد وطريق مستوي تستهلك السيارة 8.5 لتر كل 100 ك وذلك طبقا للمواصفات الشركة المنتجة
ومن الخبرة داخل المدينة 130 ك وعلي الطريق من 160 - 170ك
وللمعلومة ايضا كثيرا من سيارات السيدان سعة 1600 سي سي مثل اوكتافيا تستهلك 10.5 ل/100ك
وشكرا اخوك الخبير المصري

أشكرك لذوقك جدا :)

هو أنا لما كنت بقيس الاستهلاك عادة... كان بيبقا تحت ظروف التشغيل المثالية (دا بالنسبة لعربيتي) علما بأني كانت ايدي فيها علطول و صيانتها بعملها قبل المواعيد دايما...

الكاوتش كان جديد... و التكييف عادة مش بشغلو ... و القياس.. من الزور للزور... (يعني بفول العربية و باخد الطريق (مع تصفير العداد) و بعدين برجع أفولها تاني للزور...

بالنسبة للشركة المصنعة... فعادة و صدقني ديه بأة عن خبرة.... الكلام اللي مكتوب في كتيب الصيانة بتاعهم مش بيكون مظبوط... عشان ظروف التشغيل هنا في مصر بتختلف عن البلد المصنعة.... (الحرارة - وعورة الطرق - سيولة المرور - السرعات القصوى للطرق المفتوحة.... الخ من العوامل)

فدايما بيكون الاستهلاك أعلى للأسباب ديه...

بس السؤال.... هي الجيب بتاعت حضرتك موديل كام؟