الموبينه بتاعت الفيكترا باظت

**AmRElSiSi** · 11-09-2012 03:29 AM

بسم الله الرحمن الرحيم

انا معايا فيكترا 2008 , العربيه من سنه كده كانت عاملة 40000 و مرة واحدة لقيتها مبتسحبش و التكييف بقى ضعيف و لمبه الموتور اشتغلت , المهم رحت التوكيل غيروا الموبينه و البوجيهات و العربيه ضبطت

العربيه دلوقتى عاملة 60000 و المووضوع ده حصل تانى و الموبينه باظت !!!!

السؤال بقى هو ايه اللى بيخلى الموبينه تضرب , و كمان انا سألت بره التوكيل لقيت نوع اسمه ديلفى ب 850 جنيه , اركبه و لا اعمل ايه ؟؟؟؟؟

**Optiplex** · 11-09-2012 03:54 AM

هو لحد الان مافيش سبب علمى فى مصر الا ان الموبينة راكبة فوق المتور و ومن السخونية بتضرب سالت كتير فى الموضوع دة قالوو دة عيب فى السى ياريت لو حد عندة تفسير علمى يشرحة يبقى مشكرو على فكرة انا بردة غيرتها مرتين قبل كدة و تقريبا كل ملاك السى غيروها و الدليفى كويسة بس مش عارف ثمنها كويس ولا بس هيا رخصت عن زمان كتير على ايامى كانت 2000 ماينزلوشة جنية

**reallistic** · 11-09-2012 06:03 AM

كانت بكام في التوكيل ساعتها و دلوقتي بكام ؟

**gomgom3** · 11-09-2012 12:32 PM

الموبينه ولا المشط لاني غالبا المشط الي بيضرب دايمن

**AmRElSiSi** · 11-09-2012 12:39 PM

المشط اللى ضرب

@reallistic كانت ب 2800 دلوقتى ب 1960 فى التوكيل ده غير الضريبه :(

**tananybasha** · 11-09-2012 03:33 PM

معلشى
احمد فهمى اللى حصل معاه الموقف ده
و خالد ايمن
واحد منهم هيدلك صح
بس صبراً

**tananybasha** · 11-09-2012 11:38 PM

حطها على سكانر و شوف العطل
و لو مفيش
خليه يمسح الأعطال المسجله لما الموبينه باظت

**احمد فهمى** · 12-09-2012 01:24 AM

السلام عليكم معلش كنت فى مشكلهوبس الحمد لله اتحلت وهكلمك يا طنانى بكره المهم
البوبينه باظت عندى على ٤٥٠٠٠ كيلو وكانت فى التوكيل ب١٢٠٠ وغيرتها لأنها قطعت من البوجيه ٣ والاعراض ان لمبة التشيك تنور وضعف فى السحم وتنتيش لأنها شغاله ٣ سلندر غيرتها ب١٢٠٠ جنيه وعادى ممكن تركبها بنفسك هى عمتاً عمرها فى حدود ٥٠ الف كيلو وده بسبب السخونه لأن البوبينه راكبه فوق البوجيه والمشكله دى فى جميع العربيات اللى البوبينه فوق البوجيه بس رينو مثلاً كل بوبينه لوحدها يعنى ممكن تشترى البوبينه لوحدها وبعد شهر بتحصلها واحده تانيه وكتاب الصيانه موضح لو واحده باظت لازم الاربعه يتغيرو بس المصريين بيحبو الافتكاسات والمهم انت بس فك الغطا اللى فوق البوبينه عشان التهويه تبقى افضل ده افضل حل وانا بفكر اعملهم عزل بس مش فاضى وخلى بالك من اسباب بوظانها الوصله لعربيه تانيه من عندك او لك او اي قفله .....
وماركة طيلفى هى نفس ماركة البوبينه الاصليه اللى بتيجى فى العربيه اشتريها عادى وفى حاجات ارخص ب٧٠٠ بس خليك فى ديلفى والله المستعان

**احمد فهمى** · 12-09-2012 01:26 AM

المشاركة الأصلية كتبت بواسطة amrelsisi

انا دلوقتى غيرت الموبينه و البوجيهات و العربيه ضبطت الحمد لله بس لسه لمبه الموتور منورة ؟؟؟؟؟؟

حد عنده اى فكرة ليه

فوك كابل البطاريه ٢٠ دقيقه او نص ساعه ووصلو بعد كده هتلاقيها طفيت لأنها لسه مسجله عطل البوبينه بدل متروح لواحد عندو سكنر ويعملك انو اخترع طياره فى مسح كود والله المستعان