الموضوع: شداية نار بال SiR مع هيونداى سوناتا 2012

المشاركة الأصلية كتبت بواسطة MohammedAladel

صدقنى كنت عارف إن اللى هيرد هيقول إنها على الطبيعة أقوى من كدا وإنها تكاد تكون 200 حصان ع الطبيعة وإن الهوندا قوة لا تضاهيها قوة حتى لو كان المحرك 90 حصان ينافس المحرك ال 190 حصان الكلام دا مش منطقى خالص

بعدين كماليات إيه دى اللى حضرتك بتتكلم عنها فى عربية شكلها غلط ؟؟؟ ممكن حد يرد يقول من ورا شكلها غلط لكن من قدام عروسة هو بالعافية ؟ كل الناس أجمعت إن الشكل الجديد فاشل
ولو على الكماليات الفئة الأولى اللى ب 176 مفيهاش مرايات ضم دا لو على الكماليات

تمام قوى يعنى هوندا مش بتنزل مواتيرها القوية فى مصر ودا اللى أنا متوقعه فى الرد بس المفروض برضه السعر يبقى منافس والشكل جذاب

الأسترا تربو على كونتاكت شفتها ب 214 ألف وإنت عارف مواصفاتها إيه وشكلها من برا كمان بيتكلم

أنا مش بقارن بين الأسترا تربو والسيفيك لأن مفيش وجه مقارنة لا إمكانيات ولكن مقارنة كسعر
أعمل بيها أيه شوية كماليات فى الهاى لاين اللى ب 200 ألف تقريبا والشكل برا محبط

مع محرك 123 حصان !!!!!!!!!

طيب مقلتليش حضرتك ال SIR تعمل إيه مع السيفيك الجديدة فين هى الباور أووووووووووووف دريم ؟؟

وطالما هوندا مبقتش تنزلنا المواتير الجبارة بتاعتها يبقى نبطل المبالغة فى الوصف :)

ونكتفى بالكلام عن ماضى هوندا مع ال SIR عشان محدش يتصدم من الباور اللى طالع اليومين دول بالأسعار الغير منافسة هو كام واحد هنامعاه السيفيك الجيل الأخير ؟؟؟؟

وازاى اللى نزل من ال sir اللى كله بيحكى عن محركها الفائق محس بفرق فى السحب مع الجيل التامن الأوتو ؟؟؟

بص حضرتك لما باقول معلومه لازم اقول لها مظبوطه عشان محبش حد يغلطني
مبدئيا اركن ال SIR على جنب دلوقت
في رأيي المتواضع السيفيك الجيل التامن اقوى عربيه NA 1600 وبيشهد بده ملاك الكوري المحترمين بنفسهم و يا ريت تسوقها و نتناقش
و عن تجربتي بأمانة شديت مع واحد صاحبي بعربيه تربو TSI و كانت نفس عربيتي على فكره من سنتين و السيفيك حطت عليها بعد ال 120 بفرق كبير و مش هنتكلم على الرينو الميجان و الفلوانس عشان كمواتير ما يتقارنوش بيها اصلا
ومتنساش ان الفيتك اللي في الجيل الخامس ما بيشتغلش غير على 5800 لفه يعني لازم تقرص جامد انما في الجيل التامن النظام اتعدل وبقى ivtec و بيفتح بدايه من الميد رانج و بالتدريج وده سر تفوق الموتور في تجميعه السريع جدا بعد السبعين لدرجة انك لما تشيل رجلك و تدوس بسرعه على نفس النقله تحس ان الموتور هينط من الكبوت
بالنسبه للشكل المحبط و باقي الكلام ده رأيك الشخصي اللي لو اختلفت معاه فلازم احترمه

المشاركة الأصلية كتبت بواسطة minicooper20

للاسف انا بنسحب مش للخوف لا سمح الله
لاكن لزروف السفر القهريه طيارتى كمان 4 سعات
شدو انتو بقا و بلغمونى بالنتيجه

طب ما تيجي تشد بطيارتك يا باشا

ولا يهمك يا زعيم و اعتبر انك كسبت كمان , و تروح و تيجي بالف سلامة ان شاء الله

المهم نتقابل و نشوف الناس المحترمة دي في يوم من الايام

المشاركة الأصلية كتبت بواسطة yasserelsayad

على فكرة انا مش بكدبك يا باشا انا بس مستغرب لان المفروض ان مش دا اللى يحصل
وسنهورى باشا تكرم مشكور وقالى انها مكنتش sir ستوك

بالنسبة لموضوع العزم هو دا بصراحة اللى مختلف معاك فيه
اى عربية فى الدنيا لو محملة بيقل اداءها
ممكن الكلام دا ميبنش لو العربية عزمها عالى شوية
لكن غير كدا بيأثر طبعا وصوت الموتور مش هيعلى ولا حاجة بس بيأثر على السحب
والـ sir ما شاء الله قوية باردوا فا على السرعات العالية بتحس انها زى ما هى
لكن فى رأى لو عربيتين sir .. واحدة فاضية والتانية محملة اكيد هنشوف فرق فى كل حاجة

عندك حق
الباسات كان عزمها ٢٠٠ نيوتن ولا كان يفرق معاها حموله في مطلع بالتكييف كانها فاضيه و في منزل بالظبط
في حين السيفيك لو الطريق طالع شويه و الواحد خده من سرعه واطيه الواحد بيحس العربيه مش مجاوبه بالدرجه