الموضوع: شداية نار بال SiR مع هيونداى سوناتا 2012

المشاركة الأصلية كتبت بواسطة semsem kane

ياعم احمد خف شوية

احنا مش عايزين نقلبها حلبة سباق ومين اسرع من مين

لان زى ماهتلاقى فيديوهات فى ال youtube ان اللانوس سدت مع الهوندا سيفيك ال vti واللى بردة مانعرفش اية التعديلات اللى موجودة فى العربية لان انت عارف ان الناس دية مابتكتفيش ابدا بقوة العربية , ولازم يعدلوا فيها طالما غاويين شد وسباقات

وبالنسبة لفيديو السوناتا طيب هتلاقى الكلام مطابق لمحرك الهوندا

هو تقريبا جاب من صفر الى 100 فى 7 ثوانى

نفس تسارع عربيتى من صفر ل 100

هو جاب ال200 كيلو فى 20 ثانية ( طيب ازاى بقى افهمها )

وعموما انا لما جريت معاة كان الاداء متقارب جدا لحد 150 بعد كدة فرقت انا بعربية ونص عربيتين ( فهموهالى بقى )

ولو الفيديو دة حقيقى يبقى انا اللى جريت معاها ال2400 سى سى ال 198 حصان وهو كان لاعب فى الاستيكر اللى على العربية

لان اكيد يعنى من رابع المستحيلات انى اجيب بعربيتى من صفر ل200 فى 19 ولا 20 ثانية ( مع انى بردة مستغرب من الفيديو ومش مصدقة لان المؤشر بيجرى على طول انا حاسس ان فية لعب فى الفيديو دة

خلاصه الكلام يا عم سامح دى لازم تجربه تانيه مع سوناتا

حد معاه سوناتا عايز يجرب :D:D مع SiR

^_^

يا باشا السوناتا سؤاء موديل 2011 او 2012 فا الفكره هنا ان عربيه موديل 1995 تجرى معاها و يبقى الى سايق الهيونداى حاسس جواه انو لازم يطلع منها فى ديه نقطه لوحدها تتحسب للهوندا و هو ده الى بيحصل فعلا
و ده الى حصل مع سامح باشا و بيحصل معايا و مع كل الهونداويه ..

بس بصراحه عداد السوناتا شيك اووى

المشاركة الأصلية كتبت بواسطة semsem kane

ربنا يخليك ياباشا

والله ياباشا انا لو هوافق هوافق بس عشان اشوفك واتعرف عليك

انا معنديش مانع ياباشا بس اخلص على خير ان شاء الله لان عندى كورسات كتير جدا تبع الشغل , واول لما اعمل العربية ان شاء الله هوافيكم بالاخبار

ربنا معاك و يطمنا عليك و ده شرف لينا
بس يا رب تلحقنى علشان مسافر

المشاركة الأصلية كتبت بواسطة khaleddapino

يا باشا السوناتا سؤاء موديل 2011 او 2012 فا الفكره هنا ان عربيه موديل 1995 تجرى معاها و يبقى الى سايق الهيونداى حاسس جواه انو لازم يطلع منها فى ديه نقطه لوحدها تتحسب للهوندا و هو ده الى بيحصل فعلا
و ده الى حصل مع سامح باشا و بيحصل معايا و مع كل الهونداويه ..

بس بصراحه عداد السوناتا شيك اووى

+11111111111111111

المشاركة الأصلية كتبت بواسطة khaleddapino

يا باشا السوناتا سؤاء موديل 2011 او 2012 فا الفكره هنا ان عربيه موديل 1995 تجرى معاها و يبقى الى سايق الهيونداى حاسس جواه انو لازم يطلع منها فى ديه نقطه لوحدها تتحسب للهوندا و هو ده الى بيحصل فعلا
و ده الى حصل مع سامح باشا و بيحصل معايا و مع كل الهونداويه ..

