سبب ارتفاع اسعار هيونداي

**A.Adel** · 25-09-2012 07:36 PM

المشاركة الأصلية كتبت بواسطة tfsi

ماهو لو كل واحد بيتكلم بحيادية وصدق وبيقول للناس بصراحة إن الشركة هيا اللى جايباله العربية اللى بيشعر فيها قصايد ومش دافع فيها جنيه واحد وإن القرار كان هايختلف لو دفع فيها فلوس من تعبة وشقاه زى الناس اللى حضرتك بتساهم فى انها تلبس عربيات قيمتها مغالى فيها أمنسق ههههههههههههه

!!!!!!!!!
هو فيه كده d:

**SAMEH_FOUAD** · 26-09-2012 01:15 AM

المشاركة الأصلية كتبت بواسطة eng\ahmed

معلش يابشمهندس عنك فى الحتة دى ولو انى مبحبش ادخل فى المواضيع الجدلية اللى ملهاش لزمة بس بصراحة مقدرتش امسك نفسى يمكن علشان معايا لانوس وحافظها وياما اتلسعت من فراملها :)

مينفعش فى ظروف السواقة العادية اللى هوا انا ماشى فى شارع فاضى وداخل على مطب او طريق واقف اودامى وشايل رجلى من على البنزين قبلها ب 2 كم وبهدى قبلها بكيلو واقول انا بالنسبالى شايف الفرامل كويسة ومشتكتش منها !!!! دة لو بتوكتوك مش هيبقى عندة مشكلة فى الفرامل فى الحالة دى

اختبار الفرامل فى المواقف الصعبة , لما حد يقف اودامك فجأة , واحد يكسر عليك تفادية تلاقى عربية جاية فى وشك , ........ هى دى المواقف اللى تقيم الفرامل عليها ومش محتاج انك تبقى لابس خوذة وداخل سباق علشان تتعرض للمواقف دى لأن كلنا بنشوفها كل يوم , واللانوس فى النقطة دى ضايعة لأسباب كتير فى غنى عن ذكرها وعارف انى لما بنزل من الفكترا او الفوكاس واركبها بحس انى راكب مرجيحة بس بالنسبة لسعرها انا مش مستنى منها اكتر من اللى بتقدمة
وانا شخصيا عملت حوادث وكنت هعمل بيها حوادث اشد بسبب فراملها لولا ستر ربنا ولولا ان فى مواقف كان فيها مجال للتصرف ( حتى لو بالـ هاند بريك ) - على فكرة العربية لسة موجودة علشان متقولش انى بعد ما بعتها بسب فيها

عارف اسلوب المقارنة اللى حضرتك بتقولة عامل زى واحد راكب عربية ايا كانت وماشى فى خط مستقيم وقفل عدادة لمدة دقيقتين وعمال بيقول شعر فى الثبات " وما اكثرهم "

او واحد تانى عمال يمجد فى تكييف عربية معينة وانة ديب فريزر علشان شغل التكييف فى الشتا الساعة 2 بليل ومستحملش التكييف من السقعة فا طفاة

واحد صاحبى معاة النترا 2011 بيسب ويلعن فى فراملها وطلع بيها مرة فوق الرصيف راح بعدها غير الجنوط والكاوتش لمقاس اكبر علشان " يحاول " يحسن من الفرامل وانا شخصيا جربتها وجربت الـ 2008 , جرى اة ثبات وفرامل لأ

والامثلة كتير على الحوارات دى

وياريت نسيبنا من جو قطع الغيار ونار ومش موجودة والكلام دة لأن راحت علية , ياريت ننزل على ارض الواقع ونقارن اسعار قطع الغيار ( توكيلات مع بعض ) مع فارق العربيات والجودة ونشوف الفرق
كمثال انا عايشة وبسمعة كل يوم وبقعد اضحك , الناس بتقشعر لما بتسمع اسم فورد حيث قطع الغيار اللى مش موجودة ونار ومش عارف اية كمان ..... نفس الناس دى اللى عمرها ماركبت عربية فورد ولا تعرف عنها حاجة لما بتسمع امثلة لأسعار قطع الغيار " من التوكيل " اللى فى منها ارخص من عربيات يابانى وكورى وفئات اقل كمان بيتصدموا !!

