طرمبة باور بولو2001 جديدة وبتزن !!!!!!!!!!!!

**elbaz45** · 12-09-2012 08:21 PM

انا معايا بولو2001 وكانت طرمبة الباور بتزن وصوتها عالى المهم مكدبتش خبر وجبت واحدة جديدة زيروه وركبتها وتمام وبعد يومين الطرمبة الجديدة بدءت تزن بس زنة خفيفة قولت يا واد متحطش فى بالك وبعد كده الصوت بيعلى لحد ما بقى مزعج اوى بعد اسبوعين ولأنى جايبها جديدة ومعاها ضمان رجعتها وجبت واحد تانية جديدة برضه وركبتها ومن اول ما ركبت وهيا بتزن والميكانيكى قالى ان الطرمبة بايظة برده وعلى فكرة الراجل فى كل مرة بياخد الهوا من الدايرة وانا مش عارف اعمل ايه افيدومى ربنا يباركلكم !!!!!!!!!!!!!

**SYD** · 12-09-2012 08:58 PM

في البداية احب ارحب بيك في قسم سيات

مع الأسف الشديد
الطرمبات الموجودة كلها وحشة
انا كمان الطرمبة عندي بتزن وكل لما اقول للميكانيكي بتاعي عايز اغيرها يقولي الطرمبات كلها وحشة الجديد والأستيراد

طالما جايبها جديد - خليك ورا التاجر لحد لما يجيبلك واحدة نظيفة - انت كل مشكلتك انك بتتكلف مصنعيات فك وتركيب وزيت ومضيعة وقت
بس هنعمل ايه؟؟ قدرنا كدة
مفيش ضمير لا عند المستورد ولا التجار - واحنا الضحية في النهاية

المهم خليك مراه وماتزهقش عشان مايضعش حقك

وياريت لو تقولي سعرها جديدة كام ؟؟

والله المستعان
،
،

**sakr_skoda** · 12-09-2012 10:09 PM

لالالا معلش فى طلومبات كويسه جدا يعنى على سبيل المثال حالتى طلومبه البنزين كانت بتهرب ولازم اشفت لما تحضر لحد ما شربت حوالى جالونين بنزين فى عز الزمه هههههههههه....

المهم روحت سالت على طلومبة بنزين كهرباء لقيتها ب 175 جنيه قعدت افكر يوم يومين اشرب جالون جالونين لحد لم حلفت براس ابوها الخواجه مهى جايبة بنزين من التانك ركنت العربيه فى الشارع ورحت اشتريت الأخت اللى ب175 جنيه طلومبة ماركه لانسر والعلبه عليها علامة لانسر بس بجد حاجة محترمه جدا جدا والحمد الله مبقتش اشرب بنزين........

**SYD** · 12-09-2012 10:44 PM

اعتقد يا باشا انت بتتكلم عن طرمبة بنزين
بس صاحب الموضوع بيشتكي من طرمبة الباور

تحياتي

**SYD** · 12-09-2012 11:48 PM

المشاركة الأصلية كتبت بواسطة elbaz45

والله انا شاكك ان المشكلة فى حاجة تانية مش فى الطرمبة والدليل ان كذا حد قال كده يعنى واحد بمجرد انه بيغير الزيت بعدها علطول الطرمبة زنت واحد تانى فكها سليمة من ماتور وجه يركبها عنده لقاها زنت يبقى الموضوع مش طرمبة وانا عن نفسى شاكك انه ممكن تكون الطرمبة واخدة هوا باستمرار لانه لو خدت هوا مرة واحدة كده كده مع الشغل الهوا هيخرج من القربة انما هيا بتاخد هوا باستمرار وانا شاكك فى خرطوم السحب بتاعها اللى راكب عليه افيز.
وعموما هيا جديدة ب 550 جنيه صينى والزيت ب 50 جنيه

عموما انت عندك اكتر من مكون في منظومة الباور والتوجيه
عندك الطرمبة بس ليها خرطومين (داخل وخارج للزيت)
الخرطومين دوول داخلين علي العلبة (الأسكاترا) ونفس الأسكاترا ليها لاكور
راجع علي الأفايز بتاعة كل الوصلات دي واللاكور بتاع الأسكاترا
شوف لو عندك اي اعوجاج في ماسورة الضغط او عصر فيها لأن دة بطبيعة الحال هيأثر علي تدفق الزيت وممكن يخلي الطرمبة تزن
وشوف لو في خراطيم مشققة (بس اكيد هتجيب زيت لو فيها تشقق)

