صني 2013 - تقرير عن استهلاك البنزين

**hossam_elwani** · 15-09-2012 04:25 PM

تقييم ممتاز

يعنى بحسبه بسيطه نلاقى ان العربيه فى ظروف الاستخدام د بتعمل 6.5 لتر لكل 100 كيلومتر

يعنى الصفيحه تمشيك 300 كيلو متر ودى قمة الاقتصاديه

اما بخصوص نصيحة الدخول من الدائرى فهو نصحك غلط كنت المفروض تدخل الى الدولى من الصحرواى مباشراً لان الدائرى لفه ووحش وفيه اعمل صيانه وبيبهدل اى عربيه تمشى عليه وكنت حتنزل على شارع 45 ومنه الى المندره

اما بخصوص التخذير من انحراف العربيه فأحساسك طبيعى وده راجع لان وزن العربيه كبودى حوالى 900 كيلو بس وده وزن خفيف مقارنه بموديلات تانيه زى الالمانى والفرنساوى

تحياتى

**hassanin_lada** · 15-09-2012 04:28 PM

ملحوظه انا ماعنديش صني بس بركب مع واحد قريبي طريق اسيوط سوهاج صحراوي طبعا واحنا ماشين علي 120/130 بنحس فعلا انها مش ثابته بس لما بنزود ونبقي علي 170/180 بيبقي الثبات افضل من ثبات ال 100 كيلو في الساعه العربيه موديل 2008 ارجو ان اكون افدكم

**canner** · 15-09-2012 04:50 PM

الف شكر على المجهود الكبير و الشرح المفيد فعلا و اصعب حاجة ان العربية ماطلعتشى ثابتة زى ما كانوا بيقولوا

**saint2011** · 15-09-2012 05:00 PM

المشاركة الأصلية كتبت بواسطة canner

الف شكر على المجهود الكبير و الشرح المفيد فعلا و اصعب حاجة ان العربية ماطلعتشى ثابتة زى ما كانوا بيقولوا

شوف حضرتك العربية لسه جديدة وكل ملاكها لسة فى التليين يعنى مافيش حد عدى 5000 كم يمكن واحد او أتنين بالكتير فالحكم مسبقا يبقى ظلم كبير وأعرف واحد وصل بها 175 كم سرعة وكانت فى منتهى الثبات كل ما فى الموضوع أننا بنقول ملاحظاتنا عشان الكل يستفيد بها ولك تحياتى

**saint2011** · 15-09-2012 05:02 PM

المشاركة الأصلية كتبت بواسطة bkaltalamana

ملحوظه انا ماعنديش صني بس بركب مع واحد قريبي طريق اسيوط سوهاج صحراوي طبعا واحنا ماشين علي 120/130 بنحس فعلا انها مش ثابته بس لما بنزود ونبقي علي 170/180 بيبقي الثبات افضل من ثبات ال 100 كيلو في الساعه العربيه موديل 2008 ارجو ان اكون افدكم

أحنا حضرتك بنتكلم عن الصنى الشكل الجديد 2013

**hossam_elwani** · 15-09-2012 05:31 PM

من ضمن عوامل عدم الثبات ان صح وده بيبقى نسبى من ملاك الى الاخر هو الكاوتش وطبعا انتم عارفين ان الكاوتش فيها مش عريض بشكل كافى وكمان ماركه وجوده سيئه فبلاش تسرع فى الحكم على الجزئيه دى

**saint2011** · 15-09-2012 05:42 PM

المشاركة الأصلية كتبت بواسطة hossam_elwani

من ضمن عوامل عدم الثبات ان صح وده بيبقى نسبى من ملاك الى الاخر هو الكاوتش وطبعا انتم عارفين ان الكاوتش فيها مش عريض بشكل كافى وكمان ماركه وجوده سيئه فبلاش تسرع فى الحكم على الجزئيه دى

كلامك مضبوط يا أ/ حسام الكاوتش سىء جداااا انا قلت أمشى به شويه وربنا يفرجها من وسع وأركب بريد جستون وأعرضه شويه 195/60-15

**GRADER** · 15-09-2012 05:59 PM

يا جماعة فى فرق كبير بين ثبات العربية على الطريق مع السرعات العالية بدون تأثيرات خارجية وبين حصول تفرييغ مفاجىء فى الهواء فى أحد أجناب العربية والى بيأدى طبعا لاختلال لحظى لا يسبب انقلاب للسيارة والحمد لله

يا ريت نفرق بين الحالتين. ومانقولش ان العربية مش ثابتة لمجرد لمجرد حصول تفريغ لحظى فى أحد أجناب العربية نتيجة مرور جسم ضخم بسرعة عالية زى اوتوبيس أو عرية نقل

**kfarouk** · 15-09-2012 06:22 PM

شكرا على التقرير , انا التفويلة الي فاتت عملت ريست للمتوسط و للتريبات و على التفويلة الجديدة كان المتوسط 8.4 لتر لكل 100 كيلومتر و ده ما بين طرق زحمة وطرق طوالي مفتوحة وده حلو جدا بالنسبالي.
بالنسبة للثبات انا بردوا سافرت بيها اسكندرية و حسيت بردوا بعدم الاتزان و خاصة ان انا كنت قبل كدا معاير لانسر هاف اسبورت فحسيت بفرق الثبات بس انا مشيت بيها و انا راجع 175 و كانت اثبت لان الحمل كان زاد و كان في شنط كتير في العربية لاني كنت بجيب اختي من مطار برج العرب بس السحب كان تمام و كانت موفرة جدا في البنزيين بس ساعتها محسبتش المتوسط.:

**the_air_devil** · 15-09-2012 06:38 PM

المشاركة الأصلية كتبت بواسطة engamin

انا حبيت اعلق على النقطة دى لانها مهمه جدا وانا لاحظتها باردو قبل صيان الالف على سرعة 80 او 100كيلومتر /ساعة بس قولت ممكن علشان ماشى ابطى من العربيات الى ماشية جنبى فى الطريق الصحراوى للاسكندريه وانا كنت لسه فى مرحلة التليين بس لما سافرت من اسبوع وكنت بجيب من 100 الى 120على نفس الطريق واى عربيه او اتوبيس معدى صاروخ من جنبى كنت بحس فعلا ان العربية بتحدف الناحيه الاخرى مع اتجاه قوة الهواء اللى كان بينك وبين العربيه وخصوصا ان الطريق الصحراوى السرعات فيه عاليه جدا. بس فعلا دى ملحوظه اتمنى ان يعرف هذه المعلومة ملاك الصنى الشكل الجديد(خلى دائما فى مسافة معقولة بينك وبين العربية اللى جنبك)وربنا يحفظنا جمعيا من شر العربيات وشر الطريق

فعلاً الواحد بعد كدة لازم يطبق نظرية "تجاذب السفن في البحر" ويسيب مسافة مريحة بينه وبين أي عربية كبيرة الحجم معدية على سرعة عالية جنبه ...وربنا يحفظنا جميعاً