اين تقييم الوجان ؟؟؟

**semihuman** · 08-07-2008 12:43 AM

انا بردو محتار جدا يا دكتور هشام
نفسي في عربيه تكون رخيصه
مثلا الفرنا فيفا(70000) بس مضايق اني حاسسها عربيه ضعيفه قوي من ناحيه المتانه
وكمان مش بنوعمه الفرنا العاديه

طيب بلاش فرنا نقول لوجان(75000)
الي فهمته ان ماتور اللوجان اضعف من الفرنا
بيستهلك بنزين زي الفرنا و التكيف بيأثر عليه غير انه خشن شويا مش ناعم زي الفرنا

نقول نيو اكسنت(80000)\
هي احسن ماتور في هذه الفئه
بس غاليه شويتين و بعدين بيقولو في مشاكل في الباور بتاعها

بصراحه اكتر عربيه قريبه الي قلبي هي اللوجان
لانها مختلفه و وسعه جدا
لو اتاكدت بس انها استهلكها قليل للبنزين و ماتورها الي حد الما ناعم
هتكوني هي اختياري الاكيد

**hesham_tawfiq** · 08-07-2008 10:24 AM

بص انت صح فى كل اللى قلته بس انا لما جيت حسبتها اخترت العربيه العائليه ( مش بتاعة جرى وعفرته وحركات من دى ) و اقتصاديه ودى واضحه جدا فى اللوجان ومريحه ( عامل مشترك فى كل العربيات ماعدا الهيونداى اللى ضيقه جدا ومش مريحه )و كمالياتها اكتر بالنسبه لكل اللى فالسعر دا وتوكيل ممتاز
يعنى انا مش فارقه معايا اوى موضوع نعومة سحب الموتور او عدد الاحصنه او عزمه اوى
انا شايف ان دى فروقات نسبيه بين كل العربيات وفى الاخر انا شايف ان اداء العربيه اتحسن جدا جدا بعد اول الفين كيلو وبالنسبه لموضوع التكييف هو مش بيموت العربيه بس بيخنقها شويه ومره واحد وقفنى عند الشغل بيسالنى عن العربيه لقيته بيقوللى انو معاه كورولا وبرضه تكييفها مش عاجبه.
فهى دى بالظبط الفروقات النسبيه بين العربيات.
وبعدين انت مقولتش ليه فى الموديلات اللى تختار بينها الافيو , الكليو , سبرانزا
ممكن توسع شويه دايرة اختياراتك الا لو انت مش حاببهم

**hesham_tawfiq** · 08-07-2008 10:27 AM

وبعدين انت ليه مش حابب استهلاك البنزين فاللوجان
انا المعدل عندى 7.5 لتر / 100 كيلو
يعنى 14 كيلو / اللتر ودا معدل كويس ومبيتاثرش كتير بالتكييف لما بيشتغل.

**semihuman** · 08-07-2008 10:56 AM

بص انا بكره شكل الكليو قطع غيارها غاليه و ان كانت عربيه محترمه

الافيو عربيه خطيره لناحيه الشكل من جوه ومن بره
بس صحبي عمل بيها حادثه و العربيه بقيت مش عربيه اتعقدت منها

اما الاسبرينزا دي صيني يعني مهما كانت كويسه لو جيت ابيعها هبيعها بتمن 128لانها في الاخر صيني!

وكل دي وجهات نظر

انا الي عجبني قوي في اللوجان بحس انها متينه غير كل العربيات دي
انا لو معايا فلوس كنت جبت النترا و انا مغمض:)

انت بتقول استهلاك اللوجان 14 كيلو للتر هل ده جوه البلد؟
ولا في الطرق السريعه؟ انا عايز اعرف جوا البلد

**hesham_tawfiq** · 08-07-2008 11:23 AM

المشاركة الأصلية كتبت بواسطة semihuman

انت بتقول استهلاك اللوجان 14 كيلو للتر هل ده جوه البلد؟
ولا في الطرق السريعه؟ انا عايز اعرف جوا البلد

بصراحه مش عارف احسبها ازاى انا ساكن فى اكتوبر وشغلى فى اكتوبر يعنى تقريبا مبهديش غير عند المطبات. ومبنزلش البلد غير مره فالاسبوع من الهرم للمنيل ثم الى المحور فالبيت مباشرة :-)
اعتقد اننا احنا الاتنين محتاجين حد يرد علينا فالنقطه دى

**amr123** · 08-07-2008 11:00 AM

متشكر جدا يا دكتور هشام ...انت كلك زوق والله
انا محرج من زوقك و عرضك بس حضرتك زي ماتكون حاسس بالي كان نفسه اطلبه منك بس اتحرجت
انا هبعت لحضرتك اميل النهاردة و منتظر ردك

ربناااااااااااااااا يكرممممممممممممممك
شكرا

**ehabspc** · 08-07-2008 04:20 PM

السلام عليكم و رحمة الله

ألف ألف مبروك يا باشا على السيارة

ممكن بس أعرف من حضرتك هى الفول أوبشن اللى ب 75 ايه كماليتها
و لو عند حضرتك صور و مفيهاش تعب ممكن نشوفها
لأن فى مواقع حاطة صور عليها علامة الرينو و مواقع عليها علامة داتشيا

و ربنا يكرمك و يباركلك

**alfa_we** · 08-07-2008 07:50 PM

مفيش فرق بين اللوجان والداتشيا

**hesham_tawfiq** · 09-07-2008 12:34 AM

المشاركة الأصلية كتبت بواسطة alfa_we

مفيش فرق بين اللوجان والداتشيا

بالظبط كده العربيتين واحد والاختلاف بس فى اللوجو لان رينو اشترت شركة داشيا الرومانى من حوالى خمس سنين او اكتر
عموما انا حاطط صور للعربيه فى قسم الصور بس سامحنى لان الصور جودتها مش اد كده