حاجة على جنب مش عارف لية بحس دايما وانا داخل قسم نيسان او هيونداى ان فى حالة غريبة , معظم الاعضاء بتاخد اى نقطة سلبية على العربية على صدرهم اوى وكأنهم شركاء فى الماركة او العربية دى حد من قرايبهم مثلا
دايما فى مقارناتهم بحس ان نيسان وهيونداى بيعملوا عربيات مفيهاش غلطة

مش عارف اقولك اية بس تسلم على المشاركة الجامدة دية

وتأكيد لكلامك , و وكالعادة طبعا دايما بحس ان مهندس سمير بيقيم العربية بطريقتة الخاصة لان من الواضح ان فرامل اللانوس عجباة اللى الناس كلها بتشتكى منها

كنت ماشى فى شارع الهرم والدنيا زحمة وواقف بقالى 30 ثانية وهوب ( دييييييييييب ) لقيت واحد باللانوس هو اللى خابط فيا وطبعا الفرامل ماأسعفتوش مع انة ماكنش بيجرى

طبعا نزلت وشوفت والحمد لله محصلش حاجة بس كل اللى قولتهولة حاجة واحدة

( الله يخربيت الكورى على اللى بيصنعوة )

لان دة مش اول عربية كورى تعمل معايا نفس الموقف كان قبلها لانوس بردة وواحدة فيرنا

**Mzeid** · 26-09-2012 01:57 AM

المشاركة الأصلية كتبت بواسطة eng.sameh

اضافة رفيعة .. :)

النهارده انا وواحد صاحبي رحنا معرض علربيات جديد في الرماية ( كنا معديين قولنا ننزل نتفرج ) ، المهم كان فيه هناك كيا ريو هاتش باك ..... العربية اعلى فئة ( فتحة سقف وجنط 17 وكاوتش كونتيننتال وتارة مالتي ) تقريبا مش ناقصها حاجة .. قولت والله كويس عاملين شكل جميل وانتريور تقريبا في مستوى الياباني ... سالت بقه على السعر ... بكام !!!!!!!!!!؟؟؟

138000 جنيه ( اقل من البرافو زيرو بحوالي 16000 جنيه ، مع العلم انها اصلا من فئة الجراند بونت ( او ايفو ) !!!!!!!!!!!!!!!!!!!!!

أنا قولت اللي ليها اهو بكل حيادية .. لكن هي اكيد اقل ( بكتييييييييييييييير ) من البرافو ، في الفئة ، الأنتريور ، الجود ( جوه وبره ، الثبات ( مفيش مقارنة ) السحب والعزم والموتور وكله ...

بأنهي عقل او منطق بقه في بني آدم يعمل كده ... ادفع في عربية فءة اقل وكل حاجة فيها اقل ( بكتييير ) مبلغ ممكن ازود عليه 16000 فقط واشتري عربية اوروبي لا تقارن بيها ....

انا عايز حد يقنعني بكلام منطقي ... يعني حتى لو قولنا الناس بتشتري شكل حلو ، طب ماهي البرافو تحفة فنية واحلى كتييييير في الشكل والبرستيج وكله ، يبقى فيه ايه ، عفريت !!؟؟ جن !!!؟؟ شيطان يعني !! راكب الشعب ده ولا معموله عمل ولا اماترا معرضها بعيد ولا اييييييييييييه

ومش البرافو بس .. لا كتيييير في نفس فئة البرافو ( اللي هي فئة اصلا اعلى من الري ) واروبي ونفس المستوى .. يعني حاجة تفقع والله ..

بس خلاص

للحيادية قارنها بأعلى فئة للبرافو

و حتى كدة المقارنة في صالح البرافو ذات الفئة الاعلى

**Eng.Sameh** · 26-09-2012 02:01 AM

المشاركة الأصلية كتبت بواسطة mzeid

للحيادية قارنها بأعلى فئة للبرافو

و حتى كدة المقارنة في صالح البرافو ذات الفئة الاعلى

يا استاذي الفاضل .. الفئة الاعلى في البرافو فارقة فقط اعتاب خارجية وجنظ 17 بدل 16 .. وكل حاجة تانية هياها ... اصلا اللي في البرافو اكتر من الريو .. ده كفايا السيستم بتاعها والتيربو وجودة الكماليات اصلا اللي فيها فرق السما من العما واللي جرب عارف ...

**Ultramisho** · 26-09-2012 02:26 AM

المشاركة الأصلية كتبت بواسطة formulator

كومنت أخير بس،

e respect
مفهوم وتفكير غلط طبعا، وللأسف هو ده الـstereotyping الكورى اللى إحنا معترضين عليه (فـ الشارع وفـ المنتدى)؟!!

وانت ليــــــــــــــه تفكر فيها كده؟؟!!!

- وليه ماتقولش ان فرامل الأوروبى القوية هتساعدك انك تأخر الفرملة قدر الإمكان -تقف فـ آخر لحظة- عشان اللى وراك مايلبسش فيك؟؟!!!

