غيرت سوست ومساعدين خلفى للكرستالة بنفسى

**د.أبونضال** · 13-09-2012 05:23 AM

برافو عليك ...أحييك تحية شديدة ...أنا بحب اشتغل بإيدي جدا وعندي عده كتير كل ما تحصل عندي مشكلة أشتري العده اللازمة لتصليحها بدلا من الذهاب للصنايعية وبتكون التكلفة أرخص كمان

**MohammedAladel** · 13-09-2012 08:34 AM

فعلا أنك تشترى العدة دى حاجة هتحميك وهتخليك تعرف حاجات كتير فى العربية وعلى الأقل هتعمل الحاجة بضمير لأنها عربيتك ودا اللى أنا ناوى أعمله مع عربيتى

**husseinsalah** · 13-09-2012 09:31 AM

المشاركة الأصلية كتبت بواسطة MohammedAladel

أحييك على الشغل دا

قول لى بقى الأدوات اللى استعملتها بالظبط وأساميها وإنت بتفك وتركب وجبتها منين

مافيش ادوات غير تقليدية هى مفاتيح الفك العادية

المشاركة الأصلية كتبت بواسطة MohammedAladel

خد بالك إن فيه حاجة مخصوصة بيربطوا بيها سوستة المساعد عشان متنطرش وإنت بتفك بس معرفش أسمها لو تعرفها قولى على إسمها

اسمها زرجينة لكن لو كانت معايا او استخدمتها ماكنتش عملت الموضوع اصلا لكن الفكرة انى ركبت المساعد من غير ما استخدمها وبطريقة بسيطة

المشاركة الأصلية كتبت بواسطة momo44

الله ينوووووووووووور عليييييييييييييييييك
اخيراااااااااااااااااا لقيت حد زى :)
والفكرة دى جباااااااااااااااارة فعلااااا
وفكرة استاااااااااااااااااااذ
وبالنسبة للجهاز اللى الناس بتتكلم عليه اللى بيكون عند العفشجى هو عبارة عن منجلة خاصة
بيقفش السوستة من تحت وفوق ويربط المنجلة تقوم السوستة مضغوطة
يفك المساعد ويركب تانى براحته وبعدين يفك المنجلة تقوم السوستة مفرودة تانى

هو فكرتك متعبة شويتين
بس جديييييييييدة وعبقرية

ربنا يكرمك ياباشا هى فعلا متعبة شوية لكن مانا زى ماقلت انى غاوى تعب

المشاركة الأصلية كتبت بواسطة MohammedAladel

أيوة يعنى المنجلة دى غالية ولا لا

هل أقدر من غيرها أعمل كدا مع المساعد الأمامى ولا لأ أصل السوستة دى جامدة جدا

انا ماستخدمتش منجلة او زرجينة وعموما اللى بتبقى عند العفشجية بتبقى منجلة بلدى او نفس فكرة اللى موجودة عند بتاع الكاوتش اللى بيفك بيها الكاوتش عن الجنط
وبالنسبة للسوستة الامامية او لو حبيت تحط علاية فى السوستة الخلفية يبقى هتضطر تجيب ح معاك علشان يقعد ورا او على الكابوت علشان يتقل العربية شوية ويضغط اكتر على السوستة مع حمل العربية

المشاركة الأصلية كتبت بواسطة m_adeleid

انا بحترم جدا اي حد بيشتغل في عربيته بنفسه
الله ينور عليك
بس مقلتلناش جبت مساعدين نوعهم ايه؟

المساعدين KYB لانى مالقتش النوع اليابانى التانى ب 450 جنية والسوستتين ب 250 جنية والجلبة الواحدة التايلاندى ب 20 جنية

**alekhandro007** · 24-09-2012 03:56 PM

المشاركة الأصلية كتبت بواسطة husseinsalah

المساعدين kyb لانى مالقتش النوع اليابانى التانى ب 450 جنية والسوستتين ب 250 جنية والجلبة الواحدة التايلاندى ب 20 جنية

يعنى يا باشا المساعد بـ 450 و لا الجوز و كذلك السوست و الجلب مكان شرائهم منين لان انا كنت هشتغل فى العفشه هغير مساعدين لكن العفشجى قالى زى حضرتك كده عاوز شدادات و مقصات امامى و خلفى علشن الجلب اللى فيهم باظت فياريت مكان الشراء ضرورى جدا خالص مع جنزبيل الشكر

**husseinsalah** · 24-09-2012 08:58 PM

المشاركة الأصلية كتبت بواسطة alekhandro007

يعنى يا باشا المساعد بـ 450 و لا الجوز و كذلك السوست و الجلب مكان شرائهم منين لان انا كنت هشتغل فى العفشه هغير مساعدين لكن العفشجى قالى زى حضرتك كده عاوز شدادات و مقصات امامى و خلفى علشن الجلب اللى فيهم باظت فياريت مكان الشراء ضرورى جدا خالص مع جنزبيل الشكر

بالنسبة لسعر المساعدين 450 للاتنين مساعد ومكان شراء الجلب من عن ابو زيزو ومكانة مش عارفة بالظبط لكن حضرتك تاخد شارع رمسيس وبعدين زى ما فى الصورة كدة ابو زيزو عند المنطقة اللى عليها دايرة باللون الاحمر