ولو عايز تخرج الهوا
افتح الغطا بتاع الخزنة
لف الدركسيون يمين للأخر واعصر
لف الدركسيون شمال للأخر واعصر
كرر اللف يمين وشمال مدة لا تقل عن ال5 دقايق

والله المستعان
،
،

**SYD** · 20-02-2013 12:04 PM

بالنسبة للناس اللي بتسأل عن أخر الأخبار
الأستاذ الباز حل مشكلته ودة حلها

المشاركة الأصلية كتبت بواسطة elbaz45

بص حضرتك هو انا رحت لعفشجى ابن حلال وعنده صبر وبيشغل دماغه فتح الطرمبة القديمة الالمانى وفتح الجديدة الصينى وطبعا فى فرق واضح جدا المهم بعد ما فك الطرمبتين حتة حتة وغسل القديمة بالبنزين تمام اخد من الجديدة الكامة اللى ريش الطرمبة بتلف جواها واخد كمان بلف وبستم صغير خالص بالبلية بتاعته بسوسته صغيرة خالص وركبهم فى الطرمبة القديمة الالمانى لانه كان معجب بيها وبصراحة هيا تستاهل.

لحد كده انا مش مقتنع بحاجة لانه باللى عمله ده كانت الجديدة تشتغل من غير ما تزن فانا طلبت من انه يفك القربة بتاعت الزيت هتلاقى جواها فلتر معرفش يفكه قلتله يكسره وينضفه بالبنزين وبعد كده خليته يحضر الطرمبة وهيا على المنجلة قبل ما يركبها بحيث يحطلها زيت ويلف الطنبورة بايده وهتلاقيها تطلع فقاقيع من الناحية التانية لحد ما تحس انها اتملت من جوه بزيت الباور وده اللى انا كان نفسى اعمله من زمان بس مكنش فيه عفشجى راضى يسمع كلامى وكل اللى عندهم الطرمبة بايظة يا استاذ واحلفلهم انها جديدة يقولوا وماله كل الصينى كده وانا زى ما قلت قبل كده ان دى تانى واحدة جديدة وكويس ان الراجل وافق يرجعها مره قبل كده مش معقول كل اسبوع هروح ارجع للراجل طرمبة واخد واحدة جديدة وغير انى اساسا مش مقتنع انها بايظة
المهم بعد كده ركبها ووصل الخراطيم وحط الزيت فى القربة ودور الموتور ولف الدريكسيون يمين وشمال والحمد لله بسم الله ما شاء الله الله اكبر مزنتش بفضل الله

المشاركة الأصلية كتبت بواسطة elbaz45

بص يا بشمهندس سيد للصورة كويس وخصوصا الجزئين اللى فى النص الكامة و vane blades

اللى بيبوظ فى اى طرمبة باور هيا الكامة لان vane blades بتحف فيها طول ما الطرمبة شغالة وده بيعمل مطبات فى الكامة من جوة تلاحظها بعنيك او لو مشيت صباعك عليها من جوة
واى طرمبة اشتغلت كتير حتى لو سليمة لازم تكون الريش عملت مطبات فى الكامة دى وعلشان كده انا مجبتش طرمبات استيراد قبل كده
وفى نفس الوقت كتير اوى 550ج ثمن الطرمبة الجديدة ده غير 50ج زيت باور بخلاف المصنعية والمصيبة بعد كل ده تلاقيها بتزن ومحدش عارف يعملك حاجة وطبعا الجديدة مش هترجع زى الاستيراد انما ممكن بشوية مقاوحة تاخد غيرها
وربنا يوفقك ان شاء الله وانا معاك وتحت امرك فى اى استفسار

تحياتي للجميع

-

-

-

-

الموضوع: طرمبة باور بولو2001 جديدة وبتزن !!!!!!!!!!!!

LinkBack

أدوات الموضوع

عرض

طرمبة باور بولو2001 جديدة وبتزن !!!!!!!!!!!! - انشر الموضوع فى :

-

-

-

-

-

المواضيع المتشابهه

مشكلة فى طرمبة باور لبيجو 307 sw - ارجو المساعدة

طرمبة باور بولو2001 جديدة وبتزن !!!!!!!!!!!!

طرمبة باور بولو 2001 !!!!!!!!

لو سمحتم سعر طرمبة باور بولو 2001 كام

مشكلة طرمبة باور بولو 2001

الكلمات الدلالية لهذا الموضوع

المفضلات

المفضلات

ضوابط المشاركة