جنوط للساجا

**ahmedfair** · 24-09-2012 10:20 PM

السلام عليكم
كنت باشتكي من رجة في الدركسيون و قلتلهم النهاردة في التوكيل قالولي في جنطين لازم يتغيروا فالسؤال دلوقتي ايه سعر الجنوط في التوكيل ؟و لو حبيت اعملهم برة هل في مكان كويس ؟ وهل في حل غير اني اجيب جنوط جديدة ؟

**Motarjim** · 24-09-2012 10:29 PM

السلام عليك أستاذ أحمد،

هي العربية موديل كام؟ حضرتك أخد بيها مطب جامد أدى إلى اعجواج الجنوط؟ إن كان العربية دي موديل حديث، فهل الرجة دي من وقت استلامها؟ عايز اوصل مع حضرتك إلى مدى امكانية تغيير الجنوط في الضمان، أم أنه لا يسري عليها؟

**ahmedfair** · 24-09-2012 10:38 PM

العربية موديل ٢٠١٠ والرجة لسة قريبة و المطبات الي خدتها بسرعة كانت زمان جدا يمكن بعد ما استلمت العربية بشهر ولا شهرين

**Motarjim** · 24-09-2012 10:43 PM

المشاركة الأصلية كتبت بواسطة ahmedfair

العربية موديل ٢٠١٠ والرجة لسة قريبة و المطبات الي خدتها بسرعة كانت زمان جدا يمكن بعد ما استلمت العربية بشهر ولا شهرين

تمام. الجنود عند حضرتك حديد، ولا سبور؟

**ahmedfair** · 24-09-2012 10:46 PM

مش عارف مش الساجا موديل واحد بينزل منها ؟

**Motarjim** · 24-09-2012 11:06 PM

المشاركة الأصلية كتبت بواسطة ahmedfair

مش عارف مش الساجا موديل واحد بينزل منها ؟

اعتقد أن بينزل منها مودلين، أوتوماتيك ومانويل جميع الكماليات. هو فعلا جنوط الساجا سبور مقاس 15. أظن حضرتك محتاج ترصيص لزق لها، ممكن حضرتك تروح إلى مكان محترم لإجراء الترصيص، مثلا بريدجستون، أو ما قد يقترح السادة ملاك الساجا. إلا إذا كان الجنوط فيها لوحة جامدة، ولا ينفع معها ترصيص. والله اعلم، ممكن حضرتك تنظر آراء باقي الأعضاء، يفيدوا أكثر مني إن شاء الله.

**ahmedfair** · 24-09-2012 11:51 PM

جزاكم الله خيرا انا ان شاء الله رايح بريدج ستون اشوف حايقولوا ايه

**eng.m7md.ali** · 24-09-2012 11:56 PM

جنوط الساجا سبور مقاس 14 وليس 15
لو فعلا في لوحة في الجنوط ممكن حضرتك تستعدله في اي مخرطة في الحرفيين وبيرجع زي ماكان
اما لو تحب تغير وتجيب مقاس اكبر مثلا 16 او 15 هتلاقي العملية كويسة معاك :)

**haissam24h** · 24-09-2012 11:58 PM

روح اى بتاع كاوتش عنده جهاز كمبيوتر ترصيص وشوف هيقولك الجنط فيه شى ولا لا
ولو لقدر الله طلع المشكله فى الجنوط

الافضل تشترى 4 مش هيعدو 2000 ج وتريح بالك لانك هتلاقى سعر الجنط فى التوكيل بثمن ال4 وان شاء الله خير ويطلع الموضوع كله ترصيص