حاجة غريبة جداً فى التكييف

**sameh295** · 25-09-2012 10:40 PM

وانا مروح شغلت التكييف عادى زى كل يوم ، لقيت حاجة غريبة جداً.
الهوايات الشمال بطلع هوا سخن واليمين بطلع هوا ساقع . انا عامل التكييف على ٢٠ والهوا من جوه
انا معايا ميجان ٢٠٠٨
شكرًا

**bedooracle** · 26-09-2012 09:45 AM

و غلاوتك عملتها معايا من حوالى شهر و مكسل بس سالت حد فى التوكيل قالى ان الاعراض دى اعراض نقص فريون لما قلتله نص سخن و نص بار قالى النص الشمال هو اللى ساقع قلتله اه قالى نقص فريون و عندهم فى التوكيل تقريبا ملى الفريون كامل تقريبا 150 جرام بى 450 جنيه مع ان فى واحد نصاب عندنا فى مصر الجديدة زودت عندو الفريون فى اول الصيف بس انا حاسس ان نصاب بس لسه متاكدتش ان دا السبب الرئيسى

**sameh295** · 26-09-2012 03:30 PM

المشاركة الأصلية كتبت بواسطة bedooracle

و غلاوتك عملتها معايا من حوالى شهر و مكسل بس سالت حد فى التوكيل قالى ان الاعراض دى اعراض نقص فريون لما قلتله نص سخن و نص بار قالى النص الشمال هو اللى ساقع قلتله اه قالى نقص فريون و عندهم فى التوكيل تقريبا ملى الفريون كامل تقريبا 150 جرام بى 450 جنيه مع ان فى واحد نصاب عندنا فى مصر الجديدة زودت عندو الفريون فى اول الصيف بس انا حاسس ان نصاب بس لسه متاكدتش ان دا السبب الرئيسى

انا سالت فى التوكيل قالولى نفس الكلام. انا هاجرب ازود الفريون وهاقلك اللي حصل ان شاء الله

**sameh295** · 26-09-2012 11:17 PM

المشاركة الأصلية كتبت بواسطة sameh295

انا سالت فى التوكيل قالولى نفس الكلام. انا هاجرب ازود الفريون وهاقلك اللي حصل ان شاء الله

انا لسة جاى من برة شحنت التكييف والحمد لله رجع اسقع من الاول. كان ناقص نصة وكلفنى ٧٠ جنية

**bambino2012** · 26-09-2012 11:41 PM

يا ترى شحنته في الوكيل و لا بره

**sameh295** · 27-09-2012 10:20 PM

المشاركة الأصلية كتبت بواسطة bambino2012

يا ترى شحنته في الوكيل و لا بره

يا باشا انا دافع 70 جنية. لو توكيل مش اقل من 300 جنية

**bedooracle** · 29-09-2012 01:36 PM

طيب انا زيك رضو ورحت و شحنت التكييف مع فرق فى السعر عند اللى فى ميدان الحجاز 100 جنيه لانه كان ناقص كتير بس لما جه زود بص على الخرطوم 6 لقيه عامل بالونة بس مش كبيرة على طول قالى دا هو السبب لانى قلته انا شاحنه من 4 شهور قالى اعمله عموله مقاس 8 الامريكيى بى 175 لان اللى فيها مش موجود و هعمل ادابتر و قصة قلتله زوده و انا هبقى اشوف الخرطوم ايه رايكم فى الكلام دا بس انا شاكك فى الواد اللى انا زودت عنده من 4 شهور لانه معرفش زود كام ولا ايه كله اللى اتكلمنا فيه قال 120 و اخد خمسين
هلو موضوع الخرطوم دا ممكن يكون السبب انا عرفت من المنتدى هنا انه بسبب تشغيل التكييف على سرعة عالية عموما انا هحاول ان شاء الله اصوره و اخليه هنا فى ا لموضوع و تقولوا رايكم

**MohammedAladel** · 29-09-2012 03:51 PM

أنا عندى زيك بالظبط خرطوم اللى رايح للكمبرسور من فوق عامل بالونة ولما فكيت كرتيرة العجل من تحت لقيته برضه عامل بالونة أنا توقعت إن دا بيكون بسبب فتح الكمبرسور والعربية ماشية على سرعة أو آربى إم عالى بالمعنى الأصح
لكن التبريد كويس عادى

**MohammedAladel** · 29-09-2012 05:55 PM

http://www.nilemotors.net/Nile/3874496821-post10.html

**bedooracle** · 30-09-2012 10:03 AM

تسلم يا ابوعادل و يسلم الرجاله على التفاعل طيب الراجل اللى شحنته عنده قالى دا اسمه خرطوم 6 الصح انه يركبله مقاس 8 و هعمل ادابتر بين الماسورة والخرطوم و نركب خرطوم امريكى عمره ما يعمل بالونة قالى يتكلف 175 جنيه ايه رايكم و لو فى التوكيل حد عنده فكرة الخرطوم دا بكام؟