جنوط للساجا

**Kareem.ElAraby** · 25-09-2012 10:55 AM

متابع

**Motarjim** · 25-09-2012 01:48 PM

المشاركة الأصلية كتبت بواسطة ahmedfair

طب حضرتك تعرف مكان كويس في الحرفيين يعمل الموضوع ده؟
وايه فايدة اني اجيب جنط اكبر
انا حاروح الأول بريدجستون حاشوف حايقول ايه

السلام عليك،

لو اضطررت تروح الحرفيين لاستعدال الجنوط، في مخرطة هناك صاحبها واحد اسمه محسن غريب، وقبلها بخطوات واحد اسمه علي المطراوي، بس اعتقد محسن غريب أفضل، لأنه شغال كويس ما شاء الله، بس هتلاقيه غالي شوية. عنوانه لو أنت جاي الحرفيين من جسر السويس هتكمل عالطول - لو من ناحية الدائري، ونزلت نزلة السلام، هتدخل شمال- بعد مسجد العزيز بالله هتلاقي بجواره موقف ميكروباص، وهيقابلك أول تقاطع على رأسه عربية فول، أدخل شمال، تسيب أول بلوك على إيدك اليمين، محسن غريب في البلوك اللي بعده مباشرةً، وهتلاقي على المطراوي أول بلوك على إيدك الشمال. ولو تهت هناك، ممكن تسأل على "المطراوي" بتاع الشكمانات، أو الصعيدي لقطع غيار الفيات، المخرطتان بالقرب منهما. ولو حد تاني من أخوانا الأعضاء يعرف حد هناك، يتفضل يقولنا عليه.

وأبقى طمنا عملت إيه، وإن شاء الله خير.

**eng.m7md.ali** · 25-09-2012 04:02 PM

محسن غريب شغله حلو
انا لسة عامل عنده جنط اتلوح مني بسبب مطب
خد 80 جنيه والجنط رجع جديد

**medo_tourkey** · 28-09-2012 04:04 PM

انا كنت جربت في الحرفين برضه الثلاثي للجنوط وجربت شغله وطلع كويس الحمد لله

**m_elhasafy** · 30-09-2012 07:10 PM

روح لبريدجستون و خليه يحطهم على جهاز الترصيص ولو الجنط معووج هيبان على طول
أنا إستعدلت جنط عند أشرفكو اللى قدام محطة مترو المطرية ب 70 جنية
الجنط إستعدله على البارد و رجع زى الأول بس إتخربش شوية من مكنة الكبس
أنا رأى تجرب تستعدل الجنوط الأول قبل ما تدفع تمن طقم جديد و ممكن ما يعجبكش لإنى ما أنصحكش إنك تغير الجنوط الفابريكة إلا بنوع أحسن زى O.Z أو mo mo بس يكونوا أصلى و دول سعرهم غالى قوى يعنى تقريباً بسعر الجنط فى التوكيل اللى هو 1250 جندى للجنط
الكارثة إنك هتدوخ على المقاس بتاعنا فى الأنواع دى لأن مقاسنا متصنف على إنه City Car !!!

**ahmedagad** · 05-10-2012 06:12 PM

متابع

**ahmedfair** · 07-11-2012 07:56 AM

روحت الحمد لله واستعدلت الجنط عند اشرفكو بعد ما اتأكدت ان انه اتعوج من بريدج ستون و الحمد لله رجعوا زي الاول انا استعدلت ٣ جنوط الواحد ب ٩٠ جنيه و رصصلي كمان الاربعة بعد ما خلص و لحملي فردة كان داخل فيها مسمارين