الموضوع: نفس المشكله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ متابع باهتمام .

بص يا سيدى اولأ العربية كاتبنة كاتينة حديد على كلأمك فلو مشكلتك ذى الفيديو الأولنى فد يكون البلف بيفوت او الشداد الكاتينة مع البلف الجديد اتكل او يكون الكتينة تأدمت او اتأخرت منة و هو بيغير البلف لو مجموعة الكاتينة مظبوطة يبأ كستبنات و يارب اكون فدك او وضحتلك حاجة و مستنى عملت اية

[QUOTE=heshamfahdaa;3874516533]بص يا سيدى اولأ العربية كاتبنة كاتينة حديد على كلأمك فلو مشكلتك ذى الفيديو الأولنى فد يكون البلف بيفوت او الشداد الكاتينة مع البلف الجديد اتكل او يكون الكتينة تأدمت او اتأخرت منة و هو بيغير البلف لو مجموعة الكاتينة مظبوطة يبأ كستبنات و يارب اكون فدك او وضحتلك حاجة و مستنى عملت اية :Copy of majd(2)

يا باشا شكرا جدا علي اهتمامك بس انا مش فاهم يعني ايه كستبنات دي دي عباره عن ايه و ياتري شداد الكاتينه ده ال هو الترس الصغير خالص ال بيكون موجود تحت

وعندي سؤال تاني هو اصلا البلف بيكون فين وياتري السير بتاع الكاتينه لازم يكون مشدود علي الاخر ولا بيكون فيه سنه ارتخاء

متابع

المشاركة الأصلية كتبت بواسطة hellboy

واضح جدا ان ده صوت كوستبانات
الحل..هتفك بيت الكامه وتغير كوستبانات وممكن الدلايل بتاعتها كمان علي حسب حالتها لما تفك
والموتور هيرجع بحاله الزيرو ماتقلقش

انا مش فاهم حاجه هي ايه ال كوستبانات دي اصلا ويعني ايه دلايل و اوصلهم ازاي دول

انا مش فاهم حاااااااااااااااجه هههههههههههههههههههههههه

المشاركة الأصلية كتبت بواسطة hellboy

-ببساطه كده الموتور عباره عن منزل من 4 ادوار..
الدور الرابع (الروف) هو وش التاكيهات اللي مكتوب عليه ايكوتك عندك
الدور التالت هو بيت الكامه
الدور التاني هو وش السلندراللي فيه الصبابات
الدور الاول هو الشميز اللي فيه البساتم والكرنك
-عندك 12 كوستبان و12 شاكوش لان واضح ان موتورك 3 سلندر مش شرط كلهم يكونوا بايظين لو 2 او 3 بايظين هيعملوا الصوت ده
-هتشتريهم اما جديد لو موجود او استيراد (عندي في الفيكترا الجديد ب60ج شاكوش او كوستبان والاستيراد ب25ج)
-الشغل عندك في بيت الكامه والكامه ببساطه شكل مخروطي اسطواني يمر بعرض الموتور من فوق بياخد حركته من سير الكاتينه وينقلها للصبابات اللي في وش السلندر,بينهم بقي الكوستبانات (بلوف الزيت) وعليها دلايل الصبابات(الشواكيش) مهمتهم تسهيل حركه الصبابات
-الكوستبان عباره عن اسطوانتين داخلين في بعض بينهم سوسته وبما انه مغمور في الزيت فاللي يبوظه ..
زيت قليل-زيت متسخ-درجه حراره عاليه لان في جانب الكوستبان فتحه صغيره لدخول الزيت للتليين
-خلي بالك انك مش محتاج تغير جوان وش السلندر الموضوع بسيط جدا بس في صنايعيه غير امناء بيكبروا الموضوع زي ماقولت لحضرتك الشغل في بيت الكامه بس ,صحيح بنفك مسامير وش السلندر اللي ماسكه الادوار كلها ببعض انما مابنحركش فارغه وش السلندر من مكانها
-يارب اكون افدت حضرتك ودي صوره لقيتها لعمود الكامات والصباب وبينهم الكوستبان والشاكوش
هو موتور موتوسيكل بس نفس الفكره

انا بجد مش عارف اقولك ايه بس فعلا شكرا شكرا علي مجهودك و اهتمامك
طب ازاي اعرف ان الجزء ده هو البايظ
وياتري ده بيسبب تاكل في الزيت يعني زيت العربيه ينقص مع المشي
وبكرر شكري بجد وطولة بالك الصراحه