هوندتي سيفيك 2009 متبهدله :(((

**moro111** · 02-10-2012 09:45 PM

السلام عليكم و رحمه الله

معايا سيفيك 2009 من حوالي 8 شهور و كانت زي الفل و مره واحده ظهرت كزه حاجه مع بعضها و مضيقاني جدا
1-قاعده الموتور الزيت مش عرف ضربت و لا ايه و العربيه بتترج خاصه علي السرعه الهاديه و في بدايه التشغيل(سألت عند مجدي الدسوقي و كان كلامه:الاصلي 990 و التايواني 550 و بصراحه مش عارف اجيب ايه فيهم؟؟؟؟؟و لا اوديها التوكيل احسن؟؟؟؟؟؟؟؟؟

2- علي الطريق السريع و بحكم سفري الكتير بعد سرعه 190 الكومبريسور بتاع التكييف بيفصل تماما و لازم اهدي لسرعه 100 او اقل و ايد تشغيل التكييف يشتغل عادي جدا(الموضوع ده حصل مرتين معايا علي السرعه العاليه و لكن جوه البلد و علي السرعات العاديه التكييف شغال زي الفل

3-مروحه التكييف (اعتقد هيه اللي بتدخل الهوا البارد جوه الكابينه) بعد تشغيل حوالي 5 ساعات متواصله ظهرت صوت صفاره خفيفه من التكييف و الهوا بدا يتكتم لغايه معدش فيه هوا خالص و الكومبريسور شغال عادي(حصلت معايا مره واحده بس و الحمد لله معدش بشغل التكييف اكتر من ساعتين(مع انه المفروض لو اشتغل 10 ساعات ميحصلش حاجه و لا ايه؟؟؟؟

و اللي زاد من القرف نزلت انهرده لقيتها مخبوطه خبطه تمام في الرفرف و هيه واقفه

المهم عندي دلوقتي حوار قعده الموتور عشان مش عارف اعمل ايه بصراحه و معنديش خبره قويه في السيفيك و ياريت اي حد يرد عليه عشان اخدت اجازه بكره مخصوص عشان اخلص الحوار ده و اسف جدا علي الاطاله

**SAMEH_FOUAD** · 02-10-2012 10:36 PM

طيب شوف ياباشا ان شاء الله خير والمشاكل دية كلها عادية بأذن الله

1- القاعدة هاتها الاصلى لازم ودة سعرها فعلا 990 جنية , بس هية المفروض ان العيب دة كان موجود فى السيفيك 2007 - 2008 والمفروض انة اتحل فى 2009 -2010

2- بالنسبة للتكيف فدة طبيعى عشان يحافظ على الكمبورسير مافيش مشكلة منة

3- بالنسبة لصوت الصفارة فروح لأى بتاع تكييف وقولة عايز ازيت المروحة , او انت اعملها بنفسك لو تعرف هتنزل تحت درج التابلوة اللى جنب السائق , هتلاقى المروحة فكها وشيل الفيشة بتاعتها , وهتجيب زيت ( ماكينات ) مش اى زيت وان شاء الله كلة هيبقى تمام والصوت هينعم والقوة بتاعتها هتتحسن جدا وبشكل ملحوظ

4- الخبطة ربنا يعوض عليك ياباشا وحاول ماتركنش على مدخل شارع او تخليها فى جراج , هو طبعا كل شىء نصيب بس لازم تاخد بالاسباب , وقدر الله وماشاء فعل

**hany63** · 02-10-2012 11:41 PM

متهيالي ان الكومبريسور بيفصل على الار بي ام العالي مش على السرعه العاليه بمعنى لو بتقرص قبل الريد زون لكل نقله هيفصل عشان يخف التحميل على الموتور و الكمبريسيور ما يتحرقش وده للامان و كمان عشان العربيه تديك عزم اكتر و انت بتشد كانك بالظبط قفلت التكييف ساعة الشده و لما خلصت شغلته تاني
و ياريت حضرتك تغير فلتر التكييف بالمره و هتلقاه لما تفك درج التابلوه اللي قدام الراكب الامامي
العربيه تعتبر سليمه ما عدا قاعدة الموتور بس انا ملاحظ ان حضرتك متقل عليها شويتين في الاستعمال

