تركيب فيلم عازل للحراره.سيينا 1400- انظر الصوره..

**ayman2** · 31-10-2012 11:09 AM

المشاركة الأصلية كتبت بواسطة michohat

طبعا مفيش كلام عن جوده الفي كوول ولكن الميزانيه عاليه عليا بالنسبة له ومعرفش العرض بتاعنا لسه مستمر ولا ايه
و كنت بسئل هو انت عملت الزجاج الامامي من بره ولا من جوه وهل يوجد حمايه للزجاج الامامي من الخارج بواسطه فيلم مشابهه يحمي الزجاج من الخرابيش والزلط وما شابه

أعتقد ان العرض مازال قائما وعندهم نوع يابانى آخر وعندما سئلتهم منذ فتره قريبه عن موضوع تركيب عازل خارجى استنكروا ذلك تماما وفى حاله وجوده فعلا فهو غير عملى واقتنعت برأيهم وممكن ابعث لك أرقام التليفونات الخاصه بهم وصدقنى هايفرق جامد جدا فى التكييف وحمايه الأجزاء الداخليه للسياره والأهم من ذلك حمايه الركاب من اشعه الشمس الضاره جدا فى غياب طبقه الأوزون لدرجه اننا بنقفل الزجاج لما نشعر بالشمس وتلاقى سيارات حديثه وحاطين ورق الجرايد وأقمشه على الزجاج فى مشهد غير لطيف ولا يتناسب مع فخامه السياره ويفقد المتعه فى السفر من النظر فى الشباك بالنسبه للأطفال خصوصا

**misoalex** · 31-10-2012 08:15 PM

المشاركة الأصلية كتبت بواسطة michohat

ان شاء الله اصور لك الطبقه اللي بتكلم عليها بس اعتقد ان خامتها مش هتبان ف الصور
هيا عامله زي ما تكون بلاستيك تقيل واظن عليه طبقه بلاك لدرجه انه قرب من الجلد وصعب انك تقطعه باليد ولو شديته بيتمط ف ايديك
وده اشبهه بالقطع البلاسيتك اللي بتغلف موتور ماكينه المساحات وتحميها من المياه

لما سئلت بتوع الاستيراد قالوا لي انه بيكون ف الابواب الاستيراد وصعب يبيبعوه لوحده وبيكون هو ف كل باب و بيكون تحت كوبسته الباب و فوق سن حرف عضم الباب من جوه و بيكون نازل في مكان الزجاج ما بين الزجاج وعظم الباب وبيغطي مساحه من اول طبله الباب لحد قبل عتب الباب بشوية

بالنسبة لللباد الحراري ده موجود اه بس زي ما خميس قال مش ينفع نستخدمه ف كل حته ولما شوفت موضوع عصام غنايم دورت على النت لقيت ماده تانيه اسمها الواح بيوتيومين bitumen sheets

في العاده بتكون الواح سوداء اللون واللي في الصورة ده نوع منها مغطي بالالمونيوم واعتقد ده اللبي يقصده خميس باشا

maverick's bitumen sheets - diy car soundproofing

ولما دورت بالمصري مش لقيت الا ان ممكن يبقى المرادف الواح البيوتومين هي الواح البلاك اللي استخدمها عصام غنايم في موضوعه
بس من الواضح من الموضوع اللي ارفقت رابطه maverick's bitumen sheets - diy car soundproofing

ان خامه الالواح ارفع من الخامه اللي استخدمها عصام وانها اشبه ببلاستيك اكياس القمامه

وبالنسبة للفوم لما كنت بفكر فيه ف واحد قال لي انه بيشتغل وبيسيح والدليل ان الاطفال ف الشارع بيلعبوا بيه وبيفرحوا لما يلاقوا الفوم ده ويقعدوا يولعوا فيه

لاني كنت عاوز املأ الفراغات اللي فى الرفارف فوق الكارترات وكنت برضه عاوز املأ عتب العربية الصاج من جوه
علشان مفيش مياه تركن وتسبب بارومه

ايوه بالظبط اللى اقصده شبهه اللى اللى فى الصوره اللى عليه ورق المونيوم
ده اللى بيستخدموه بره مصر