أهاااااااااااااااااااهاها هاهاها ههههههههههههههههههههههههه ههه

- شوفتوا ضعف فرامل الهيونداى وصلنا لأيه؟؟

شايفين إدمان العربيات الكورى بتعمل أيه؟!!! ههههههههههههههههههه

يعنى انت عايز تقنعنى:
- ان الفرامل "الأنواع الكبيرة" تبقى "وحشة"؟؟؟!!!!!!
- وان فرامل الأكسنت والإلنترا "كافية"؟؟!!!

وفن سواقة أيـــــــه بقى اللى بتوع الهيونداى هاريين نفسهم:

القيادة فن-ذوق-أخلاق

إذا كنت انت أول حاجة دماغك فكرت فيها: لو عربية أوروبى فراملها جامدة اللى ورايا هيلبس فيا؟؟!!!

Lol
- إلا لو قصدكوا على فن سواقة الفيرنا!! اللى هو: ماتحاولش تفكر انك تفرمل (لأن مفيش الإحتمال ده)؟!!
انت تحاول تدور على مخرج-غرزة أو تعدى إزاى بسرعتك؟؟؟!! ههههههههههههههه

rgds،

ماعرفش ليه قصة الفرامل دي واخدة حجم كبير كده
اه الفرامل مهمة جدا بس يعني احنا بنتكلم في عربيات فيها ايه بي اي ومكبرين الموضوع اوي اكن الهيونداي بالايه بي اس مابتقفش لا دي بتقف وكويس كمان بدونها على حسب خبرة بعض الزملاء

ياراجل انا كان زمان معايا 128 وبعدين 127 وبعدين شاهين وبعدين فرنا قبل السيراتو - معلش انا عجوز شوية - وماحسيتش ايامها يعني ان العربية مافيهاش فرامل
وبعدين انا ممكن امسك على ضعف تكييف الاوروبي وسحبه وسعر اعادة البيع
خلاص قلنا رأينا ومش لازم نقنع الناس بيه
حاولت ارجع للموضوع الاصلي كتير لكن يظهر ان العنوان الي لازم يتغير إلى
اصرار مالكي الاوروبي على تفوق عربياتهم

**Ultramisho** · 26-09-2012 02:32 AM

المشاركة الأصلية كتبت بواسطة formulator

يا أخى تصدق بالله -ومش غرور ولا تنطيط عـ الناس وربنا يعلم-

أنا الحمد-لله فرامل البرافو الـ120 حصان (الستوك) تشتغل up to 160 horsepower (نفس المقاسات والـpart# دى بتنزل عـ الأبارث والألفا 135-155-163 حصان).

وكمان أنا عامل upgrade لـebc
لأن دى حاجة -الزيادة فـ باور الفرامل- دايما welcome، مش زى مانتو بتقولوا؟!!

- لما بتكون ورايا عربية كورى (أكسنت-سيراتو-إلانترا...) ببقى متوتر وأنا بفرمل، وعينى عـ المراية بصة قدام وبصة ورا؟؟!!!
وبأخر الفرملة لحد ما أتأكد انه بدأ ياخد باله ويمسك فرامل -ماهى مش هتسعفه لو إتفاجىء انى بفرمل-

ومش كده وبس.. دانا ممكن أستناه لحد ما عربيته تفهم وتبدأ تفرمل ويبعد عن شنطة عربيتى؟!!

هههههههههههههههههه

إنما لو عربية ألمانى مثلا.. Merc، باسات أو bmــاية.. أو حتى فلوينس أو c4، بيجو ولا فكترا-أسترا-أوكتافيا..

دانا ممكن أتغابى عليه كمان -وأنا مطمن-

هههههههههههههههه
آجى قدامه وأفرمل، أو أكبس فرامل مرة واحدة وأقف مكانى.. وعارف إنه -بإذن الله- هيقف زى مانا وقفت؟!!!

الفرق بين سواق عربية ثباتها عالى وفراملها جامدة.. وهو بيجرى،
وبين سواق عربية ثباتها ضعيف وفراملها تعبانة.. وهو بيجرى
ان اللى سايق العربية المحترمة بيروح للـlimit بمزاجه، لكن اللى سايق العربية الشششششيت لو راحله بيبقى غصب-عنه

وفـ الآخر ياباشمهندس
عايز تقوللى ان العربية الأوروبى اللى فراملها bosch
تتباع بثمن العربية الكورى اللى فراملها mando؟؟!!!

السؤال أمانة يابيه..
والفكر اللى فـ الشارع ده مش المفروض يبهت علينا هنا فـ منتدى عربيات متخصص، الناس بتيجى هنا تدور عـ المعلومة الصح اللى مفيهاش شوائب..!!

