الموضوع: f30 320 مواصفات كماليات وأسعار

المشاركة الأصلية كتبت بواسطة maskeen

لا والله مش مستوى عملاء ولا بتاع...الموضوع كله ان اللى يلاقى دلع ولا يتدلعش يبقى ابن حرام!

حضرتك عارف ان نفس التوكيل الحرامى ده بيبيع العربيه كسر زيرو وهى عامله 5-10 الاف كيلو بالكتير بتخفيض 20 و 25% من تمنها (يعنى 100 الف فى الفئه الخامسه) لان سعرها الاصلى نصه سرقه

واذا كان على مستوى العملاء, فال 328 تمنها بره 36 الف دولار والباسات ب 30 الف, ماقالوش ليه مستوى بقى؟ ..هو توكيل حرامى ده خلاصة الموضوع. لما العربيه تبقى مجمعه فى مصر, يعنى مافيش جمارك الا 25% لانها مستلزمات انتاج والعامل المصرى بياخد 3000 جنيه مش 3000 دولار شهريا زى نظيره الالمانى وفى الاخر تتباع بضعف سعر بلادها يبقى دى سرقه عينى عينك...اما الناس اللى بتدفع نص مليون عادى كده فده لانهم واكلين مال العمال والغلابه اللى تحت ايديهم.. يعنى لما يكون عنده مصنع فيه 20 عامل, كل واحد بياخد 1500 جنيه وهو مفروض ياخد 3000 عشان يعيش بكرامه, يبقى هو كده حط فى جيبه 30 الف جنيه شهريا من الهوا..يجيب بى ام كل سنه كمان! لكن نقول ايه فى حب المال اللى ربنا ذكره عشرات المرات فى القرأن وبرضه لا احد يتعظ...الكل فاكر انه هياخد فلوسه دى معاه القبر

والله عندك حق لسببين :-
- واحد زى حالاتى و اكيد فى غيرى كتير راصد 180000 جنيه لشراء سياره جديده زيرو (طبقا للاستغلال ده) محرم على اشتريها زيرو و لازم غصب عنى لو نفسى فيها اجيبها استعمال على الاقل 4 سنين فاتوا . مش حرام رنج الفلوس ده ما يجيبهاش اللى لو كان فى اى بلد تانيه كان جابها و فاض معايا فلوس كمان.طبقا لسعرها فى بلدها اللى هو 36000$
- يا اخوانا مع احترامى نرجع للاصل فى موضوع الجمارك ( الجمارك فى اى بلد محترمه اول و اهم سبب ليها هو حمايه المنتج المحلى) طب هو فين المنتج المحلى هو فيييييييييين الظااااااااابط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
حقول ايه حسبى الله و نعم الوكيل
و شكرا

المشاركة الأصلية كتبت بواسطة ahmedsadek82

اوافقك تماما , سعر العربية في المانيا اللي هي بلدها فعلا كده و اللي مش مقتنع يدخل السايت يعمل customize عشان يظبط الابشنز زي بتاعة مصر و يشوف سعرها كام ,,, لازم برده نحسب ان شركة و مصنع كبير شغال لازم يكون بيحقق مكسب من العملية بتاعة التجميع و الا يقفلها احسن و يستورد و ساعتها ال3 series حتقف علينا بالجمارك ب500 الف ج !

+++111
- البيز بريس بدون اى اوبشنات 36 الف يورو = 300 الف جم مصرى.
- يعنى لو قلنا ان المتوسط لها بالكماليات المجمعه فى مصر = 42 الف يورو = 335 الف جم مصرى ... طيب ما هو كلام جميل اما تتباع عندنا ب 360 ... ايه الى مش عاجب ؟؟؟
- لو مستورده يبقى جمارك 94 % + مبيعات 15 % - يعنى دخلنا فى 700 الف مصرى مستريح !!!

للاسف اغلبيه المشاركات خرجت - كالمعتاد - عن الموضوع الاصلى لمواضيع ليس لها اى صله بمنتدى السيارات اصلا !!
كما انه لوحظ انه فى الفتره الاخيره كثره الكلام الغير عملى و الغير صحيح على البى-ام عاما و تطليع القطط الفطسانه فيها !!! اشمعنى الكلام ده لا يقال على المرسيدس و وكيله مثلا ؟؟
تحياتى ...