f30 320 مواصفات كماليات وأسعار

**maskeen** · 19-09-2012 07:16 PM

لما يكون العربيه سعرها 365 الف يعنى 60 الف دولار يعنى ضعف سعرها بره (ال 328 ب 36 الف دولار),...يبقى اسمها سرقه علنى!

انا عربيتى جبتها مستعمله ب 240 وربنا عالم جم ازاى وبعد كام سنه شقا...
حضرتك انا ااقصد ان لازم يتم مراعاة معظم الناس اللى دخولهم لا تزيد عن 3-4 الاف فى الشهر ..انا الاسره عندى دخلها الاجمالى 40 الف جنيه شهريا لكنى عارف ان الناس مطحونه

**ahmad--ezzat** · 19-09-2012 07:25 PM

هي دي الاسعار في بلدك ومش حاجه جديده
ولعلمك العربيات في السعوديه ودول الخليج لا تباع وقليله جدا جدا واسعارها مش عاليه بالدرجه

**Mohab.Nabil** · 19-09-2012 07:26 PM

المشاركة الأصلية كتبت بواسطة maskeen

لما يكون العربيه سعرها 365 الف يعنى 60 الف دولار يعنى ضعف سعرها بره (ال 328 ب 36 الف دولار),...يبقى اسمها سرقه علنى!

انا عربيتى جبتها مستعمله ب 240 وربنا عالم جم ازاى وبعد كام سنه شقا...
حضرتك انا ااقصد ان لازم يتم مراعاة معظم الناس اللى دخولهم لا تزيد عن 3-4 الاف فى الشهر ..انا الاسره عندى دخلها الاجمالى 40 الف جنيه شهريا لكنى عارف ان الناس مطحونه

يا باشا فيه جمارك الضعف تقريبا و ضرايب و جمارك على الكماليات و عارف ان العربية بتتجمع هنا بس بالنسبة للسوق المصرى العربية سعرها معقول

يا باشا ربنا يبارك لحضرتك فى عربيتك و تجيب الاحسن منها كمان

انا فهمت قصد حضرتك بس فعلا البى ام من الماركات فى العالم كله اللى معروف انها بتستهدف طبقة معينة .. فطبيعى يكون سعرها كده و بصراحة مع اسعار العربيات التانية انا مش شايف ان سعرها مبالغ فيه

فيه حاجات بتبقى موجهة لناس معينة فطبيعى يكون سعرها كده زى الايفون مثلا ليه سعره يكون 6 الاف و فيه ماركات محترمة جدا بأقل من نص السعر و نفس الاوبشنز بس الايفون ليه زبونه برضه

انا قصدى بسعر ممتاز ان مقارنة باسعار العربيات التانية تعتبر صفقة كويسة بالنسبة للموتور و الاوبشنز بس مش قصدى انها متاحة للكل و دا طبيعى

عموما ربنا يكرم كل الناس و حال البلد يتصلح ان شاء الله

**ahmad--ezzat** · 19-09-2012 07:27 PM

المشاركة الأصلية كتبت بواسطة mohab.nabil

يا باشا انا مقدر ظروف الناس و لكل مقام مقال .. البى ام معروفة فى كل دول العالم مين بيركبها و ان ليها زبونها زى المرسيدس و الكلام دا فى المانيا حتى

لما تبقى عربية نازلة بموتور جديد و فتيس جديد و شكل جديد و تفضل بنفس سعرها القديم ديه حاجة ممتازة فى مصر .. و حضرتك شايف الفئات الاقل اللى هى مفروض موجهة للناس العادية كل موديل جديد العربيات بترفع سعرها تقريبا 20%

انا مش عارف حضرتك دخلت ظروف الناس كأن انا واكل حد مثلا او نازل اجيب العربية الصبح

