الف مليون مبروك يا دوك .. اخيرا
انا معلمتش غير الواجب ..
انا مكنتش اعرف ولا اعرف حد فى السبع المنصورة ولا القاهرة .. بس اتصلت بمهندس فى مركز صيانة السبع المنصورة .. وهو طلع عرف حد فى المعرض مع ان ادارة البيع مختلفة ومنفصلة عن ادارة الصيانة .. وساعدنا فى الاستلام لانه كان عارف الراجل اللى سلمك

وبوجه كل الشكر والتقدير للمهندسين الصيانة والمهندس مصطفى فى السبع المنصورة على مساعدته فى الله
وجزاه الله خيرا عنا

والف مبروك وربنا يعطيك خيرها ويكفيك شرها

نيجى بقا الى المميزات اللى انت كتبتها ..... نظرة كل واحد للعربية بتختلف من شخص الى اخر .. يعنى فى اعضاء قالوا ان صوت السمعات مش عاجبهم .. وهو عاجب حضرتك .. زى الخامات بردوا .. غيرك شايفاها فقيرة .. وانت شايفاها متوسطة .. فلازم كل واحد يحكم بنفسه لما يعيش مع العربية ويرجع فى الاخر لوجهة نظره .. ولازم احنا بردوا منسلمش لوجهة نظر واحدة من شخص او شخصين او عشرة .. وعشان نسلم بالراى ونقتنع بكلام الناس يبقا على الاقل فى عدد كبيررررر اتفق على نقاط محددة

وكمان بالنسبة للعيوب او المشاكل .. والحمد لله ان مفيش مشاكل .. ولكن ممكن تلاقى عيوب .. بس حتبان مع العشرة .. وحتلاقى فى حاجات انها مش عجباك .. بس مش لدرجة انك حتكره العربية طبعا
لان زى ما انت قولت ان سعرها مناسب جدا لامكانيات العربية

===
بالنسبة للقاشقاى .. القاشقاى بتيجى فى 3 شهور الميناء وعقبال ما بيتفرج عنها وبتتوزع على الموزعين والعميل يستلم بتدخل فعلا فى 4 شهور

وصعب بصراحة ادخل فى القاشقاى لان القاشقاى ده امر واقع .. وحتى الصنى ..
انا بتدخل وقت لما بيعدى الوقت المتفق عليه مع المكان اللى ممكن اكون عارف حد فيه واقدر اساعد

وبخصوص ناشيونال موتورز بصراحة انا معروفش وماليش تعامل معاهم ولا ليه اى علاقات بحد هناك .. وكنت اتمنى المساعدة

تحياتى للجميع