الف الف مبروك وربنا يديك خيرها ويكفيك شرها .

ياريت تستلم في النهار وتشيك كويس على الدهان وتتاكد من عدم وجود خرابيش او تي حاجه مش طبيعيه , اتاكد من وجود الكوريك + الاريال + الشبكه الخاصه بالشنطه + الاستبن وهيكون الاستبن عادي مش جنط وممكن كمان يكون ماركه مختلفه عن ماركه باقي الكاوتش ((ماتقلقش)) . شغل التكييف والكاسيت واتاكد منهم , اتاكد من المرايات الضم ((لو موجوده في الفئه اللي اختارتها)) - اتاكد من نضافه الفرش واتاكد من وجود الكاتالوجات .
خد وقتك واعمل حسابك على فكه كويسه واعتبرها زكاه منك على العربيه وطلعها بنيه الصدقه .
ربنا يوفقك ويباركلك فيها ويكفيك شر العين وشر طريقك .