ما حدث تجاه حل مشكلتى مع الجين 2 و توكيل عز العرب

**Chicco** · 01-07-2008 01:23 AM

الحمد لله إن الحكاية خلصت على حاجة ترضى حضرتك
بمقاييس السوق المصري الحل كويس و أنا رأيي من رأي الأخوة إن حضرتك تغير العربية ...بالتوفيق إن شاء الله

**MohabSaeed** · 01-07-2008 02:53 AM

الحمد لله يا استاذ احمد انك وصلت لحل يرضيك مع التوكيل .

اختار الحل الى يرضيك من الاختيارين سواء الحل الاول او الحل التانى ........ وان كنت نوعا ما بأرجح الحل التانى " لاسباب نفسيه " علاشان اكيد حضرتك ا خدت انطباع وحش عنها .

وال حل الاول ممتاز برده اربع سنين ضمان .. وبدون مصنعيات او تكلفه الصيانات ... كلا الحلين ممتازين .

متهيالى عز العرب نجح فى الاختبار واثبت انه بيحترم عملائه .

يارب ديه تكون بدايه للاحسن والاحسن بالنسبه لعز العرب الى فعلا اتطورو كتير جدا عن زمان .

**M_HaFeZ** · 01-07-2008 08:11 AM

الف الف مبروك يابوصيام والله العظيم فرحتلك جدا

كمارو باشا .. مفيش اودى كانت مقلوبه ولا حاجه

**Xirox1313** · 01-07-2008 09:05 AM

مبروك مرة تانية يا أستاذ أحمد وإن شاء الله يباركلك في إختيارك.

**Ahmed_Ezz** · 01-07-2008 09:18 AM

ألف مبرووووووووك وإن شاء الله ربنا يباركلك فيها

**todolist** · 01-07-2008 10:15 AM

الحل الثانى مع إشتراط توافر ABS-EBD-2 Airbags وضمان كامل المدة

**ahmedsiyam** · 01-07-2008 11:44 AM

السلام عليكم

الاخوة الافاضل مشكورين جميعا على شعوركم الطيب و انا بجد موش عارف اقول ايه بصراحة بس هو ده كان العشم فيكم جميعا

وعلى فكرة انا سالت الناس احتياطى على انه لو تم فجاه تغيير قيادات فى عز العرب اروح انا فين بمشكلتى دى
الرد بصراحة كان كافى و من الاثنين سواء الاستاذ / حببيب او المهندس / احمد
الموضوع معروف لدى الشركة الام و لدى التوكيل و موثق بمراسلات رسمية من الطرفين و عز العرب وكيل كبير بما فيه الكفاية على انه يقول كلمة و يلتزم بيها لانه موش بروتون بس و لا عربيتى بس دى مصداقية توكيل فى التزام تجاه العميل

**Migo123** · 01-07-2008 12:05 PM

المشاركة الأصلية كتبت بواسطة ahmedsiyam

السلام عليكم

الاخوة الافاضل مشكورين جميعا على شعوركم الطيب و انا بجد موش عارف اقول ايه بصراحة بس هو ده كان العشم فيكم جميعا

وعلى فكرة انا سالت الناس احتياطى على انه لو تم فجاه تغيير قيادات فى عز العرب اروح انا فين بمشكلتى دى
الرد بصراحة كان كافى و من الاثنين سواء الاستاذ / حببيب او المهندس / احمد
الموضوع معروف لدى الشركة الام و لدى التوكيل و موثق بمراسلات رسمية من الطرفين و عز العرب وكيل كبير بما فيه الكفاية على انه يقول كلمة و يلتزم بيها لانه موش بروتون بس و لا عربيتى بس دى مصداقية توكيل فى التزام تجاه العميل

اولا مبروك يا احمد على حل المشكله وربنا يعوضك خير ان شاء الله عن الفتره اللي العصيبه اللي عشتها مع العربيه

اهم حاجه ان الاتفاق اللي وصلتله معاهم ده يكون موثق يعني اقل واجب اضافة السنه الرابعه وشروط الصيانه الجديدة على دفتر الضمان ...و لو بخط اليد مصحوبأ بختم الشركه.

على الاقل مش كل مره تروح تعمل صيانه تبقى مضطر انك تكلم مدير مركز الصيانه.

نظام لا متقلقش كلنا عارفينك وعيب ومتقولش كده ......... والحركات دي ماينفعش في اتفاق زي ده

وتقبل خالص مودتي واحترامي