هي بتظبط كهربتها لوحدها وبداممكتوب 91 يبقى هتمشي كويس بال92 بدون ضرر لكن مش هتاخد الأداء الكامل
أنا عربيتي مثلا 95 و98 في الكتالوج فمينفعش أقل من 95
واللهِ بلد جهلة , هو مين أصلا قال إن 95 ده للعربيات العليا بس !!!!!!!
و مين قال إن ال 1800 و 2000 ده للعربيات الفارهة :)
مش كفاية بيدفعونا جمارك اد كده , يقولك لو شلنا الجمارك البلد هتبقى جراج
مين هيجيب عربية ويرميها مركونة عشان رخيصة ,اللي هيحصل إننا هنبقى راكبين عربيات محترمة
و بدل ماتبقى البلد مليانة عربيات بتعطل و بتلوث الجو ,هيبقى كله راكب عربيات محترمة
و بعدين ممكن يزودوا تكاليف الترخيص والكلام ده عشان يتغلب على نقطة الكثرة
ما هو يا باشا ردك علي yoko و عليا ملوش اي علاقه باقتراحك و تايدك لرفع الدعم عن ال 95 و دي نقطه اختلافنا
انا فاهم قصدك و متفق معاك في كل حاجه الا النقطه السابقة دي
و هو انا المفروض لما اجيب عربية اجيبها علي مزاجي و زوقي و احتيجاتي و لا علي مزاج و زوق و كيف الحكومه
ده ايه البلد الغريبه اللي ما يعلم بيها الا ربنا دي
+111111
الله ينور عليك
معظم العربيات اللى فى السوق ١٦٠٠ سي سي و ده مع اختلاف اسعارها بفرق شاسع قد يصل الى ٣ اضعاف السعر مثلا و زياده زى مثلا الفيرنا مقارنه بالاسبورتاج او ال بى ام 316 . ازاى الاتنين يتشال منهم الدعم ؟ هيبقى فيه ظلم جامد لفئه كبيره من اصحاب السيارات دى . المفروض الموضوع بتاع الدعم يبقى مرتبط بسعر السياره و هى زيرو كام و على اساس كده يحددوا اذا كانت تستحق الدعم ام لا و بالنسبه لو كانت عربيه مستعمله ممكن تقدير قيمتها بعدد سنوات الاستخدام مثلا يعنى كل سنه مثلا تنزل من سعر العربيه نسبه معينه و لتكن مثلا ٥٪ او ١٠ ٪ و يتم اعطاء الدعم للناس اللى قيمه عربياتها اقل من رقم معين و ممكن حتى يعملوها شرائح دعم يعنى مثلا فوق ال ٢٠٠ الف لا ياخد دعم و من ١٥٠ الى ٢٠٠ الف ياخد ٢٥٪ و من ١٠٠ الى ١٥٠ الف ياخد دعم ٥٠ ٪ و من ٧٥ الى ١٠٠ الف ياخد دعم ٧٥٪ و اقل من كده ياخد دعم كامل و بكده يوفروا فلوس كتير و فى نفس الوقت يبقى فى نوع من العداله فى التوزيع و ده على اساس ان اللى مشترى عربيه غاليه برضه دافع جمارك وبيدفع فلوس كتير فى الترخيص و برضه مواطن و بيدفع ضرائب و حاجات تانيه كتير طول ما هو ماشى زى ما احنا عارفين :whtauwant:
طب ليه حضرتك ربطه بسعر العربيه
ليه ميبقاش بمعدل استهلاك البنزين نفسه
العربية الكويسه اللي بتوفر في البنزين و تخدم مصالح البلد دي اللي تستاهل بغض النظر عن سعرها و سعه المحرك
و العربيات اللي بتشفط بنزين عمال علي بطال ده اللي متستحقش برضه بغض النظر عن سعرها و سعتها
بس اولا يحلوا مشكله المرور و الزحمه بدل ما احنا بنحرق نص التانك و احنا واقفين مكانا
العقل و المنطق بيقول كده
و زينا زي كل البلاد المحترمه
ده بكده العربيات من ال 1600 وانت طالع سعرها هينزل الارض والعربيات ال 1300 و 1100 والحاجات دي اللي كنا بنتريق عليها هتغلي خالص .. حلاوتك ده احنا هنشوف ايام زي الفل
يا عم احمد الرد للي انت خدته اقتباس مش ليك ده كان لعضو اخر انا كنت بقوله شوف ردي ع yoko مش بقول ردي لــ yoko لأنه تقريبا معاه باجيرو فبيدع جامد في الضريبة و المصاريف بقوله كنت جبت عربية اقل و ريحت نفسك
صباح الفل يا ريس ههههههههه اهدي شوية يا حج و بلاش عصبية و الا مش هخليك تدخل النادي بتاعكم و الحوار اللي نسيتني فيه هههههههه
منستكش انا لسه واصل مصر من يوميين ومرحتش النادي من ساعتها
وبصراحة لو لغوا الدعم هيتحرق دمي بجد
يعني أنا لسه جي من السعوديه راكب أمريكي 8 سلندر وبفولها بأقل من 30 ريال وأجي هنه اول تحرك بالعربيه 90 جنيه بنزين عشان أفول تنك قد تلتين الي معايا في السعوديه!!!