السلام عليكم و رحمة الله و بركاته
اولا الشركات دي كلها بتسرقنا عيني عينك كده
انا كان نظامي الاول ايزي مع فودافون
اخدت خط هدية و USB هدية او كان بيتهيئلي انه هدية زي ما قالوا
وكنت بسدد ال50 جنية كل شهر منتظم كله لحد كده تمام
قررت اني احول لكنترول رحت التوكيل عشان اصفي كل اليي عليا عشان اقدر احول
و افاجا ان بعد سداد ال50 بتاعت الشهر دا ان عليا 145 جنيه لحد دلوقتي مش فاهم بتوع
ايه و الموظف يحاول انه يفهم فيا و انا ابدا مش لاني غبي و الله بس لانه مش مقتنع باليي بيقوله
دا غير اني فوجئت انهم ضايفين عليا اقساط لل USB كمان و مش عارف بيقولي في استهلاك
من يوم كام لكام ما اتحسبش
هرتله من الاخر طبعا دفعت و انا ساكت
ثانيا انا عملت نظام بصراحة ممتاز و مريحني جدا
انا حولت لنظاك كنترول 25 مع فودافون
و اشتريت خط موبينيل على نظام كنترول 25 برضه
فبكلم ارقام فودافون من خط فودافون و ارقام موبينيل من خط موبينيل
و اي اتصالات بكلمهم من ال 120 دقيقة الاضافية اليي نازلة مع الخطين
نتكلم بالارقام انا اجمالي اليي بدفعة بالظبط 57.50 للخطين بعد ما كنت بدفع 120 جنيه على الاقل على نظام ايزي اللعين (دا هارد مش ايزي خالص )
ملحوظة انا معايا موبيل جالاكسي بخطين و دا بصراحة مريحني اكتر مع النظام دا احسن ما اشيل جهازين.
دي نصيحة بنصح بيها اي حد لانها من وجهه نظري اوفر نظام لقيته لحد دلوقتي
المفضلات