وربنا يستر طريقنا جميعا isa،

للدرجادي لما يكون وراك عربية كوري بتبقى متوتر ههه
امال لو بولونيز ولا 128 هتعمل ايه
معلش اصلي حسيت الكلام اوفر اوي

يعني خبراء المرور كده ممكن ينصحوا بعمل طرق للاوروبي وطرق للكوري وخلاص
مساء الفل

**Ultramisho** · 26-09-2012 02:38 AM

المشاركة الأصلية كتبت بواسطة ahmed a.maksoud

هى قوة الفرامل بقت وحشة دلوقتي ؟؟؟؟

معلوماتي بتقول.........لو اللى وراك لبس فيك يبقى هو اللى غلطان

و لو أنت اللى لبست فى اللى قدامك يبقى أنت اللى غلطان

هو الكلام ده أتغير ولا أيه ؟

لا القانون مااتغيرش ياباشا بس مين الي يطبقوا
يعني لاقدر الله لو عربية اتخبطت من ورا ممكن مايلاقيش عسكري المرور ولو لقى هيعمل محضر وحلني بقى
يعني المشكلة مش مين الغلطان المشكلة في الي ممكن يحصل
وبعدين كلامي اخد معنى بعيد عن الي اقصده
انا ماباقولش مش مهم الفرامل خالص لكن اقصد ان الفرق بين قوة فرامل ايه بي اس كوري وزيها اوروبي مش كتير الا لو فرملت فرملة مفاجأة جدا وساعتها ممكن الي وراك مايلحقش نفسه (حتى لو راكب اوروبي بفرامل جبارة) لبطء رد فعله
يعني اه عاوزين فرامل كويسة طبعا بس مش لازم بوش والكلام ده
عموما انا برضه ذكرت مزايا في العربيات الأوروبي ومافيش عربية كاملة وكل واحدة لها مزايا وعيوب
بس برضه ليه اسعار الهيونداى زادت كده

**Ahmed Selim** · 26-09-2012 06:52 AM

المشاركة الأصلية كتبت بواسطة ultramisho

لا القانون مااتغيرش ياباشا بس مين الي يطبقوا
يعني لاقدر الله لو عربية اتخبطت من ورا ممكن مايلاقيش عسكري المرور ولو لقى هيعمل محضر وحلني بقى
يعني المشكلة مش مين الغلطان المشكلة في الي ممكن يحصل
وبعدين كلامي اخد معنى بعيد عن الي اقصده
انا ماباقولش مش مهم الفرامل خالص لكن اقصد ان الفرق بين قوة فرامل ايه بي اس كوري وزيها اوروبي مش كتير الا لو فرملت فرملة مفاجأة جدا وساعتها ممكن الي وراك مايلحقش نفسه (حتى لو راكب اوروبي بفرامل جبارة) لبطء رد فعله
يعني اه عاوزين فرامل كويسة طبعا بس مش لازم بوش والكلام ده
عموما انا برضه ذكرت مزايا في العربيات الأوروبي ومافيش عربية كاملة وكل واحدة لها مزايا وعيوب
بس برضه ليه اسعار الهيونداى زادت كده

تخيل نفس رد الفعل البطئ من اللى راكب الأوروبي من واحد راكب كوري و مع فرامل مفاجأة بقى.

اللى قصدته بموضوع مين اللى ورا و مين اللى قدام ده أني أفضل أكون الطرف غير المخطئ فى الموضوع على أنى أكون الطرف المخطئ.

طبعاً مفيش عربية من غير عيوب........الكمال لله وحده.

و بالنسبة لموضوع سعر هيونداي.....ليا مشاركة تانية فى الموضوع قولت فيها رأيي.

بيبيعوا الإعتمادية المتوقعة للمستهلك اللى عاوز يدور و يمشي.......بس للأسف بيتغاضوا عن حاجات تانية أهم اللى هى الثبات و الأمان.

يا فرحتي بعربية مش بتقول لأ و تعملي مصيبة لا قدر الله فى حادث.

أنا كان معايا أكسنت 2006 على فكرة..........شاريها مستعملة فى 2007 ماشية 19 ألف كيلو.........مش عاوز أقولك على الثبات عامل ازاى و الفرامل عاملة أزاي.

المساعدين اللى ورا غيرتهم فى 2009 تقريباً علشان ضربوا............مع أن العربية متباعة فى 2010 ماشية أقل من 50 ألف كيلو.

-

-

الموضوع: سبب ارتفاع اسعار هيونداي

LinkBack

أدوات الموضوع

عرض

-

-

-

المواضيع المتشابهه

ارتفاع جنوني في اسعار السيارات بسبب ارتفاع الدولار الجمركي

هتبقى ايه اسعار العربيات المستعمله بعد ارتفاع اسعار البنزين

ارتفاع اسعار السيارات ؟

ارتفاع مبيعات هيونداي-كيا بالولايات المتحدة

ارتفاع اسعار دايهاتسوا

الكلمات الدلالية لهذا الموضوع

المفضلات

المفضلات

ضوابط المشاركة