الموضوع: سبب ارتفاع اسعار هيونداي

المشاركة الأصلية كتبت بواسطة formulator

لأن دى حاجة -الزيادة فـ باور الفرامل- دايما welcome، مش زى مانتو بتقولوا؟!!

- لما بتكون ورايا عربية كورى (أكسنت-سيراتو-إلانترا...) ببقى متوتر وأنا بفرمل، وعينى عـ المراية بصة قدام وبصة ورا؟؟!!!
وبأخر الفرملة لحد ما أتأكد انه بدأ ياخد باله ويمسك فرامل -ماهى مش هتسعفه لو إتفاجىء انى بفرمل-
ومش كده وبس.. دانا ممكن أستناه لحد ما عربيته تفهم وتبدأ تفرمل ويبعد عن شنطة عربيتى؟!!
هههههههههههههههههه

إنما لو عربية ألمانى مثلا.. Merc، باسات أو bmــاية.. أو حتى فلوينس أو c4، بيجو ولا فكترا-أسترا-أوكتافيا..

دانا ممكن أتغابى عليه كمان -وأنا مطمن- هههههههههههههههه
آجى قدامه وأفرمل، أو أكبس فرامل مرة واحدة وأقف مكانى.. وعارف إنه -بإذن الله- هيقف زى مانا وقفت؟!!!

الفرق بين سواق عربية ثباتها عالى وفراملها جامدة.. وهو بيجرى،
وبين سواق عربية ثباتها ضعيف وفراملها تعبانة.. وهو بيجرى
ان اللى سايق العربية المحترمة بيروح للـlimit بمزاجه، لكن اللى سايق العربية الشششششيت لو راحله بيبقى غصب-عنه

وفـ الآخر ياباشمهندس
عايز تقوللى ان العربية الأوروبى اللى فراملها bosch
تتباع بثمن العربية الكورى اللى فراملها mando؟؟!!!

السؤال أمانة يابيه..
والفكر اللى فـ الشارع ده مش المفروض يبهت علينا هنا فـ منتدى عربيات متخصص، الناس بتيجى هنا تدور عـ المعلومة الصح اللى مفيهاش شوائب..!!

وربنا يستر طريقنا جميعا isa،

ههههههههههههههههههههههههه ههههههه

نفس شعورى والله ببقى مقلق جدا لو ورايا عربية هيونداى اى موديل اى فئة , لانها فعلا فراملها تعبانة واحنا بنحاول نحذر الملاك وان شاء الله ربنا يسترها معاهم ومعانا بس لازم الحيطة والحذر

انت عارف صاحبى اللى معاة ال rb عمل حادثة بسبب ضعف الفرامل مالحقش يقف مع انة مابيجريش , والعربية جابت ( اكصدام - صدر - رفرف - فانوس - شبكة - جزء من الكابوت ) وهو اصلا لسة مخرجها من التوكيل بعد بردة خبطة فى الوش الامامى بسبب الفرامل

ولما ركبت معاة اخر مرة كنا هنعمل حادثة وهو اصلا كان ماشى على 50 كم , بس العربية اللى قدامة بمسافة لا تقل عن عربية ونص والحمد لله بعد ستر ربنا وقف على اخر سنتى مابينة وبين العربية , وانا ماتكلمتش كلمة والله لوحدة كدة راح قايلى انا " انا عايز ابيع العربية عشان فراملها زززززززززفت " قولتلة فعلا فراملها فى الضياع , قالى وكمان ثباتها فى الضياع

ودة لية عشان هو مش متحيز للماركة اللى راكبها وبيقول الحقيقة اصل مش هو اللى مصنعها عشان يتكسف

وهو دلوقتى بيقولى انا عايز ابيع , فبقولة هتركب اية , بيقولى هجيب الالنترا , فانا بقولة يابنى اخلع من الكورى , شوفوا بقى فكر اللى بيركب كورى :

قالى انا مجبر لان هية الوحيدة اللى فى السعر دة والاوبشن دة , وبعدين لما احب ابيع هبيع على طول وقطع غيارها فى كل حتة مش هتعب لما الاقيها

وهو عارف اخرها فين ورايحة منين

عايز اقولكوا حاجة الrb معلماة الادب بسبب الثبات والفرامل