بس بصراحه عداد السوناتا شيك اووى

طيب ولما العربية القديمة دى تشد قصاد السيفيك ال 2012 يعمل إيه صاحبها برضه هيبقى مكسوف ؟

المفروض النهاردة سيفيك على سعرها دا أقل ما فيها يبقى محرك 160 حصان
تقريبا أسترا تربو نفس السعر وشوف محركها بيطلع كام حصان

هو بصراحة المحرك اللى فى العربية ال sirجامد ولكن انا مش شايف تكنولوجيا هوندا الجامدة فى السيفيك حاليا
إيه السبب ؟؟؟

المشاركة الأصلية كتبت بواسطة hany63

الاسترا البيزك ب 177 الف 116 حصان و التربو ب 215000 الف ومش محصله كماليات الهاي لاين في السيفيك ام 200 الف
مع العلم ان الاسترا جماركها ارخص من السيفيك 40%
نيجي لحتة المواتير
هوندا التزمت بقياسات يورو 5 الخاصه بالانبعاثات الضاره بالبيئه فمبقتش تعمل مواتير ال 2 كامه ال 1600 و علت السعه ل 1800 سي سي و طبعا انت عارف جمارك بلدك فاصبح الموتور بيتعمل سبيشيال اوردر لمصر و تركيا 1600 كامه واحده و بيطلع 123 حصان بنظام ivtec
طبعا طبقا للكلام النظري هنقول الموتور عادي بس اؤكد لك انه على الارض متجاوب جدا جدا و ممتع في سواقته و تحس العربيه متربنه بعد ال 3500 لفه ومش هقول بيعدي ايه
و الدليل سنوري زملينا نزل من SIR مانيوال للجيل التامن و ما اتضايقش
تحياتي

صدقنى كنت عارف إن اللى هيرد هيقول إنها على الطبيعة أقوى من كدا وإنها تكاد تكون 200 حصان ع الطبيعة وإن الهوندا قوة لا تضاهيها قوة حتى لو كان المحرك 90 حصان ينافس المحرك ال 190 حصان الكلام دا مش منطقى خالص

بعدين كماليات إيه دى اللى حضرتك بتتكلم عنها فى عربية شكلها غلط ؟؟؟ ممكن حد يرد يقول من ورا شكلها غلط لكن من قدام عروسة هو بالعافية ؟ كل الناس أجمعت إن الشكل الجديد فاشل
ولو على الكماليات الفئة الأولى اللى ب 176 مفيهاش مرايات ضم دا لو على الكماليات

تمام قوى يعنى هوندا مش بتنزل مواتيرها القوية فى مصر ودا اللى أنا متوقعه فى الرد بس المفروض برضه السعر يبقى منافس والشكل جذاب

الأسترا تربو على كونتاكت شفتها ب 214 ألف وإنت عارف مواصفاتها إيه وشكلها من برا كمان بيتكلم

أنا مش بقارن بين الأسترا تربو والسيفيك لأن مفيش وجه مقارنة لا إمكانيات ولكن مقارنة كسعر
أعمل بيها أيه شوية كماليات فى الهاى لاين اللى ب 200 ألف تقريبا والشكل برا محبط

مع محرك 123 حصان !!!!!!!!!

طيب مقلتليش حضرتك ال SIR تعمل إيه مع السيفيك الجديدة فين هى الباور أووووووووووووف دريم ؟؟

وطالما هوندا مبقتش تنزلنا المواتير الجبارة بتاعتها يبقى نبطل المبالغة فى الوصف :)

ونكتفى بالكلام عن ماضى هوندا مع ال SIR عشان محدش يتصدم من الباور اللى طالع اليومين دول بالأسعار الغير منافسة هو كام واحد هنامعاه السيفيك الجيل الأخير ؟؟؟؟

وازاى اللى نزل من ال sir اللى كله بيحكى عن محركها الفائق محس بفرق فى السحب مع الجيل التامن الأوتو ؟؟؟