الموضوع: شدايه ولا اروع (مينى كوبر - هوندا - اوكتافيا-بى ام)

المشاركة الأصلية كتبت بواسطة semsem kane

بقولكوا اية انا كرهت الناس واللى سايقين العربيات بجميع الفئات ( ملاكى - اجرة - اتوبيسات - مقطورات - ميكروباصات - تكاتك - نقل ونص نقل وربع نقل -موتسيكلات - وبنى ادمين اللى بتعدى الطرق )

يا
</b>tutankhamoun باشا انا قررت ان امشى بالراحة وبسرعة متوسطة ادخل المدينة لاتتعدى 60 الى 70 كم حلو لحد كدة , الاقى بقى جميع فئات الشعب من جميع الفئات عمالة تكلكس وابص فى المرايا الاقى واحد عمال يزعق وعايزنى اسرع وصلت ل80 كم بردة مش عاجبة اجى شمال او يمين نفس الكلام من شخص اخر
اشد بالعربية مالاقيش حد ورايا اصلا

طيب نعمل اية , يعنى انا قولت همشى هادى الاقى ناس بتنرفزنى واللى عايز يعدينى واللى يزنق عليا واللى يروح مديينى غرزة عشان بسلامتة يعدى وانا اصلا لو دوست بنزين فى وش عربيتة هحرقهالة

وانت بتقول امشوا بالراحة طيب نعمل اية

انهادرة وانا رايح الشغل باخد الدائرى قولت مش هعدى 100 كم وقد كان واحد بلاتسر بومة جاى بيجرى وعايز يعدينى ونفس الكلام واحد بكليو وواحد بالنترا كل دول عايزين يعدونى ويجروا وانا مش لاقى حتة اروحها روحت متنرفز عليهم اختفيت من قدامهم لانهم جنونى ,

وبجد دة شعب ماينفعش معاة غير كدة عايز الواحد قليل الادب وعديم الزوق وانة يتجاهل اللى قدامة ومافيش احترام

عشان بس تبقى تقولى امشى بالراحة وبلاش الغرز دية عينة من بتوع الملاكى فمابالك بقى بتوع الميكروباصات اللى بلاقيهم مافيش غير سم واحد فقط فرق مابين عربيتة وشنطة عربيتى وانت عارف اصلا فراملهم فى الضياع ربنا يسترها علينا

بجد انا لما بمشى بسرعة بستريح جدا فى السواقة وبحس انى ماشى لوحدى فى الطريق ومحدش بيكون ورايا ولا يضايقنى

انا رأى من رأى سامح بصراحه الواحد لو مشى براحه هايتداس عليه , ده انا لما بكون ماشى على البحر بيجيلى شلل من بتوع الميكروباصات والعيال السيس اللى فرحانين باللعب اللى الحاج جايبهالهم وحاجه تقرف وياسلام لما الاقى واحد ماشيلى بالراحه فى الحاره الاخيره و اخوه فى الحاره اللى جنبه بسرعه لا تتعدى ال 40 طب واقلب نور وادى كلاكسات ولا حياة لمن تنادى اقوم طالع من اليمين الاقى ميكروباص وقف فجأه يحمل وينزل ولا حد بيعدى الطريق بدون اى مقدمات طب ام الانفاق اللى معموله على البحر دى لزمتها ايه ؟؟؟ مزار سياحى مثلا ؟!! مش فاهم انا .
من الاخر كده مفيش حد بقى ملتزم بالقوانين ولا هتعرف تمشى بالراحه فى البلد دى