**haythamkmal** · 03-10-2012 12:06 PM

المشاركة الأصلية كتبت بواسطة moro111

السلام عليكم و رحمه الله

معايا سيفيك 2009 من حوالي 8 شهور و كانت زي الفل و مره واحده ظهرت كزه حاجه مع بعضها و مضيقاني جدا
1-قاعده الموتور الزيت مش عرف ضربت و لا ايه و العربيه بتترج خاصه علي السرعه الهاديه و في بدايه التشغيل(سألت عند مجدي الدسوقي و كان كلامه:الاصلي 990 و التايواني 550 و بصراحه مش عارف اجيب ايه فيهم؟؟؟؟؟و لا اوديها التوكيل احسن؟؟؟؟؟؟؟؟؟

2- علي الطريق السريع و بحكم سفري الكتير بعد سرعه 190 الكومبريسور بتاع التكييف بيفصل تماما و لازم اهدي لسرعه 100 او اقل و ايد تشغيل التكييف يشتغل عادي جدا(الموضوع ده حصل مرتين معايا علي السرعه العاليه و لكن جوه البلد و علي السرعات العاديه التكييف شغال زي الفل

3-مروحه التكييف (اعتقد هيه اللي بتدخل الهوا البارد جوه الكابينه) بعد تشغيل حوالي 5 ساعات متواصله ظهرت صوت صفاره خفيفه من التكييف و الهوا بدا يتكتم لغايه معدش فيه هوا خالص و الكومبريسور شغال عادي(حصلت معايا مره واحده بس و الحمد لله معدش بشغل التكييف اكتر من ساعتين(مع انه المفروض لو اشتغل 10 ساعات ميحصلش حاجه و لا ايه؟؟؟؟

و اللي زاد من القرف نزلت انهرده لقيتها مخبوطه خبطه تمام في الرفرف و هيه واقفه

المهم عندي دلوقتي حوار قعده الموتور عشان مش عارف اعمل ايه بصراحه و معنديش خبره قويه في السيفيك و ياريت اي حد يرد عليه عشان اخدت اجازه بكره مخصوص عشان اخلص الحوار ده و اسف جدا علي الاطاله

بالنسبة للقاعده هات الاصلى التيوانى مبتعش اكتر من 3 او 4 شهور

التكييف زى وا الاستاذ هانى قال بيفصل على 6 ار بى ام تقريبا ، وطبعا سرعة 190 بيكون ال ار بى ام على 5 فمينفعش يفصل ، كده فى الغالب انت عندك فريون زيادة وبالتالى بيعلى الضغوط ويخلى الكومبرسر يفصل بدرى ، فيس الشحن عن حد محترم ، ويرده موضوع ان الهواء بيقل تدفقه من الهويات ده بسبب ان الفريون زياده بيخلى الثلاجة تعمل تلج زيادة وتتقفل والهول مبيعديش منها .

**hany63** · 03-10-2012 12:45 PM

المشاركة الأصلية كتبت بواسطة haythamkmal

بالنسبة للقاعده هات الاصلى التيوانى مبتعش اكتر من 3 او 4 شهور

التكييف زى وا الاستاذ هانى قال بيفصل على 6 ار بى ام تقريبا ، وطبعا سرعة 190 بيكون ال ار بى ام على 5 فمينفعش يفصل ، كده فى الغالب انت عندك فريون زيادة وبالتالى بيعلى الضغوط ويخلى الكومبرسر يفصل بدرى ، فيس الشحن عن حد محترم ، ويرده موضوع ان الهواء بيقل تدفقه من الهويات ده بسبب ان الفريون زياده بيخلى الثلاجة تعمل تلج زيادة وتتقفل والهول مبيعديش منها .

استاذ و رئيس قسم الجيل التامن

**moro111** · 03-10-2012 10:26 PM

و الله انتوا اساتذه هوندا
قاعده الموتور عملتها في التوكيل و اتكلفت بالتركيب و الضريبه 1170 جنيه
و قصه الكومبرسور هشوفها بكره لاني مسافر ان شاء الله و هشوف هيعمل معايا ايه علي الطريق
شكرا علي الاهتمام