الموضوع: f30 320 مواصفات كماليات وأسعار

اول مره سافرت المانيا بعد ما كبرت وابتديت افهم فى العربيات سنه ١٩٩٥ قولت هروح الاقى العيال راكبه m3 والكبار راكبين مرسيدس S600 وطبعاً كانت المفجأه اول خطوه بره المطار لقيت المرسيدس ال٢٠٠ العيون تاكسى واقفه بره صف محترم بعداد وكل حاجه يعنى حتي مش ليموزين والbmw ال٥٢٠ تاكسى وكلو ديزل كمان زى معظم العربيات قولت لا كده زياده يبقى الناس اكيد فى البلد راكبين استون مارتن وجاجور والعيال راكبه كورفيت وفيرارى دى مدينة الاحلام ومن المطار للبيت اكتشفت ان الشعب كلو راكب ابيزا واوبل كورسا وبونتو على سوفت كوبيه وده كان بنسبة ٨٥٪ فعلاً والشرطه راكبه جولف بس فى كل طريق سريع فى الخباثه على جنب تلاقى بورش ٩١١ كريرا شرطه واقفه على جنب مستنيه حد الشيطان يعمل معاه واجب ويخليى يعدى ١٢٠ تطلع تنفخو فى ثانيه والجامد اوى او عائله راكب فيكترا او باسات او لانشيا لفت باك وديزل اساسى العربيات اللى بشنطه عاديه زى عندنا بتاعت موظفين الشركات ....
وممكن بين كل كل ٥٠ عربيه تتشنكل فى واحده m5 مثلاً دى بتاعت الاغنيه بجد هناك وطبعاً حوالى ٤٠٪ كل الاعمار راكبين عجل على موتسيكلات وتلاقى واحده موديل والله تقول ممثله وراكبه عجله عادى وواحد فى ال٨٠ وراكب عجله طبعاً فى مصر لو حد نزل بعجله هياخود تريقه من الجيران واهلو بمليون جنيه وطبعاً بكل فخر لأننا شعب متخلف ..
وساعتها بما انى كنت رايح بفكر مصر المتخلف روحت ائجر عربيه لاقيت كلو سويفت هاتش باك وكورسا وانا كان ساعتها معايا فى مصر سويفت سيدان فطبعاً قولت ايه الخيابه دى انا عايز عربيه بجد لاقيت مازدا ٦٢٦ سيدان واقفه ٢٠٠٠ سي سي مدرعه بجد قولت للراجل دى للأيجار بص للتانى وبعدين قالى ايوا بس انت متأكد هو طبعاً عارف انها نفخ بنزين ومفيش عبيط هيأجرها انا طبعاً استغربت وبعد السؤال طلعت ارخص فى الايجار وانا قلت كمان كده عظمه قلتلو هات ودفعت وانطلقت وكانت طياره نفاثه فعلاً وطلعت على طريق السرعه فى مفتوحه قولت اديها وطبعاً من سويفت ل٦٢٦ يعنى كانت فيرارى بالنسبالى وجبت ٢٣٠ وكان اول مره اوصل للرقم الخيالى ده بس ملحقتش اتمتع بالاحساس الممتع ده لاقيت واحد سافل كان راكب M5 وشكلو كان مقفل عدادو جايب ٣٤٠ او حاجه لأنو عدى من جنبى كنت هتقلب من الخضه وبعدها واحد هفاء بعربيه فيات الشينكو سيتو الصغيره دى طلع منى برضو العيال هناك بتعدل بمعنى الكلمه مش فى مصر يركب متور ٢٠٠٠ من ١٦٠٠ ويقولك خلاص عديت وراكب طياره وطلعت من المانيا على هولندا بالعربيه لاقيت نسخه من من نفس الوضع ونفس العربيات بس الهولنديين اطول من الالمان بكتير :)...
مصر محتاجه ثقافة الناس تتغير يعنى فى ال٥٠ سنه الجايه هتلاقى مصر زى المانيا من ٢٠ سنه عمار يا مصر وطبعاً غالباً هيكونو الالمان راحو كوكب تانى والفكره انا نفسى اعرف فلوس الجمارك بتروح فى انو داهيه ؟؟؟؟؟؟؟؟؟؟؟والله المستعان

المشاركة الأصلية كتبت بواسطة ahmed_adham

الشركة البافاريه بتاعت بي ام دي ملك جمال مبارك بالاشتراك مع كام واحد. أمال انت فاكر مين اللي زق دينا على أبو الفتوح؟ صفوت الشريف ال.....................................

هي دى حركات صفوت دى شغلتو الرسميه وجمال طبعاً حرامى لبن حرامى اخو حرامى