الموضوع: أشترى لانوس 2 ولا نوبيرا 2 ( بورسعيد - معاقين )

[QUOTE=JAM;3874515554]ياباشا... انا بقول كلام قوانين... وبقولها تانى.. اى عربية معاقين يتم إستيرادها من الخارج لازم يتم دهانها فى البلد المستورد منها... وبكررها تانى.. أبناء خالتى يقومون بإستيراد تلك النوعية من السيارات ومن كل دول العالم.. انا عارف انا بقول ايه.. وبعدين بما إن حضرتك من المنيا.. انا قاعد لغاية آخر الأسبوع فى المنيا.. جنب نقابة المهندسين... وعايزين نشوف بقة كرم الصعايدة[/QUOTE
ممكن يكون كلام حضرتك مظبوط ويمكن علشان بيكون دهان مصنع فمش بنعرفه .... غير كده أهلا وسهلا بيك فى أى وقت مشرفنا ومنور المنيا كلها بس للأسف أنا قاعد فى القاهره حاليا

بص حضرتك أنا معايا العربيه نوبيرا اوتو 99 وعلى فكره سعرها حلو نفس اللى اتقلى ب 30 وفصلنا فيها خدناها ب 29 ألف وهاقولك كلمه الحق فيها بعد استخدام سنه :
1- العربيه تحفه سواء التابلوه والوسع وسع الشنطه ومفيش مقارنه بينها وبين اللانوس والشوما
2- العفشه فى الطرق المدبدبه بس على السرعات البطيئه خالص بتحس بكل حاجه بس أنا حليتها بإنى أظبط الكاوتش الامامى على 28 واللى ورا على 30 هتخف شويه !
3- العربيه على الطرق السليمه والسرعات العاليه حدث ولا حرج بابقى ماشى 120 والعربيه ثباتها حكايه ! سحبها مع التكييف سئ بس هاتتعود عليها وبالمناسبه تكيفها تلاجه !
4- البنزين حسبته بالظبط كذا مره وكان كالآتى :
فى السفر إقتصاديه جدا لدرجه إنى رحت بيها مسافه سفر 550 كيلو ب 44 لتر يعنى 260 لكل صفيحه
فى المدينه بتاكل بنزين بس مش كتير بتمل معايا دايما 170 فى الصفيحه وبالتكييف 150 كيلو ( على فكره ده حال معظم العربيات الإنجيكشن )
الغريبه إنى بنزين 92 بيتحرق فيها اسرع من 90 ومفيش فرق فى الأداء جامد
توكل على الله وعلى النوبيرا بس افحصها حته حته !!!! بس جيبها اعملك حسابك على صيانه كامله وريح دماغك خمس سنين كامله هتنساها !

المشاركة الأصلية كتبت بواسطة jls2011

بص حضرتك أنا معايا العربيه نوبيرا اوتو 99 وعلى فكره سعرها حلو نفس اللى اتقلى ب 30 وفصلنا فيها خدناها ب 29 ألف وهاقولك كلمه الحق فيها بعد استخدام سنه :
1- العربيه تحفه سواء التابلوه والوسع وسع الشنطه ومفيش مقارنه بينها وبين اللانوس والشوما
2- العفشه فى الطرق المدبدبه بس على السرعات البطيئه خالص بتحس بكل حاجه بس أنا حليتها بإنى أظبط الكاوتش الامامى على 28 واللى ورا على 30 هتخف شويه !
3- العربيه على الطرق السليمه والسرعات العاليه حدث ولا حرج بابقى ماشى 120 والعربيه ثباتها حكايه ! سحبها مع التكييف سئ بس هاتتعود عليها وبالمناسبه تكيفها تلاجه !
4- البنزين حسبته بالظبط كذا مره وكان كالآتى :
فى السفر إقتصاديه جدا لدرجه إنى رحت بيها مسافه سفر 550 كيلو ب 44 لتر يعنى 260 لكل صفيحه
فى المدينه بتاكل بنزين بس مش كتير بتمل معايا دايما 170 فى الصفيحه وبالتكييف 150 كيلو ( على فكره ده حال معظم العربيات الإنجيكشن )
الغريبه إنى بنزين 92 بيتحرق فيها اسرع من 90 ومفيش فرق فى الأداء جامد
توكل على الله وعلى النوبيرا بس افحصها حته حته !!!! بس جيبها اعملك حسابك على صيانه كامله وريح دماغك خمس سنين كامله هتنساها !

السلام عليكم ورحمة الله وبركاته
بعد صلاه الاستخارة , وبعد أراءكم , انا قررت بمشيئة الله تعالى
أشترى نوبيرا 2 , واتصلت بالمعارض اللى فى بورسعيد , ولاقيت الاسعار كالتالى : مانيول
موديل 99 : من 29 ألف حتى 31 ألف
موديل 2000 : من 30 ألف حتى 32 ألف
موديل 2002 : من 32 ألف حتى 34 ألف
وانا أن شاء الله مسافر يوم الاحد 16/09
وعلى فكرة , أنا احتمال اشترى من
معرض كريستال
معرض ابو المعاطى
حد يعرف حد تانى كويس ؟
وادعولى بالتوفيق , ومحدش ينصب عليا
أبو يوسف

بالتوفيق ان شاء الله

نصيحتي ليك النوبيرا 2 بلا تردد عربية جميلة و ثابتة على الطريق و قطع غيارها في الحنين و انا شاري السنة اللي فاتت في شهر 8 2011 عربية نوبيرا 2 موديل 2000 كانت عاملة 80000 كيلومتر و حالتها زي الفل و هي بقالها معايا سنة معملتش فيها اي صيانة تاني من بعد معملت اول صيانة لما جبتها
اول لما تجبها لازم تغير كل السيور الموجودة فيها ( كاتينة و دينامو ) و تغير كل السوائل الموجودة فيها ( مية و زيت موتور و زيت فتيس و فرامل و باور )
و تغير تيل فرامل و كاوتشات العفشة زي جلب المقصات و غيرها هتصرفلك حوالي 800 - 1000 جنيه تانية بس انسى العربية هتريحك علطول نصيحة ليك