انا بصراحة مستغرب من رد حضرتك جدا و مش لاقى ليه اى مبرر

عموما ربنا يبارك لحضرتك و تركب بى ام 7 series ان شاء الله لما تيجى تغير

+11111111

**dede_dodo88** · 19-09-2012 07:44 PM

هو ميزة أنها تبقى غالية عشان متبقاش انت راكبها و تبص جنبك تلاقي واحدة زيها تاكسي lol
شيء طبيعي لأي premium brand في أي حاجة أنها تبقى overpriced حتى لو كانت حاجة متستاهلش عشان يضمنوا حد أدنى لمستوى العملاء اللي هيستخدم الماركة دي..
بس هي العربية تستاهل السعر ده الصراحة و متوقعلها مبيعات كبيرة أوي في مصر..
p.s. مصر مش فقيرة أوي على فكرة, و سعر زي ده بالنسبة لناس كتير يعتبر لقطة..

**maskeen** · 20-09-2012 01:40 PM

لا والله مش مستوى عملاء ولا بتاع...الموضوع كله ان اللى يلاقى دلع ولا يتدلعش يبقى ابن حرام!

حضرتك عارف ان نفس التوكيل الحرامى ده بيبيع العربيه كسر زيرو وهى عامله 5-10 الاف كيلو بالكتير بتخفيض 20 و 25% من تمنها (يعنى 100 الف فى الفئه الخامسه) لان سعرها الاصلى نصه سرقه

واذا كان على مستوى العملاء, فال 328 تمنها بره 36 الف دولار والباسات ب 30 الف, ماقالوش ليه مستوى بقى؟ ..هو توكيل حرامى ده خلاصة الموضوع. لما العربيه تبقى مجمعه فى مصر, يعنى مافيش جمارك الا 25% لانها مستلزمات انتاج والعامل المصرى بياخد 3000 جنيه مش 3000 دولار شهريا زى نظيره الالمانى وفى الاخر تتباع بضعف سعر بلادها يبقى دى سرقه عينى عينك...اما الناس اللى بتدفع نص مليون عادى كده فده لانهم واكلين مال العمال والغلابه اللى تحت ايديهم.. يعنى لما يكون عنده مصنع فيه 20 عامل, كل واحد بياخد 1500 جنيه وهو مفروض ياخد 3000 عشان يعيش بكرامه, يبقى هو كده حط فى جيبه 30 الف جنيه شهريا من الهوا..يجيب بى ام كل سنه كمان! لكن نقول ايه فى حب المال اللى ربنا ذكره عشرات المرات فى القرأن وبرضه لا احد يتعظ...الكل فاكر انه هياخد فلوسه دى معاه القبر

**احمد فهمى** · 20-09-2012 02:12 PM

المشاركة الأصلية كتبت بواسطة dede_dodo88

هو ميزة أنها تبقى غالية عشان متبقاش انت راكبها و تبص جنبك تلاقي واحدة زيها تاكسي lol
شيء طبيعي لأي premium brand في أي حاجة أنها تبقى overpriced حتى لو كانت حاجة متستاهلش عشان يضمنوا حد أدنى لمستوى العملاء اللي هيستخدم الماركة دي..
بس هي العربية تستاهل السعر ده الصراحة و متوقعلها مبيعات كبيرة أوي في مصر..
P.s. مصر مش فقيرة أوي على فكرة, و سعر زي ده بالنسبة لناس كتير يعتبر لقطة..

موضوع مستوى بيسبب رفع السعر ده طبعاً اسلوب مريض وسرقه وقصة تاكسى لو حضرتك سافرت المانيا نفسها الدوله المصنعه هتلاقى بى ام ومرسيدس اكتر عربيه تاكسى ولو انت شايف ان ٣٥٠ الف لقطه فعربيه بره بنص المبلغ ده يبقى انت بتتكلم عن بلد غير مصر لأن حتى فى المانيا بسعرها هناك بتعتبر من اغلى العربيات عشان كده بتشتريها شركات التاكسى والليموزين والشركات للمديرين وبى ام ان بعتبرها صفقه فاشله فى مصر يعنى ال٢٣٠ ٢٠٠٧ بتتباع حالياً بنص تمنها وال٥٢٠ ٢٠٠٧ بأقل من نص تمنها ودى القيمه الفعليه بس توكيل بيستغل امراض الناس فى مصر اللى بيحبو يتفشخرو وخلاص

**احمد فهمى** · 20-09-2012 02:21 PM

المشاركة الأصلية كتبت بواسطة maskeen

لا والله مش مستوى عملاء ولا بتاع...الموضوع كله ان اللى يلاقى دلع ولا يتدلعش يبقى ابن حرام!

