الموضوع: سيارة مستعملة مناسبة

باشا انا كنت زيك وفى نفس حيرتك عايز عربية كويسة واتو عشان اتخنقت من المانويل وانا بتعلم وكانت الميزانية من فى حدود 50 الف وربنا وفقنى فى عربية اوبل استرا 2005 كانت ماشية 63 الف الكلام ده كان فى 2010 اخدتها ب 55 الف وديه كانت اول عربية اشتريها والحمد لله ربنا كريمنى فيها مش بحطلها غير زيت وبنزين والصيانات الدورية بتاعتها ومبكبرش دماغى فى اى حاجة فيها والحمد لله مريحانى وزى الفل , انا حبيت بس انقلك تجربة واحد كان فى نفس وضعك وربنا يوفقك فى الصالح ان شاء الله.

المشاركة الأصلية كتبت بواسطة y a r i s

محمد يا حبيبي انتا العربية السيريون بتاعت الراجل الي شفتها في موضوع ديهاتسوا دي ١٥٠٠ سي سي glxيعني ميه ومش عارف كام حصان بسم الله مشاء الله والله اكبر عربية طلقة بسرعة الرصاصة. بتطلع من صفر للمية غير كده وكده فيها الجنوط الاصليه بتاعت بلدها طقم الجنوط دي لوحدو ب ١٠.٠٠٠ جنيه. وفيها الكاسيت الاصلي بتاع بلدها الي بيجي فيه فتحت aux وتقريباً بينزل فيها عتب واسبويلر خلفي. والعربية ماشية ١٦٠٠٠ كيلو بس يعني لسه بتليين

انتا خليك في السيريون ال gl بس. بتنزل استندر باتنين ايرباج. وبقزاز كهربا وسنتر
العربية ال ١٠٠٠ سي سي ٢٠٠٩. هتعمل في حدود. ال ٥٠.٠٠٠ جنية منيول
وال ١٣٠٠. هتعمل في حدود ٦٠ بس gl مش glx الي هيا كاملة فل فل اوبشن ال جي ال بتبقى هاف اوبشن بس ممتازة
ومتقلقش بكره الجمعه انزل السوق وشوف وبص على العربيات وعندك موقع كونتكت كار بتبقى احياناً بتنزل حجات لقط. العملية محتاجة صبر

ليك رسالة على الخاص يا باشا