الموضوع: سيارة مستعملة مناسبة

المشاركة الأصلية كتبت بواسطة y a r i s

محمد يا حبيبي انتا العربية السيريون بتاعت الراجل الي شفتها في موضوع ديهاتسوا دي ١٥٠٠ سي سي glxيعني ميه ومش عارف كام حصان بسم الله مشاء الله والله اكبر عربية طلقة بسرعة الرصاصة. بتطلع من صفر للمية غير كده وكده فيها الجنوط الاصليه بتاعت بلدها طقم الجنوط دي لوحدو ب ١٠.٠٠٠ جنيه. وفيها الكاسيت الاصلي بتاع بلدها الي بيجي فيه فتحت aux وتقريباً بينزل فيها عتب واسبويلر خلفي. والعربية ماشية ١٦٠٠٠ كيلو بس يعني لسه بتليين

انتا خليك في السيريون ال gl بس. بتنزل استندر باتنين ايرباج. وبقزاز كهربا وسنتر
العربية ال ١٠٠٠ سي سي ٢٠٠٩. هتعمل في حدود. ال ٥٠.٠٠٠ جنية منيول
وال ١٣٠٠. هتعمل في حدود ٦٠ بس gl مش glx الي هيا كاملة فل فل اوبشن ال جي ال بتبقى هاف اوبشن بس ممتازة
ومتقلقش بكره الجمعه انزل السوق وشوف وبص على العربيات وعندك موقع كونتكت كار بتبقى احياناً بتنزل حجات لقط. العملية محتاجة صبر

ان شاء الله هعمل كده

السلام عليكم ممكن تشوف التويوتا ياريس 2006 وربنا يوفقك

طيب ايه اخبار قطع الغيار

والله يا باشا انا فى حيرة من امرى لو احلفلك انى بنام واصحى احلم بالعربية والمشكلة فى الاختيار تلاقى كل واحد تسأله برأى واحد يقول اوعى تجيب مستعمل علشان انت بتتعلم والعربية هتبهدلك
والتانى يقول لوجبت جديد هتبهدل العربية علشان جديدة حرام عليك
والى يقولك ابعد عن الكورى وخليك فى اليابانى
المشكلة ان الواحد معندوش اي خبرة فى العربيات الا من خلال السمع بس علشان كده الاختيار بالنسبة ليا صعب جدا وخصوصا فى موضوع جديد ولا مستعمل ومن الاخر اصل الواحد شقيان فى الفلوس دى وصعبان عليا اجيب حاجه تبهدلنى بعد كل ده او احس انى بهدلتها علشان لسه بجرب فيها

يسلم ايدك انا قرأت الموضوع ده فعلا هو ده الى بيحصل الموضوع ده جامد جدا وبيأكد كلامى ان من الواضح ان الواحد يبص على الزيرو احسن ويخليه فى الامان