حضرتك عارف ان نفس التوكيل الحرامى ده بيبيع العربيه كسر زيرو وهى عامله 5-10 الاف كيلو بالكتير بتخفيض 20 و 25% من تمنها (يعنى 100 الف فى الفئه الخامسه) لان سعرها الاصلى نصه سرقه

واذا كان على مستوى العملاء, فال 328 تمنها بره 36 الف دولار والباسات ب 30 الف, ماقالوش ليه مستوى بقى؟ ..هو توكيل حرامى ده خلاصة الموضوع. لما العربيه تبقى مجمعه فى مصر, يعنى مافيش جمارك الا 25% لانها مستلزمات انتاج والعامل المصرى بياخد 3000 جنيه مش 3000 دولار شهريا زى نظيره الالمانى وفى الاخر تتباع بضعف سعر بلادها يبقى دى سرقه عينى عينك...اما الناس اللى بتدفع نص مليون عادى كده فده لانهم واكلين مال العمال والغلابه اللى تحت ايديهم.. يعنى لما يكون عنده مصنع فيه 20 عامل, كل واحد بياخد 1500 جنيه وهو مفروض ياخد 3000 عشان يعيش بكرامه, يبقى هو كده حط فى جيبه 30 الف جنيه شهريا من الهوا..يجيب بى ام كل سنه كمان! لكن نقول ايه فى حب المال اللى ربنا ذكره عشرات المرات فى القرأن وبرضه لا احد يتعظ...الكل فاكر انه هياخد فلوسه دى معاه القبر

هو ده فعلاً الكلام ولو شوفت مرتبات العمال فى بافارياً تعرف انهم فعلاً عصابه اللى بياخود ١٠٠٠ جنيه و١٥٠٠ يعنى نفس مرتبات اللى شغاليين فى اسبرانزا طيب العربيات اللى بتتباع بخمس اضعاف تمنها ومتجمعه فى مصر كمان الفرق بيروح فين غير قطع الغيار والصيانات بعد كده وانا متأكد ان ملكية بافاريا لعصابة النظام الفاسد بتاع مبارك بعد ما سجنو ابو الفتوح والتوكيل اتاخد راح اكيد لهم زى بيجو

**MMamdouh** · 20-09-2012 05:19 PM

المشاركة الأصلية كتبت بواسطة maskeen

لما يكون العربيه سعرها 365 الف يعنى 60 الف دولار يعنى ضعف سعرها بره (ال 328 ب 36 الف دولار),...يبقى اسمها سرقه علنى!

من قديم الازل لما مواطن مصرى بيشترى عربية بيدفع تمنها الحقيقى و يدفع تمن واحدة تانية للحكومة

المواطن المصرى:

الحكومة:

MMamdouh

-

الموضوع: f30 320 مواصفات كماليات وأسعار

LinkBack

أدوات الموضوع

عرض

-

-

-

-

-

-

-

المواضيع المتشابهه

f30 320 مواصفات كماليات وأسعارBMW الفئة الثالثة الجديدة

f30 320 مواصفات كماليات وأسعارBMW الفئة الثالثة الجديدة

f30 320 مواصفات كماليات وأسعارBMW الفئة الثالثة الجديدة

سؤال عن مواصفات و كماليات الجراند بونتو ؟؟

تعرف على كماليات و مواصفات و اسعار كيا سيراتو

الكلمات الدلالية لهذا الموضوع

المفضلات

المفضلات

ضوابط المشاركة